Saréngséng
| Saréngséng | |
|---|---|
| |
| Klasifikasi ilmiah | |
| Karajaan: | |
| (unranked): | |
| (unranked): | |
| Ordo: | |
| Kulawarga: | |
| Génus: | |
| Spésiés: | B. kurzii
|
| Ngaran binomial | |
| Benstonea kurzii | |
| Sinonim | |
|
Sumber: Callmander & Buerki, 2012. | |
Saréngséng; Sréngséng (Benstonea kurzii) nyaéta tutuwuhan rupaning pandan anu asalna tina kulawarga Pandanaceae. Ieu tutuwuhan loba kapanggih hirup di pulo Jawa. Utamana di daérah pigunungan, ieu tutuwuhan ogé dipiwanoh ngaran daérahna: harashas, h. lembut, h. leutik, pandan pari, p. saréngséng, solénat (Sd.), jeung pandan sili (Jw).[4]
Ciri mandiri
[édit | édit sumber]Saréngséng kagolongkeun tutuwuhan rungkun jangkungna 0,7-1,2 m, teu mibanda tangkal sakapeung aya ogé katempo pondok, sawaréh atawa atawa lolobana ngampar luhureun taneuh atawa nyarandé kana tangkal anu séjén; gurat tengah tangkalna lk. 1,7-1,9 cm ti tungtung; tangkal kelirna semu coklat, teu mibanda cucuk sarta teu mibanda akar tunjang.[4][5]
Daun manjang heureut, (48-)92—154,5(-360,5) cm × (1,8-)2,5—4,0(-5,5) cm, kawas kertas (chartaceous), kalawan dua mibanda dua tikel/tilep sapanjang lambaran daunna (lamun di teukteuk, ditempo ti handap ngawangun hurup M), tulang daun utama nyendol di palebah handap; cucuk-cucuk di sisi tungtung daun aya ogé di handapna sapanjang tulang daun ukuranna 0,5-3 mm kalawan anggangna unggal cucuk 2-5 mm. Buah majemuk (syncarp) ampir buleud, buleud endog rada mébér, (4-)5,5—8(-9,3) cm × (2,8-)3,5—4,3(-5,5) cm, ngéntép (106-)168—308(-544) siki drupa (buah batu); semu coklat, tunggal, ajeg di tungtung tangkal.[5]
Ékologi jeung agihan
[édit | édit sumber]Habitat saréngséng timimiti daérah anu perenahna 20 nepika 1.100 m dpl. Ieu tutuwuhan loba kapanggih hirup liar di leuweung hujan tropika, ti mimiti leuweung landeuh nepika leuweung pigunungan; sanajan kitu pang lobana kapanggih hirup dileuweung pasir.[5]
Saréngséng nyebar ngan dipulo Jawa (endemik) di pulo Jawa,[1]:335 ti mimiti Jawa Kulon nepi ka Jawa Wétan.[5] Kembangan sarta buahan sapanjang taun ti mimiti Januari nepika Désémber.[5]
Mangpaat
[édit | édit sumber]Daun saréngséng cara tradisional dianyam pikeun nyieun samak (kajang), Dudukuy, bungkus gula beureum.[4][6]
Dicutat tina
[édit | édit sumber]- ↑ a b Callmander, M.W., P.P. Lowry II, F. Forest, D.S. Devey, H. Beentje & S. Buerki. 2012. "Benstonea Callm. & Buerki (Pandanaceae): characterization, circumscription, and distribution of a new genus of screw-pines, with a synopsis of accepted species". Candollea 67(2): 323-345.
- ↑ Kurz, S. 1867. "Revision of Indian screwpines and their allies". Journal of botany, British and foreign. vol. V: 100. London :Robert Hardwicke [1863-1942]
- ↑ Merr. 1917. "An interpretation of Rumphius's Herbarium amboinense". Philippines Bureau of Science Publication Series. no. 9: 107. Manila :Bureau of printing (1917).
- ↑ a b c Heyne, K. 1987. Tumbuhan Berguna Indonesia I: 119. Badan Litbang Kehutanan, Departemen Kehutanan. Jakarta. (sebagai Pandanus caricosus Kurz. Versi berbahasa Belanda -1922- I: 63)
- ↑ a b c d e Rahayu, S.E. 2011. Biosystematics of Pandanaceae in Java. Unpublished dissertation. Bogor: The Graduate School of Bogor Agric. University.
- ↑ Hasskarl, J.K. 1845. Aanteekeningen over het nut, door de bewoners van Java aan eenige planten van dat eiland toegeschreven. p. 49 (no. 351) Amsterdam:J. Müller, 1845.
Tutumbu ka luar
[édit | édit sumber]- Tropicos: Benstonea kurzii (Merr.) Callm. & Buerki. Diakses pada 30/X/2017.
- Plant List: Pandanus kurzii Merr. Archived 2021-06-24 di Wayback Machine. Diakses pada 30/X/2017.
- JSTOR: Holotype of Pandanus kurzii Merr. [family PANDANACEAE]. Diakses pada 30/X/2017.
- Plant Illustration: Pandanus kurzii Merr. (as Pandanus caricosus Kurz) Archived 2017-11-07 di Wayback Machine. Diakses pada 30/X/2017.
- e-Monocot: Pandanus kurzii Merr. Archived 2017-11-07 di Wayback Machine. Diakses pada 30/X/2017.
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |