Kakap beureum
| Kakap Beureum | |
|---|---|
 | |
| Laukkakap beureum Lumajang, Jawa Timur | |
| Klasifikasi ilmiah | |
| Karajaan: | |
| Filum: | |
| Kelas: | |
| Ordo: | |
| Kulawarga: | |
| Génus: | |
| Spésiés: | Lutjanus sp |
Kakap beureum (Lutjanus sp.) kaasup golongan lauk nu hirupna di dasar cai, nu bisa hirup di daérah nu caina déét nepi ka laut jero.[1] Lauk kakap beureum loba dipanggihan ampir di sakuliah basisir wewengkon Indonésia jeung miboga ajén ékonomi anu luhur.[1] Kakap beureum bisa dijual dina kaayaan hirup atawa paéh.[1] Kakap beureum nu ukuranna gedé biasana mah ngawangun gorombolan nu teu pati gedé jeung biasana néangan wewengkon cai nu leuwih jero batan kakap beureum nu ukuranna leutik.[1] Lian ti éta, biasana lauk kakap beureum kaala dina jero cai nu jerona antara 40 nepi ka 50 méter, sarta tempat nu saeutik batu karangna tur salinitasna 30-33 ppt sarta suhuna antara 5 nepi ka 32˚ C.[1].
Ciri mandiri
[édit | édit sumber]Lauk kakap beureum mibanda ciri awak nu panjang sarta rubak, gépéng sarta lonjong, huluna nongnong.[2] Jinis kakap beureum umumna sungutna rubak jeung rada nonjol ka hareup, huntu konikel dina sihungna nyusun dina sabaris atawa dua baris jeung sadérétan huntu canin nu aya dibagéan hareup.[2] Sirip tonggong jeung sirip bujurna diwangun ku ramo-ramo nu heuras jeung nu leuleus.[2] Sirip tonggongna umumna sok aya nu nyambung dina bagian antara cucuk nu heuras jeung cucuk nu leuleus.[2] Wates bagéan buntutna rada melengkung jeung bagéan tungtungna rada mintul.[2] Wanda kakap beureum miboga sababaraha rupa, mimiti nu semu beureum, semu konéng, kulawu jeung coklat.[2] Ngabogaan garis-garis nu warnana poék, sakapeung mah sok kapanggih nu aya totol hideungan dina awakna belah luhur.[2] Umumna mah panjangna antara 25 – 50cm, sanajan aya ogé nu nepi ka 90 cm. [2]
Ngaran di unggal wewengkon
[édit | édit sumber]- Jawa Tengah jeung Jawa Wétan: Kellet, Darongan, Bambangan
- Jawa Kulon jeung Jakarta: Kakap Beureum, Kakap Merah, Ikan Merah, Bambangan
- Madura: Posepa
- Bangka: Bran, Bambang
- Sulawesi Kidul: Bambangan, Bacan, Delise
- Sulawesi Tenggara: Langgaria, Gacak
- Riau: Siakap
- Sumatra Kalér: Sibolga
- Sumatra Kulon: Sikakap, Saliguma
- Sulawesi Kalér: Lolise
- Ambon (Maluku): Delis, Sengaru, Rae
- Seram (Maluku): Popika
Tutumbu kaluar
[édit | édit sumber]Rujukan
[édit | édit sumber]- 1 2 3 4 5 Semua Ikan. Habitat Morfologi dan Klasifikasi Ikan Kakap Merah (Lutjanus campechanus) Archived 2017-09-17 di Wayback Machine. Diaksés 17 Séptember 2017.
- 1 2 3 4 5 6 7 8 http://digilib.unila.ac.id/9296/16/16%20-%20Bab%202.pdf Archived 2017-07-13 di Wayback Machine
 |
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |