Inggit Garnasih

Ti Wikipédia Sunda, énsiklopédi bébas
Loncat ke navigasi Loncat ke pencarian

Inggit Garnasih téh nyaéta saurang wanoja asal Banjaran Bandung anu dipigarwa ku Bung karno.[1] Inggit gumelar 17 Pébruari 1888 di Désa Kamasan, Banjaran perenahna kiduleun kota Bandung.[1] Tilar dunya 13 April 1984 kalayan dikurebkeun di Babakan Ciparay Kab Bandung.[2]

Anjeunna rarabi sareng Bung karno nalika revolusi kamerdekaan, cindekna saméméh carogéna jeneng jadi présidén.[1] Inggit istri anu satia tur ngarti pisan kana kaayaan Bung karno mangsa harita, rupa-rupa dodoja anu beurat dina enggoning hirup rumah tanggana disanghareupan kalawan pinuh ku kasabaran.[1] Nalika Bung Karno ditahan di penjara sukamiskin, anjeunna henteu petot méré pangrojong kanu jadi carogé, bulak-balik Bandung - Sukamiskin nikreuh ngalayad kituna téh bari dagang leuleutikan pikeun nyukupan kahirupan sapopoé.[1] Nalika Bung Karno diasingkeun ka pulo Plorés ogé nalika pindah ka Bengkulu, anjeunna satia marengan carogéna.[1]

Anjeunna mulang deui ka Bandung, dilélér jadi Pahlawan Nasional dina taun 1997-1998.[3] Salah sahiji jalan di kota Bandung ogé dingaranan jalan Inggit Garnasih pikeun miéling kana jasa-jasana.[3]

Arti Ngaran[édit | édit sumber]

Nami asli Inggit Garnasih sabetulna Garnasih wungkul, Garnasih mangrupa singkatan ti kesatuan kata Hegar Asih, di mana Hegar miboga arti masihan kabagjaan kahirupan jeung Asih miboga arti kanyaah. Nami Inggit nu akhirna nyertaan nami berasal ti jumlah uang saringgit. Kacaritakeun yén Garnasih kecil jadi sosok nu dipikanyaah ku babaturannana. anjeuna marupakeun kembang desa anu panggeulisna di antara babaturannana. Di antara aranjeunana kasebar kata-kata, "ningali Garnasih senyum ibarat mendakan uang saringgit." seueur pamuda anu bogoh ka anjeuna . nyaéta awal mula sebutan Inggit anu jadi nami payunna[4].


Dicutat tina[édit | édit sumber]

  1. a b c d e f Warman Adam, Asvi (2010). Kisah istimewa Bung Karno. Jakarta: Penerbit Buku Kompas. ISBN 9789797095031. 
  2. M. Rizky, Farrel (2009). Bung Karno di antara saksi dan peristiwa. Jakarta: Penerbit Buku Kompas. ISBN 9789797094096. 
  3. a b A. Suherman, Sherly (2009). Made in Bandung: Kreatif, Inovatif dan Imajinatif!. Jakarta: DAR! Mizan. ISBN 9789797528720. 
  4. Keterangan Tito Zeni Asmarahadi ( cucu Inggit Garnasih )


Nulis.jpg