Saung ranggon

Ti Wikipédia Sunda, énsiklopédi bébas
Saung ranggon paragi tunggu huma

Saung ranggon; dangau nyaéta saung anu perenahna rada jangkung paranti nungguan huma, kebon, atawa sawah.[1] Saung ranggon ilaharna mibanda tihang leuwih jangkung sangkan bisa nyerangkeu atawa nempo ka tempat anu leuwih anggan, saung ranggon ogé nunjuk kana saung anu dijieun dina tangkal paranti ngintip/ngadodoho sato boroan sangkan henteu ngagamahan ogé gampil ngincerna. [1]


Di sawah[édit | édit sumber]

Saung ranggon anu perenahna di sawah ngahaja dijieun pikeun nungguan paré sangkan teu diganggu ku hama, kayaning manuk, beurit, bagong, careuh, jeung sajabana. [2] Dina palebah tihang maké tali panjang kaluar meuntasan sawah, di tungtungna ditalikeun kana bebegig maksudna sangkan gampil ngendag-ngendag bebegig ti saung tempo aya manuk atawa hama sangkan kagamahan/nyingsieunan. [3] Saung ranggon anu aya di sawah sok katempo tikajauhan kénéh ogé, keur mah nénggang katurug-turug kaayaan leuwih jangkung ti sabudeureunna.[4] Saung ranggon wangunan basajan, tihang dijieun tina awi leunjeuran atawa kai leutik, hateupa tina jarami, eurih atawa injuk.[4] Sagigireun dipaké tunggu, saung ranggon dipaké leleson atawa ngaso, ngiuhan, sarta murak timbel atawa opieun bari ngawaskeun tatanén. [5]

Dongéng[édit | édit sumber]

Saung ranggon paragi tunggu sawah

Dina dongéng perang bubat ogé ka kocap cenah, "Dayang Sumbi keur ninun di saung ranggon, tuluy aya nu ragrag pakakas tinuna". [2][6]

Dicutat tina[édit | édit sumber]

  1. a b Eko Purnomosidi, Bangbang (2020). Pun boncel : transliterasi cerita beraksara hanacara dan catatan-catatannya. UGM: CV Jejak (Jejak Publisher). p. 47. ISBN 9786232474147.  Disungsi23 Maret 2021
  2. a b Merdeka permana, Aan (2009). Perang Bubat: Tragedi di Balik Kisah Cinta Gajah Mada dan Dyah Pitaloka. University of Wisconsin - Madison: Qanita. p. 13. ISBN 9789793269870.  Disungsi23 Maret 2021
  3. Herayati, Yetti (1989). Peralatan produksi tradisional dan perkembangannya daerah Jawa Barat. Depdikbud: Departement Pendidikan dan Kebudayaan, Direktorat Jenderal Kebudayaan, Direktorat Sejarah dan Nilai Tradisional, Proyek Inventarisasi dan Pembinaan Nilai-Nilai Budaya. pp. 54 – 55.  Disungsi23 Maret 2021
  4. a b Muchtar, Muchtar (2016). Cerita rakyat: (mite dan legende) : daerah Jawa Barat. University of Wisconsin - Madison: Proyek Inventarisasi dan Dokumentasi Kebudayaan Daerah (Indonesia). p. 13.  Disungsi23 Maret 2021
  5. Departemen, Aan Pendidikan dan kebudayaan (2019). Adat istiadat daérah Jawa Barat. University California: Depdikbud. p. 95.  Disungsi23 Maret 2021
  6. Suhardi Ekajati, Wahyu Wibisana, Ade Kosmaya Anggawisastra, Edi (1985). Naskah Sunda lama kelompok babad. University California: Pusat Pembinaan dan Pengembangan Bahasa, Departemen Pendidikan dan Kebudayaan,. p. 95.  Disungsi23 Maret 2021