Yayat Héndayana

Nambah tutumbu
Ti Wikipédia Sunda, énsiklopédi bébas

Yayat Héndayana di dunia téater, anjeunna dipikawanoh salaku aktor jeung sutradara téater nu kawéntar.[1] Gumelar ka alam dunya di Bandung, Jawa Barat 7 Juni 1943. Kasang tukang atikan SMA bagéan B, neruskeun ka Akademi Teater dan Film, di Bandung (1965). Pindah ka jurusan Basa jeung Sastra Sunda Fakultas Sastra Universitas Padjajaran, ngan teu diréngsékeun.[1] Sanggeus meunang beéasiswa ti  UNESCO, anjeunna nuluykeun atikanna di Internasional Institute for Journalism (JIJ) Berlin Jerman.[1]

Satamatna SMA, anjeunna digawé di bagéan administrasi Akademi Téater dan Film di Bandung.[1] Jalaran kairut ku dunya téater anjeunna kuliah di dinya, ti saprak harita anjeunna ilubiung dina unggal kagiatan téater.[1] Ngilu ngadegkeun Teater Perintis babarengan jeung Jim Lim.[1] Aktif dina unggal kagiatan Studiklub Teater Bandung (STB), pernah nyekel kalungguhan salaku girang serat.[1]

Lian ti aktif dina téater, Anjeunna ogé dipikawanoh salaku panyajak, panulis carpon, utamana dina basa sunda jeung wartawan.[1] Sajak-sajakna dipidangkeun dina kalawarta Pikiran Rakyat, Budaya Jaya, Horison, Majalah Sunda, Manglé, Gondéwa, jsb.[1] Salah sahiji karya sastrana meunangkeun Pangajen Sastra Lembaga Bahasa dan Sastra Sunda (LBBS) dina taun 1998. Sajak sunda hasil karyana dikumpulkeun dina buku  kumpulan sajak  “Katiga” (Kemarau , 1979) jeung “Sasambat” (2005). Tuluy buku “Doa Angkatan Kami” ngumpulkeun sajak-sajak nu pernah ditulis ti taun 1973-2004.[1]

Jadi rédaktur majalah Manglé (1968-1972), rédaktur Gondéwa (1972-1975) jeung rédaktur kalawsarta Pikiran Rakyat, saméméh dipindahkeun kabagéan manajemen pausahaan.[1] Aktif dina Persatuan Wartawan Indonesia, pernah jadi pupuhu PWI cabang Jawa Barat (1984-1989), Pengurus Badan Pertimbangan Kebudayaan Jawa Barat, pupuhu urusan Kanwil Departemen Pendidikan Nasional, manajer Gedung Kesenian Rumentang Siang, girang serat Kalang Budaya Jawa Barat (BKKNI). Kantos jadi anggota DPRD kota Bandung (1982-1987).[1] Jalaran kantos dituding “teu beresih lingkungan”, anjeunna kantos dilirénkeun jadi wartawan.[1]

Artikel ngeunaan sastra ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.
Daptar Sastrawan Sunda
Aam Amilia • Aan Merdéka Permana • Abdullah Mustappa • Acép Zamzam Noor • Achdiat Karta Mihardja • Adang S • Ayip Rosidi • Ahmad Bakri • Akub Sumarna • Apip Mustapa • Apung Supena Wiratmaja • Arthur S. Nalan • Ayatrohaédi • Béni Setia • Budi Rahayu Tamsyah • Cécép Burdansyah • Dadan Sutisna • Darpan • Dédén Abdul Aziz • Dédy Windyagiri • Dodong Djiwapradja • Duduh Durahman • Dyah Padmini • Eddy D. Iskandar • Elin Syamsuri • Étti R.S. • Godi Suwarna • Hadi AKS • Hasan Wahyu Atmakusumah • Hawé Setiawan • Hérmawan Aksan • Hidayat Suryalaga • Holisoh M.E • Iskandarwassid • Jeihan • Juniarso Ridwan • Karna Yudibrata • Karno Kartadibrata • Ki Umbara • Kis WS • M.A. Salmun • Méméd Sastrahadiprawira • Moch. Ambri • Nanéng Daningsih • Ningrum Djulaéha • Nano. S • Nazarudin Azhar • Popon Saadah • Rahmat M.A.S • Rahmatullah Ading Affandie (RAF) • Ramadhan K.H • Rustandi Kartakusuma • Saéful Badar • Saini K.M. • Sajudin Natadisastra • Samsoedi • S.M. Ardan • Soni Farid Maulana • Sunarya P.K. • Syarif Amin • Tatang Sumarsono • Taufik Faturohman • Téddi Muhtadin • Tini Kartini • Usép Romli • Us Tiarsa • Wahyu Wibisana • Yayat Héndayana • Yooke Tjuparmah • Yoséph Iskandar • Yuhana • Yus Rusamsi • Yus Rusyana

Rujukan[édit | édit sumber]


Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.



  1. ↑ a b c d e f g h i j k l m https://m2indonesia.com/tokoh/sastrawan/yayat-hendayana.htm
Dicomot ti "https://su.wikipedia.org/w/index.php?title=Yayat_Héndayana&oldid=623675"