Bintinu

Ti Wikipédia, énsiklopédia bébas
Loncat ke navigasi Loncat ke pencarian
Visenia umbellata
Klasifikasi ilmiah
Karajaan: Plantae
(unranked): Angiosperms
(unranked): Eudicots
(unranked): Rosids
Order: Malvales
Kulawarga: Malvaceae
Génus: Melochia
Spésiés: M. umbellata
Ngaran binomial
Melochia umbellata
(Houtt.) Stapf
Sinonim
  • Visenia indica C.C.Gimelin
  • Melochia umbellata Houtt.
  • Melochia indica (Gmel.) Kurz.[1]

Bintinu atawa bantinu (Visenia umbellata) nyaéta tangkal anu asalna tina kulawarga Malvaceae, hirupna ngarungkun.[2]Jangkungna bisa nepi ka 15 méter, gancang ngagedéan tur bisa hirup dalah dina taneuh anu kaayaanna kurang subur.[2] Daunna rubak 90-300 mm, kelir kembangna beureum kayas.[3] Kulitna bisa dimangpaatkeun pikeun ngubaran cacingeun, ngalakop tulang potong, tipalitek, jeung réa-réa deui.[3]

Bintinu loba kapanggih hirup di nagara-nagara anu aya di wewengkon Asia Tenggara, Australia jeung papua ogé Papua Nugini. Bisa hirup dina taneuh nu garing alatan kahalodoan ogé taneuh jemlék di sisi susukan, pasir anu tarahal ku batu, jeung di jero leuweung.[4] Tangkal bintinu loba kapanggih hirup liar, tapi aya ogé anu ngahaja dipelak pikeun ngiuhan binih tangkal kai jeung tangkal kopi anu kakara merentis.[4] Daunna ogé dimangpaatkeun pikeun parab ingon-ingon.[4] Malahan di Hawaii mah, ieu tangkal bantinu téh ngababadeg jadi gulma ku alatan dipelak dina jumlah anu kacida loba, mangsa lumangsungna program penghijauan taun 1920.[5]

Dicutat tina[édit | édit sumber]

  1. "Taxon: Melochia umbellata (Houtt.) Stapf". Germplasm Resources Information Network. United States Department of Agriculture. 2005-01-24. Diakses tanggal 2010-12-08. 
  2. a b Jonathan, Rigg (1862). A Dictionary of the Sunda Language of Java. Universitas Harvard: Bataviaasch Genootschap van Kunsten en Wetenschappen. p. 57. 
  3. a b M. Sangat, Ervizal A. M. Zuhud, Ellyn K. Damayanti, Harini (2000). Kamus Penyakit dan Tumbuhan Obat Indonesia: (Etnofitomedika I). Universitas Harvard: Yayasan Pustaka Obor Indonesia. p. 57. ISBN 9786024331283. 
  4. a b c Quattrocchi, Umberto (2009). CRC World Dictionary of Medicinal and Poisonous Plants: Common Names, Scientific Names, Eponyms, Synonyms, and Etymology (5 Volume Set). London: CRC Press. ISBN 9781482250640. 
  5. "Flora of the Hawaiian Islands". Smithsonian Institution. 2017-01-01. Diakses tanggal 2017-10-13. 
Nulis.jpg