Jamban

Ti Wikipédia, énsiklopédia bébas
Luncat ka: pituduh, sungsi
Jamban di Jepang

Jamban nya éta pamandian, tampian, pacilingan, kamar mandi.[1] Ilaharna jamban di kampung mah pamandian anu caina ti makam keramat nu di agung-agung.[1]

Sajarah Jamban[édit | sunting sumber]

Akhir abad ka-19, ku sabab lieur nungkulan panyakit kolera, pamaréntah Hindia Walanda ngawanohkeun WC dongko anu higinis ka masarakat pribumi.[2] Kawijakan ieu dituluykeun di masa Orde Baru khususna di désa-désa anu masarakatna masih miceun hajat di leuwi.[2] Tina kajadian éta ayana perbandingan konsep higienis dina uteuk urang Walanda jeung masarakat pribumi. [2]

Jamban (toilet) geus dipaké ti masa sajarah. Abad ka-25 SM, masarakat Harappa di India miboga jamban di unggal imah anu saluran caina tina batu bata. Di peradaban Mesir jeung Tiongkok kuno ogé geus aya jamban.[3] Di peradaban Romawi, jamban mangrupa bagian tina tempat mandi umum.[3] Kapanggihna jamban anu fasilitasna maké penyiraman nya éta ku Sir John Harington dina taun 1596, sanajan cara makéna sacara umum encan sampurna, lila kalilaan jadi mekar saenggeus ayana parobahan dina Victoria di Inggris.[3]

Rupa-rupa Jamban[édit | sunting sumber]

  1. Jamban Émpang atawa Walungan. Jamban émpang nya éta jamban anu ayana di luhuereun kamalirna cai. Jamban émpang bakal nimbulkeun panyakit jeung ngotoran cai walungan.[4]
  2. Jamban Beuheung Angsa. Model ieu loba bentukna mirip jeung beuheung angsa, ieu model téh geus sumebar di sakabeh alam dunya.[4] Jamban ieu rupa-rupa bentukna aya anu dongko jeung aya anu diuk.[4] Jamban modél ieu alus pikeun kaséhatan ku sabab bisa nyingkahan tina bau jeung tina sato anu asup, salain ti éta di lengkepn ku sépiténg. [4]
  3. Jamban Kimia. Jamban kimia nya éta tempat pamiceunan kabeuratan anu maké zat kimia pikeun maéhan virus, bakteri jeung kuman.[4] Biasana jamban ieu ayana diana jamban portable atawa mobil dina beus, karéta api, kapal terbang, jrrd.[4]

catetan[édit | sunting sumber]

  1. a b Danadibrata,R.A.(2006).Kamus Basa Sunda.Bandung: Kiblat Buku Utama.
  2. a b c WC atau toilet: Suatu Monumen Sejarah Indonesia (Dicutat tanggal 23 Oktober 2011)
  3. a b c Sejarah Toilet (Dicutat tanggal 23 Oktober 2011)
  4. a b c d e f WC umum