Sireum

Ti Wikipédia, énsiklopédia bébas basa Sunda
Luncat ka: pituduh, sungsi
Sireum
Sireum beureum, Solenopsis invicta
Klasifikasi ilmiah
Kingdom: Animalia
Phylum: Artropoda
Class: Insékta
Order: Hymenoptera
Suborder: Apocrita
Superfamily: Vespoidea
Family: Formicidae
Latreille, 1802
Subfamili

Subfamili Dorylomorph

Subfamili Formicomorph:

Subfamili Leptanillomorph:

Subfamili Myrmeciomorph:

Subfamili Myrmicomorph:

Subfamili Poneromorph:

Subfamili nu geus lastari:

Subfamili Incertae Sedis:

Sireum mangrupa salah sahiji kelompok serangga nu nanjung terus hirup nepi ka kiwari, matak ngirut para élmuwan ku sabab kaasup serangga sosial sarta boga bentuk koloni atawa sayang nu ditata rapih, nu anggotana bisa nepi ka jutaan. Koloni sireum nu invasif kadang réréongan ngawangun superkoloni nu ngawengku wilayah nu cukup lega. Koloni sireum kadang digambarkeun salaku superorganisme, sabab némbongkeun ketakna salaku hiji éntitas.

Sireum ngeusi ampir sakuliah Marcapada nu jumlahna bisa nepi ka 15% ti jumlah biomassa sato di leuweung hujan tropis. Nepi ka 2006, geus kacatet 11.844 spésiés sireum, nu lolobana hirup di wewengkon iklim panas.

Morfologi[édit | sunting sumber]

Sireum dibédakeun ti serangga lianna ku ayana gabungan anténeu nu bingkeng, ruas abdominal kadua, kasta pagawé nu teu jangjangan, sarta ayana kelenjar métapleural.

Sireum bisa ngarasakeun ku organ nu aya dina anténeuna nu bisa ngarasakeun féromon (sanyawa tunggal) jeung hidrokarbon dina lapisan luar awakna. Nu panungtungan ieu penting pikeun ngabédakeun baturna sasayang jeung nu henteu. Sireum ogé bisa komunikasi ku ngaluarkeun sora dina bentuk geteran nu ngarambat dina taneuh.

Sireum ratu jeung nu jalu biasana mah jangjangan, tapi bisa ogé henteu.

Kamekaran[édit | sunting sumber]

Sireum téh holométabolus sarta mekar ngalaman métamorfosis sampurna, ngaliwatan hambalan larval jeung pupal saméméh jadi sawawa. Dina hambalan larva mah sireum téh éstuning teu walakaya sahingga kudu diurus ku nu sawawa. Béda antara ratu jeung pagawé sarta antarkasta, mun aya, ditangtukeun ku parab dina hambalan larvana.

Komunikasi jeung paripolah[édit | sunting sumber]

'Sireum akrobat' (Crematogaster - Myrmecidinae)

Komunikasi sireum utamana lumangsung ngaliwatan bahan kimia nu katelah féromon. Ku sabab sireum mah lolobana méakkeun waktuna dina taneuh, iber kimiawi ieu leuwih ngembang batan di Hymenopterans lianna. Ku kituna, misalna, nalika hiji sireum manggih hakaneun di hiji tempat, nya manéhna téh terus mulang bari ninggalkeun tapak kimiawi sapanjang jalanna, sahingga balad-baladna bisa datang nuturkeun éta tapak nyokot hakaneunana. Nalika balik bari mawa hakaneun téa, si sireum téh bakal nambahkeun tapak kimiawi téa, sahingga baladna nu ti sayang bisa nuturkeun éta tapak salajengna. Kitu jeung kitu nepi ka hakaneun téa béak, sedengkeun tapak kimiawina lila-lila bakal leungit (mun teu ditambahan deui).

Sireum nyerang atawa ngajaga dirina ku nyoco jeung, pikeun sababaraha spésiés, nyuntikkeun bahan kimia, misalna asam format.

Gawé bareng jeung kompetisi[édit | sunting sumber]

Sireum keur niungan liangna, sangkan cai teu asup ka sayangna nalika hujan.

Aya sababaraha spésiés sireum nu sok nyerang sarta ngawasa koloni spésiés sireum lianna. Aya ogé nu nyerang koloni lian pikeun maling endog jeung bilatungna pikeun hakaneun atawa dikukut salaku kuli.

Tipeu[édit | sunting sumber]

Sireum jeung spésiés séjén[édit | sunting sumber]

Manusa jeung sireum[édit | sunting sumber]

Sireum mangpaat pikeun ngagebah serangga nu sok ganggu sarta pikeun aérasi taneuh. Lian ti mangpaatna, sireum ogé mindeng ngaganggu mun geus asup ka imah, buruan, patamanan, jeung lapangan. Datangna sireum bisa dicegah ku, misalna, kapur biasa nu megatkeun bau féromon, atawa kapur serangga nu bisa maéhan rupa-rupa serangga.

Baca ogé[édit | sunting sumber]

Rujukan[édit | sunting sumber]

Tumbu kaluar[édit | sunting sumber]

Wikimedia Commons logo
Wikimedia Commons mibanda média séjénna nu patali jeung artikel ieu dina kaca



Nulis.jpg