Kimia anorganik

Ti Wikipédia Sunda, énsiklopédi bébas

Kimia anorganik mangrupa cabang kimia ngeunaan sipat jeung réaksi sanyawaan anorganik. Ieu ngawengku sadaya sanyawaan kimiawi iwal nu mibanda ranté atawa cingcin atom karbon, nu diistilahan sanyawaan organik nu diulik dina jejer kimia organik nu misah. Bébédaan antara dua disiplin ieu teu mutlak, malah loba patumpangtindihna, utamana dina subdisiplin kimia organologam.

Cabang-cabang utama kimia anorganik di antarana,

Zat anorganik nu penting sacara komersil di antarana chip silikon, transistor, layar LCD, kabel serat optik, sarta rupa-rupa katalis.

Kimia anorganik dumasar kana kimia fisik sarta ngawujud jadi dadasar pikeun mineralogi jeung kimia bahan. Kimia anorganik kadang tumpang tindih jeung géokimia, kimia analitis, kimia lingkungan, jeung kimia organologam.

Kimia organologam ngagabungkeun aspék-aspék kimia organik jeung kimia anorganik, nu sacara formal didefinisikeun salaku ulikan sanyawaan nu ngandung beungkeut logam-karbon, najan loba "sanyawa organologam" teu mibanda éta beungkeut. Di antara sanyawa organologam nu pangbasajanna nyéta karbonil logam, nalika karbon monoksida kabeungkeut kana logam ngaliwatan karbonna. Vitamin B12, nu sisi aktifna sarua jeung na hémoglobin, mangrupa sanyawa organologam alami nu sacara métabolis penting nu ngandung bagéan organik nu gedé (korin jeung protéin) sarta logam kobalt nu kabeungkeut na karbon.

Ambahan kimia anorganik ngawengku boh sanyawaan molekular, nu aya salaku molekul diskrét, jeung kristal, nu strukturna digambarkeun salaku kisi tanpa wates of regularly-ordered atoms sarta nu diulik dina kristalografi jeung kimia bahan padet.

Sumber rujukan[édit | édit sumber]