Kunci
| Temu kunci | |
|---|---|
 | |
| Klasifikasi ilmiah | |
| Karajaan: | |
| Divisi: | |
| Kelas: | |
| Ordo: | |
| Kulawarga: | |
| Génus: | |
| Spésiés: | B. rotunda |
| Ngaran binomial | |
| Boesenbergia rotunda (L.) Mansf. | |
Kunci (Kaempferia pandurata Rxb) atawa nu dipikawanoh minangka temu kunci nyaéta ngaran tutuwuhan anu kaasup kana bungbu dapur tur bisa dimangpaatkeun pikeun dijadikeun ubar.[1] Watang aslina aya dina jero taneuh anu disebut beuti, warnana konéng semu coklat, seungit, kandelna 5-30 x 0,5–2 cm, watang anu di luhur beungeut taneuh nyaéta watang tipu (palapah daun).[2] Umumna miboga 2 nepi ka 7 lambar, daun handap mangrupa palapah daun warnana beureum, palapah daun mindeng sarua panjangna jeung tangkai daun; daunna ajeg, wangun lansét rubak atawa rada seukeut, tungtung daunna seukeut, beungeut daunna lemes tapi bagian handap rada aya buluan, daunna aya keliran warna héjo ngora, rubakna 5–11 cm.[3] Kunci biasana tumuwuh di wewengkon tropis di dataran handap, biasana kembangan dina bulan Januari nepi ka Pebruari sarta bulan April nepi ka bulan Juni.[2] Alus tumuwuh dina taneuh nu beueus ogé subur kalayan tukeurna hawa sarta tata cai anu alus.[2] Dina taneuh anu kurang boh tata caina atawa mindeng kakeueum ku cai prosés tumuwuhna baris kaganggu sarta beutina gancang buruk.[2] Salian ti mangpaat pikeun bungbu dapur, kunci ogé bisa dimangpaatkeun pikeun dijadikeun ubar, di antarana nyaéta ubar batuk, ubar hésé hitut, nambahan napsu dahar, sariawan, nambahan ASI,[2] pikeun ubar kanker,[1] sarta mangrupa resép kageulisan wanoja Sunda.[4]
Referensi
[édit | édit sumber]- 1 2 Temu Kunci Obat Kanker (id) (Diakses ping 31 Oktober 2011)
- 1 2 3 4 5 Temu Kunci Archived 2011-10-26 di Wayback Machine (id) (Diakses ping 31 Oktober 2011)
- ↑ Karl Hasskarl, Justus (1845). Aanteekeningen over het nut, door de bewoners van Java aan eenige planten van dat eiland toegeschreven. Universitas Oxford: J. Müller. hlm. 5. Diaksés tanggal (disungsi – 29 Mei 2021).
- ↑ Tanaman Temu Kunci Rahasia Kecantikan Perempuan Sunda (id) (Diakses ping 31 Oktober 2011)