Kartu Mémori
Kartu mémori mangrupa pakakas keur neundeun rupa-rupa data dina handphone atawa komputer[1]. Data anu dimaksud bisa foto, video, musik, atawa dokumén lianna[2]. Kartu mémori digunakeun keur nyumponan pangabutuh digital, sangkan miboga kapasitas anu lob waktu neundeun data anu dianggap penting[2].
Papasingan
[édit | édit sumber]Aya rupa-rupa jenis kartu mémori, di antarana:
Secure Digital (SD)
[édit | édit sumber]Kartu secure digital atawa disingget jadi kartu SD mimiti diwanohkeun ku perusahaan SanDisk, Panasonic, jeung Toshiba di taun 1999[3]. Tilu perusahaan éta gawé bareng pikeun netepkeun standar kartu SD pikeun sakabéh industri[3]. Kartu SD miboga ukuran 42.0 x 32.0 x 2.1 mm. Biaya pikeun industrina kawilang murah. Ieu kartu miboga kapasitas 2 GB, sarta proses transfer data masih kénéh teu gancang[3].
Secure Digital High Capacity (SDHC)
[édit | édit sumber]Asosiasi kartu mémori nyieun inovasi di taun 2006, ku cara medalkeun Secure Digital High Capacity atawa bisa disingget SDHC[3]. Ieu kartu miboga kapasitas 32 GB jeung proses transfer datana leuwih alus disbanding kartu SD[3].
Secure Digital Extended Capacity (SDXC)
[édit | édit sumber]Kartu Secure Digital Extended Capacity atawa disingget jadi SDXC miboga kapasitas nyimpen data 2 TB, kalawan sistem exFAT[3]. Salian ti éta, kartu mémori miboga kakuatan transfer data nepi ka 312 MB/detik ngagunakeun UHS-II.
Kartu MicroSD / MicroSDHC / MicroSDXC
[édit | édit sumber]Ieu kartu miboga ukuran anu leuwih leutik[3]. Ieu kartu bisa digunakeun pikeun ngarojong pakakas mémori dina handphone[3]. Perusahaan anu mimiti mekarkeun ieu kartu nyaéta SanDisk, tuluy dijieunkeun standarisasina ku asosiasi kartu mémori di taun 2005[3]. Mimiti medal, kartu microSD miboga kapasitas maksimal 2 GB. Ieu produk tuluy mekar nepi ka bisa nyimpen data 32 GB[3]. Ukuran MicroSD nyaéta 11.0 x 15.00 x 1.00 mm[3].
Mémori Stick
[édit | édit sumber]Memory stick mimiti diproduksi ku perusahaan Sony, anu digunakeun pikeun kaméra digital, camcorder, komputer, jeung PlayStation Portable[3]. Ieu produk tuluy ditalungtik jeung diropéa nepi ka taun 2003 anu ngahasilkeun produk mémori Stick PRO[3]. Ukuran tina mémori Stick 50.0 x 21.5 x 2.8 mm. Harga anu dijual ku perusahaan Sony kawilang mahal, anu ngalantarankeun produkna kurang laku di masarakat[3].
Mémori Stick Duo / PRO Duo / PRO-HG Duo Cards
[édit | édit sumber]Ieu kartu masih kénéh diproduksi ku perusahaan Sony[3]. Mémori Stick Duo mangrupa hasil ngaropéa tina mémori Stick saméméhna. Ukuranana leuwih leutik, nyaéta 20.0 x 31.0 x 1.6 mm[3]. Hargana masih kénéh mahal, sarta minatna ogé masih kurang di masarakat[3]
Compact Flash Type I (CF-I)
[édit | édit sumber]Ieu mémori miboga tampilan anu weweg[3]. Compact Flash mimiti diwanohkeun ku SanDisk taun 1994[3]. Ieu mémori dipaké ku sababaraha perusahaan kaméra kawas Nikon jeung Canon[3]. Ukuranana 42.8 x 36.4 x 3.3 mm[3]. Ukuran anu gedé, ngalantarankeun mémorina gancang ruksak[3].
Compact Flash Type II (CF-II)
[édit | édit sumber]Compact Flash mindeng disebut “microdrives” atawa hardisk leutik. Ukuranana leuwih panjang disbanding Compact Flash CF-I, nyaéta 42.8 x 36.4 x 5 mm[3].
CFast
[édit | édit sumber]Ieu kartu geus ngagunakeun téhnologi ATA[3]. Sistem transfer data leuwih gancang nyaéta 300 MB / detik[3].
XQD
[édit | édit sumber]XQD diwanohkeun taun 2010 ku perusahaan SanDisk, Sony, jeung Nikon[3]. Ieu kartu mémori téh mangrupa vérsi panganyarna sakaligus anu jadi gaganti ti Compact Flash jeung CFast[3]. Ukuranana 38.5 x 29.6 x 3.8 mm[3]. Data anu ditransfer 2 GB / detik[3].
Daftar Référénsi
[édit | édit sumber]- ↑ "Cara Memilih Kartu Memori yang Tepat untuk Penggunaan Anda". Kingston Technology Company (dalam id-US). Diakses tanggal 2021-04-25.
- ↑ a b id.techinasia.com. "Semua Hal yang Perlu Kamu Ketahui tentang SD Card | id.techinasia.com". LINE TODAY (dalam Indonesian). Diakses tanggal 2021-04-25. Archived 2021-04-25 di Wayback Machine
- ↑ a b c d e f g h i j k l m n o p q r s t u v w x y z aa ab ac "Sejarah dan Evolusi Kartu Memori untuk Hp dan Kamera". Pricebook (dalam Indonesian). Diakses tanggal 2021-04-25. Archived 2021-04-25 di Wayback Machine