Sega léngko
Sega léngko (nasi lengko dalam bahasa Indonesia) nyaéta salah sahiji kadaharan has masarakat pantura (Cirebon, Indramayu, Brebes, Tegal, jeung sabudeureunana). Ieu kadaharan basajan téh loba ngandung protéin, serat, jeung kalori, sabab bahan-bahan anu dipakéna alami. Bahan-bahanna nyaéta sangu, goréng témpé, goréng tahu, bonténg atah, togé atawa kacambah, daun kucai, goréng bawang, bungbu suuk, jeung kécap amis nu éncér sangkan bisa galo jeung bahan katut bungbu suukna.[1]
Goréng témpé, goréng tahu, bonténg, seupan kacambah, dikeureutan laleutik tuluy diteundeun dina luhureun sangu sapiring. Geus kitu, dibanjur ku bungbu suuk jeung kécap amis nepi ka warnana pikabitaeun. Panglengkepna bisa ditambahan ku purulukan daun kucai jeung kurupuk aci nu ngurukuk. Bisa ogé keur nambahan protéin jeung ngahudang rasa ditambahan ku saté embé nu misah dina piring nu séjén. [2]
Rujukan[édit | édit sumber]
- ↑ "Resep dan Cara Membuat Sego/Nasi Lengko Khas Cirebon Komplit" (dalam bahasa en-gb). https://selerasa.com/resep-dan-cara-membuat-sego-nasi-lengko-khas-cirebon-komplit. Diakses pada 2017-11-10
- ↑ "Nasi Lengko, Makanan Khas Rakyat Cirebon". MerahPutih. https://merahputih.com/post/read/nasi-lengko-makanan-khas-rakyat-cirebon. Diakses pada 2017-11-10