Pindang gunung
Pindang gunung nyaéta kadaharan nu kaasup kana wengkuan angeun lauk kalawan miboga rasa nu has tina bungbu anu dipakéna. [1] Ieu kadaharan mindeng kapanggih di daérah Kabupatén Pangandaran, hususna Parigi, Cijulang, jeung Cimerak. [1] Lauk anu dipaké nyaéta nu dagingna pungkil jeung gancang hipu lamun diasakan, kawas kakap beureum, mangmung, tongkol, jeung cawang. [1] Ari bungbu anu dipakéna nyaéta katuncar, cabé, bawang beureum, bawang bodas, jahé, konéng temen, jeung tarasi.[1]
Bungbu has
[édit | édit sumber]Sabada asak jeung diteundeun dina méja makan, bau pindang gunung téh kacida meleberna malah bisa jadi ngahudang rasa nu rék ngadaharna.[2] Ieu téh dibalukarkeun bungbu has anu dipakéna nyaéta honjé atawa bongborosan jeung daun kadongdong atawa kadongdong nu ngora kénéh. [2] Ieu bungbu téh bakal nambahan rasa seger jeung haseum nu jadi angkeuhan waktu didaharna. [2]
Rujukan
[édit | édit sumber]
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
- ↑ a b c d "Pindang Gunung Ciamis | diCiamis.com". www.diciamis.com (dalam en-US). Diakses tanggal 2017-12-05. Archived 2017-12-17 di Wayback Machine
- ↑ a b c Pangandaran, Wisata Green Canyon. "Pindang Gunung, Sajian Khas Pangandaran". www.gogreencanyon.com (dalam id-ID). Diakses tanggal 2017-12-05.