Kalkum
| Kalkum | |
|---|---|
| |
| Kalkun liar, Meleagris gallopavo | |
| Klasifikasi ilmiah | |
| Karajaan: | |
| Filum: | |
| Kelas: | |
| Ordo: | |
| Kulawarga: | |
| Subfamili: | Meleagridinae Gray, 1840
|
| Génus: | Meleagris Linnaeus, 1758
|
| Spesies | |
Kalkum nyaéta unggas nu asalna tina kulawarga Meléagrididaé, dina sirah jeung beuheungna teu mibanda bulu, sarta teu bisa hiber jauh ngan saukur ngageleber teupati jauh tina luhureun taneuh.[1] Kalkum nu ilahar dipiara hirupna dina kandang, kalkum nu liar hirup di leuweung mah sok ngadon meuting dina dahan tatangkalan.[2] Kalkum aslina ti leuweung nu aya dinagara Amérika serikat katut México, kiwari kalkum geus nyebar kasakuliah dunya sarta loba numiara pikeun diarah dagingna.[2]
Mangsa datang usum baranahan kalkum jaluna sok ngabeukahkeun buluna sangkan katempo leuwih lintuh atawa badag, pikeun ngahéroan kalkum bikang udaganna sangkan kabongroy.[2] Unggal kalkum jaluna mibanda wilayah pangulinan nugeus ditangtukeun kitunatéh bari jeung taki-taki bisi aya jalu séjén nu ngadon norobos kana daérah pangulinana, lamun seug aya nu ngahaja kalkum jalu séjén nu ngadon ngaganggu tara kungsi lila sok diadu marebutkeun wilayah kakawasaan.[2] Cicirén kalkum keur ngambek sarta taki-taki narajang musuh katempo tina jawérna kelirna euceuy beureum sarta kulit sirahna robah jadi bulao, Nu meunang tina pakalangan baris jadi pamingpin éta wilayah sarta babarengan jeung kalkun bikang.[2]
Di Eropa jeung Amérika, daging kalkum geus jadi hiji kabiasaan kudu disayagikeun dina poéan Natal, ku kituna kabutuhan kana daging kalkum ngaronjat nincak bulan Désémber.[3] Kadaharan kalkum kawilang henteu hésé, kayaning sisikian, kacang, simeut, réptil leutik sarta dangdaunan.[2] Dina kahirupan bareng sapopoé kalkum ngumpul sababaraha kalkum bikang jeung anakna kalawan dipingpin ku hiji kalkum jalu, kalkum mah tara liar jauh ngan ngider dihiji wilayah nugeus tangtu.[2]
Gallery
[édit | édit sumber]-
-
-
Kalkum jalu -
-
-
.JPG)
Dicutat tina
[édit | édit sumber]- ↑ Hoeve, W. Van (1988). Ensiklopedi Indonesia. Seri fauna: Reptilia dan amfibia. Jakarta: Universitas Michigan.
- ↑ a b c d e f g De Becker, Genevieve (2008). Atlas binatang: Aves dan Invertebrata. Jakarta: Tiga Serangkai.
- ↑ Widodo, Eko (2008). Ilmu Nutrisi Unggas. Jakarta: Universitas Brawijaya Press.
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |