Wawangsalan
Wawangsalan téh nyaéta sisindiran anu diwangun ku sindir jeung eusi.[1] Dina sindir diwangun deui ku cangkang jeung wangsal.[1] Anu dijieun wangsalna téh tara ditétélakeun, tapi kudu ditéangan tina bagian eusi.[1] Wangsal téh sok murwakanti jeung salah sahiji kecap anu aya dina bagian eusi téa.[1] Nilik kana wangunna, wawangsalan téh diwangun ku dua padalisan: sapadalisan sindir, sapadalisan deui eusi.[1] Jumlah engang dina unggal padalisan nyaéta dalapan engang.[1] Umumna eusi wawangsalan téh ngeunaan silihasih, cinta atawa birahi. [1]
Contona wawangsalan
[édit | édit sumber]- Belut sisit saba darat,
- Kapiraray siang wengi.
- (Maksudna: oray)
- Jukut jangkung pipir gunung,
- Haté abdi panas peurih.
- (Maksudna eurih)