Galatik batu

Ti Wikipédia Sunda, énsiklopédi bébas
Loncat ke navigasi Loncat ke pencarian
Galatik batu
Status konservasi
Klasifikasi ilmiah
Karajaan: Animalia
Filum: Chordata
Kelas: Aves
Order: Passeriformes
Kulawarga: Paridae
Génus: Parus
Spésiés: P. major
Ngaran binomial
Parus major
Linnaeus, 1758

Galatik batu (Latin: Parus major) nyaéta spesies manuk nu asalna tina kulawarga Paridae genus Parus. [2][3] Ieu manuk kagolongkeun kana manuk nu ngakan kana sagala gegeremet (serangga) sabangsaning papatong, simeut, kukupu, caricangkas, jeung sajabana.[3] Habitat atawa tempat hirupna ilaharna di leuweung babakoan, huma, sisi leuweung sekunder, kebon, tegalan, pasawahan, padésaan, jeung taman.[3] Nyebar hirup dina dataran nu mibanda 2.000 m dpl (luhureun beungeut cai laut).[3][4]

Ciri mandiri[édit | édit sumber]

Gelatik-batu mibanda pangawakan nu kawilang leutik, tina tungtung buntut nepika pamatuk panjang na ngan (13 cm).[5]" Bulu dina awakna rupa-rupa aya kelir hideung, hawuk, jeung bodas.[3] Bulu dina hulu jeung tikoro kelirna Hideung.[3] Palebah pipina aya bulu bodas katempo atra pisan, jangjangna ogé aya setrip bulu bodas.[2]

Pamatukna semu hideung ukuranna kawilang leutik, panonna hideung, cekerna hawuk kolot.[3] Gurakgerikna lincah uclag-aclog dina dahan rikat pisan, kitu deui mangsa eunteup luhureun taneuh gerakanna angger tanginas atawa lincah pisan.[2]

Mangsa nyiar hakaneun, mimindengna mah bareng jeung pasanganna, sok sanajan kitu remen ogé katempo nyiar hakaneun sosoranganan.[3] mindengna katempo dina tangkal nu dauna maréncos, tangkal cemara, atawa tangkal sejen nu teupati remet ku dangdaunan.[5]

Tempona nyayang sok dina liang nu aya dina tangka, urut sayang manuk sejen nu geus teu dipaké deui.[2] Endog kelirna bodas, totol-totol beureum, sakali usum ngendog bijil 3-4 siki. Ngendog dina bulan April-Juni. [3]

Dicutat tina[édit | édit sumber]

  1. BirdLife International (2012). "Sitta frontalis". IUCN Red List of Threatened Species. Version 2012.1. International Union for Conservation of Nature. Diakses tanggal 16 July 2012. 
  2. a b c d R. Williams, David; Robert G. Pople, David A. Showler (2013), Bird Conservation: Global evidence for the effects of interventions, Texas: Pelagic publishing, p. 100, ISBN 987190780719 Check |isbn= value (bantuan) 
  3. a b c d e f g h i M. Perrins, Christopher; David Attenborough, Norman Arlott (1987), New Generation Guide to the Birds of Britain and Europe, Texas: University of Texas Press, p. 48-50, ISBN 9780292755321 
  4. Kabupaten magelang, Pemerintah; - (2011), Kajian Lingkungan Hidup Strategis RTRW Magelang, Magelang: Pemerintah Kabupaten Magelang, p. 2-24, ISBN - Check |isbn= value (bantuan) 
  5. a b J. Sutherland, William; Ian Newton, Rhys Green Penerbit OUP Oxford, 2004 (2004), Bird Ecology and Conservation: A Handbook of Techniques, Oxford: OUP Oxford, p. 25, ISBN 9780191036989 
Nulis.jpg