Curug Luhur
Curug luhur nyaéta mangrupa salah sahiji tempat wisata nu aya di Kabupatén Pangandaran, Propinsi Jawa Kulon, pernahna aya Dusun Cimanggu, Désa Cimanggu, Kecamatan Langkaplancar, tempat ieu miboga pamandangan nu kacida éndahna.[1]
Démografis
[édit | édit sumber]Curug ieu miboga tingkat kaluhuran 70 métér, cai langsung ngocor ti puncak ka walungan cicepok, nu teu jarang mun cuaca keur cerah urang bisa ninggali kaéndahan katumbiri disabudeureun curug éta. Ku ayana amparan babatuan di handapeun curug, bisa dipaké pikeun botram, sarta reureuh. Pikeun bisa ka ieu tempat, butuh waktu sakitar hiji satengah jam maké kandaraan ti puseur dayeuh Kabupatén Pangandaran.[2][3]
Géografis
[édit | édit sumber]Langkapanyar mangrupa salah sahiji kacamatan di Kabupatén Pangandaran, Jawa Kulon, lokasina aya dibelaheun kalér ti puseur dayeuh Pangandaran nu aya dibasisir laut, Langkapancar ieu aya di tengah-tengah leuweung nu watesan jeung sababaraha hiji kacamatan di Ciamis, nu diantarana kacamatan Cilodog, tuluy kacamatan Karangjaya, Cineam jeung Salopa nu mangrupa belah kidul Kabupatén Tasikmalaya. Langkapancar aya di pagunungan has belah kulon nu kaayaanna loba tatangkalan, jalanan sepi, sauetik pisan padumukan nu aya di dinya, sarta jauh ti puseur dayeuh.[2]
Transportasi
[édit | édit sumber]Mun ti Tasik, bisa make jalur ka arah Manonjaya nepi ka Cimaranggas kalawan ngaliwatan tempat Cilodog, Ciamis, salian ti éta bisa ogé ngaliwatan Cineam. Ti jalan raya Cimaranggas bisa bélok ka arah Jelegong nu masih sakacamatan, dituluykeun ka tempat Ciseel nu engké na bakal ngaliwatan jalan Tanjakan Sajuta, urang bakal tuluy nepi ka Desa Citalahab Kacamatan Karangjaya, sanggeus éta bakal asup ka daérah Langkapancar nu tuluy tinggal nuturkeun jalur utama pikeun ka curug luhur.[2]
Fasilitas
[édit | édit sumber]Curug luhur ieu geus dikokolakeun ku désa nu di dinya, kabuktian ku ayana sababaraha plang jalan nu ngarahkeun pikeun ka lokasi éta. Sanggeus nuturkeun tutunjuk jalan, nepi ka imah nu pangtungtungna, ti dinya urang teu bisa make kendaraan, jadi kudu leumpang sakitar 20-30 menit pikeun ka curugna.
Di curug ieu geus sadia sababaraha saung pikeun reureuh, warung nu ngajual jajanan, ogé aya dingkling pikeun popotoan, aya ogé panyéwaan ban keur ngojay.[2]
Rujukan
[édit | édit sumber]- ↑ "Ngetrip Tipis Curug Luhur Langkaplancar Pangandaran". Kumporan Update (dalam en-GB). Diakses tanggal 2020-02-08.[tumbu nonaktif]
- ↑ a b c d Online, Redaksi HR. "Wisata Alam Curug Luhur di Langkaplancar Pangandaran Butuh Penataan". Harapan Rakyat Online (dalam id-ID). Diakses tanggal 2020-02-08.
- ↑ "3 Curug ini akan jadi obyek wisata nge-Hits tahun depan". Pesona Green Canyon. Diakses tanggal 2020-02-08. Archived 2017-10-08 di Wayback Machine