Basisir Jayanti
Basisir Jayanti nyaéta salah sahiji basisir di pakidulan Cianjur.[1] Perenahna di désa Cidamar, Kacamatan Cidaun, Cianjur Kidul, Jawa Barat, kira-kira 143 km arah kidul ti Kota Cianjur.[2] Kaayaanana kaétang masih kénéh alami kalawan mibanda keusik bodas jeung cai laut anu masih kénéh bersih.[1] Ieu basisir téh pagigir-gigir jeung Cagar Alam Bojonglarang.[1]
Aksésibilitas
[édit | édit sumber]Basisir Jayanti bisa dihontal ti Kota Cianjur jeung Bandung ngaliwatan dua jalan, nyaéta liwat ka jalan Kota Cianjur-Sindangbarang-Cidaun jeung Bandung-Ciwidey-Naringgul-Cidaun.[2]
Kondisi basisir
[édit | édit sumber]Basisir Jayanti mimiti ditata taun 80-an jeung dipikawanoh minangka objék wisata sapuluh taun sabadana.[2] Di dinya aya wangunan Tempat Pelelangan Ikan (TPI), sarta di hareupeunna aya kios-kios anu ngécér lauk jeung kios jajanan lianna sarta warung sangu anu bisa nyadiakeun beuleum lauk luyu jeung pesenan.[2] Kaayaan basisirna kawangun ku keusik laut jeung batu-batu karang.[2] Lambak di basisir Jayanti kawilang badag alatan lambak di ieu basisir téh asalna ti Samudra Indonésia[2]
Pamaréntah Kabupatén Cianjur tuluy ngabebenah Jayanti ngaliwatan dua dinas anu aya pakaitna nyaéta Dinas Perhubungan Pariwisata (Dishubpar) jeung Dinas Peternakan Perikanan (Disperik).[2] Dishubpar misalna, ngabebenah sangkan Jayanti bisa jadi obyék wisata basisir anu beuki méré nah, di antarana melak tatangkalan sangkan iuh, ngawangun kios pikeun nu daragang sarta méré nahkeun warung jeung imah ka tempat anu méré nah sangkan rapih katingalina.[2] Anapon Disperik ngabebenah ku cara ngawangun TPI jeung darmaga sapanjang kurang leuwih 200 méter.[2] Ieu pangwangunan darmaga téh mangrupa proyék munggaran tina rencana pikeun ngamekarkeun Jayanti minangka palabuan satingkat Palabuanratu, nu antukna Jayanti jadi objék wisata basisir anu réprésentatif.[2]
Réferénsi
[édit | édit sumber]- ↑ a b c (id) Pantai Jayanti Archived 2011-11-05 di Wayback Machine (diakses tanggal 28 Oktober 2011)
- ↑ a b c d e f g h i j (id)Wisata Andalan Cianjur[tumbu nonaktif] (diakses tanggal 28 Oktober 2011)
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |