Yayuk Basuki

Ti Wikipédia Sunda, énsiklopédi bébas
Loncat ke navigasi Loncat ke pencarian


Nany Rahayu Basuki Suharyadi atawa leuwih kasohor ku sebutan Yayuk Basuki nyaéta salah sahiji pamaén ténis ti Indonésia nu kasohor dina taun 1990-an.[1][2] gumelar di Yogyakarta, 30 Oktober 1970; umur 48 taun. Anak kalima ti lima sadudulur ieu asup ka hiji klub ténis di Ragunan, Jakarta nepi ka taun 1989.[1] Tuluy dilatih ku sababaraha pelatih, tapi nu paling gedé jasana mah nyaéta Mien Gondowidjojo.[1]
Ngamimitian karir professional taun 1990.[2] Yayuk mimiti fokus dina ténis profesional nalika balik ti Beijing dina bulan Oktober 1990 sarta dilatih ku George Jiri Waters.[1] Dina taun nu satuluyna, Yayuk jadi pamaén ténis Indonésia nu munggaran meunangkeun turnamén profesional.[2] Pers jeung masarakat luar méré jujuluk “Jaguar of Asia”.[1] Ieu jujuluk dicangking ku Yayuk nalika meunangkeun turnamén ténis di Pattaya, Thailand 1991.[1] Dina turnamén Challenge II di Jakarta, réngking Yayuk ka-259 WTA bulan Pébruari 1991 tapi dina awal April 1991 nalika turnamén Pattaya, Tahiland réngkingna naék jadi ka 86.[1]
Sapanjang karirna di dunya ténis, Yayuk geus meunangkeun genep gelar tunggal Tur WTA jeung salapan gelar ti ganda.[2] Préstasi nu pangpunjulna nyaéta dina turnamén Grand Slam nu ngahontal babak perempat final Wimbledon dina taun 1997.[2] Yayuk pangsiun tina karir professional dina taun 2004.[2] Réngking pangluhurna nu kungsi kahontal ku Yayuk nyaéta posisi ka-19 pikeun bagéan nu tunggal jeung posisi ka-9 keur bagéan nu ganda.[2]

Prestasi-prestasi lianna[édit | édit sumber]

  1. Gelar jawara junior ti mimiti taun 1978.[1]
  2. Pinunjul ka-1 Tunggal Putri Piala Paku Alam VIII 1981 nepi ka 1984 .[1]
  3. Pinunjul ka-1 tunggal putri Yogyakarta, Malang, Semarang, Jakarta .[1]
  4. Peraih medali emas Tunggal Putri PON XII 1989 jeung PON XIV 1996 pikeun tunggal putri.[1]
  5. Peraih medali emas Asian Games X 1996 Seoul, Korea Selatan; bareng jeung Suharyadi meunangkeun emas ganda campuran di Asian Games XI 1990 di Beijing, Cina.[1]
  6. Medali emas Tunggal Putri Asian Games 1998 di Bangkok, Thailand.[1]
  7. Semifinalis WTA Tour Italia sarta pinunjul di Saga jeung Matsuyama, Jepang sarta pinunjul di Brindisi, Italia, 1986.[1]
  8. Perempat final Matsuyama, Jepang, 1987, sarta pinunjul ganda bareng jeung Suzanna Widjaja di Italia jeung Jepang taun 1988.[1]
  9. Semifinalis di Arrezo, Italia, tuluy di Chibada Kuroshio, Jepang.[1]
  10. Atlet Terbaik Indonésia, sarta meunang panglélér ti Presiden Soeharto.[1]

Referensi[édit | édit sumber]

  1. a b c d e f g h i j k l m n o p q Yayuk (Diakses tanggal 5 Nopember 2011) (id)
  2. a b c d e f g Firdaus, Sofyan.2009.Permainan Tenis Lapangan.Jakarta:Ricardo (id)


Soekarno.jpg