Bubur ketan hideung

Ti Wikipédia Sunda, énsiklopédi bébas
Loncat ke navigasi Loncat ke pencarian
Bubur ketan hideung
Bubuh Injin Bali 2.jpg
Bubur ketan hideung disuguhkeun kalawan cipate kintel ajang nyarap di Bali
Ngaran alternatifBubur pulut hitam, bubur injit
Tempat asalIndonesia jeung Malaysia
Wewengkon atawa nagaraAsia Tenggara
Bahan utamaketan, cipati, gula kawung atawa gula pasir
Cookbook:Bubur ketan hideung  Bubur ketan hideung

Bubur ketan atawa bubur ketan hideung (basa Malayu: bubur pulut hitambasa Balibubur injin) nyaéta bubur anu dijieun tina bahan utama béas ketan hideung anu diasakan dina cai nu ngagolak nepikakeun biyé. Dina nyuguhkeunna ieu bubur téh dikurucan cipati. Bubur ketan hideung mangrupa sebutan nu ilahar dipaké di Indonesia, utamana di Pulo Jawa. Di wewengkon nu pangaruh budaya Malayu na kuat mah, ieu bubur disebutna "bubur pulut hitam". Sedengkeun di Bali jeung di Nusa Tenggara Timur, ngaran ieu kadaharan téh disebutna "bubur injit".[1][2] Ieu kadaharan bisa disuguhkeun dina kaayaan tiis atawa panas.

Bahan[édit | édit sumber]

Bahan utama pikeun nyieun ieu bubur ketan hideung téh béas ketan hideung, gula kawung, daun pandan, jeung cipati kalapa. Gula pasir bisa ogé dipaké pikeun ngaganti gula kawung.

Varéasi[édit | édit sumber]

Rupa-rupa varéasi nu bisa dilarapkeun kana ieu bubur ketan hideung. Aya ogé anu nambahkeun béas ketan bodas minangka campuran béas ketan hideung. Komo deuih rupa-rupa palengkep bisa ditambahkeun kumaha karep. Bahan palengkep nu bisa ditambahkeun kana bubur ketan hideung téh diantarana bisa siki jagong, kastanya, roti tawar, jeung hui boléd.[3][4]

Rasa[édit | édit sumber]

Tipung béas ketan watekna cepel mun dikulub téh. Panambahan cipati nu sok dilakonan bisa ngurangan cepelna ti ieu kadaharan. Bubur ketan hideung mibanda warna nu hideung meles, sarta rasana nu gurih pisan, matak leneng.[5]

Cara nyieun[édit | édit sumber]

Bubur ketan hidueng dijieunna ku cara ngeueum béas ketan (lilana kurang leuwih 1 jam). Éta béas tuluy dikulub jeung daun pandan nu dikeueumkeun, nepi ka ngagolak. Tuluy seuneunna dikurangan, béasna terus dikulub nepi ka asak sarta biyé. Nalika geus biyé, gula kawung bisa ditambahkeun. Ieu kadaharan biasana dikucuran cipati. Bubur bisa disuguhkeun dina kaayaan panas atawa tiis.[6]

Mangpaat[édit | édit sumber]

Ketan hideung bisa nyegah diabétés, ketan hideung mibanda mempunyai sifat anti-inflamasi jeung euyeub antioksidan, mun dikonsumsi jangka lila bakal mangpaat pisan pikeun nyegah alzheimer sarta diabétés. Bisa mantuan ngajaga kaséhatan kulit sacara alami. Melesna ketan hidueng bisa ngagantikeun sél kulit paéh ku sé kulit anyar nu leuwih lemes jeung lembut, sarta ngandung  palembab alami malah mah bisa niiskeun kulit.

Rujukan[édit | édit sumber]

  1. (en)"Bubur Ketan Hitam Recipe (Black Glutinous Rice Pudding) and Indonesia Eats on Very Asia.com". Indonesia Eats. 7 Oct 2007. Diakses tanggal 7 May 2014. 
  2. (id)Boga Y (2008). Kue-kue Indonesia. Gramedia Pustaka Utama. ISBN 9789792238600. 
  3. (id)Soewitomo S (2008). 35 resep pilihan Sisca Soewitomo kolak & es campur: sajian saat ramadhan & idul fitri. Gramedia Pustaka Utama. ISBN 9789792239935. 
  4. (id)Nuraini U, Asti BM. Koleksi Hidangan Lezat Halalan Toyyiban. Mutiara Media. ISBN 9789798780233. 
  5. (id)Soehoetu C. Dasar Dasar Gizi Kuliner. Grasindo. ISBN 9789796694181. 
  6. (id)Winata M (2008). Sajian manis dan segar: jajan pasar, bubur manis, es campur, dan puding cita rasa Asia ala Thailand. Gramedia Pustaka Utama. ISBN 9789792240009.