Leunyay
| Leunyay | |
|---|---|
| |
| Leunyay Jalu | |
| |
| Leunyay bikang <br/ keur ngalaurkeun cahaya (hurung) | |
| Klasifikasi ilmiah | |
| Karajaan: | |
| Filum: | |
| Kelas: | |
| Ordo: | |
| Kulawarga: | |
| Génus: | |
| Spésiés: | L. noctiluca
|
| Ngaran binomial | |
| Lampyris noctiluca | |
| Sinonim | |
|
Cantharis noctiluca Linnaeus, 1767 | |
Leunyay (Lampyris noctiluca) nyaéta cacing anu ngaluarkeun cahaya mangsa poék (hurung).[1] Basa Yunani Lampyridae anu hartina ngaluarkeun cahaya.[2]
Leunyay mikaresep hirup di tegalan anu negrak.[2]Kaluar tina panyumputanna mangsa peuting geus datang.[2]Leunyay écés katempo mangsa peuting poék mongkléng, ilaharna dina peuting bulan Juni jeung Juli.[3] Wanci harita keur usum leunyay kawin, leunyay anu bikang ngaluarkeun cahaya kucap kiceup dina palebah beuteungna pikeun méré tangara ka jaluna anu keur hiber di luhur sangkan gampang ngadeukeutan.[2][3]
Leunyay lain ngandung harti cacing anu sabenerna tapi leunyay téh taya lian ti kumbang ; légé atawa bangbung anu bikang, wujudna kawas cacing hirup dina taneuh (kawas cacing), henteu mibanda jangjang kawas jaluna (larviforme).[3] Leunyay bikang panjang nepi ka 25 miliméter (dua kali leuwih gedé) ti batan jaluna.[3]
Ciri Mandiri
[édit | édit sumber]- Leunyay anu bikang henteu mibanda jangjang, hirup dina taneuh, nyumput handapeun batu, catang, atawa kalakay daun sedengkeun anu jalu mibanda jangjang tur bisa hiber.[4]
- Hirupna (nokturnal) mibanda organ dina awakna anu ngaluarkeun cahaya photophore hurung jeung pareum (kucap kiceup)[5]
- Kulawarga Lampyris ieu kaasup spésiés séjéna anu bisa ngaluarkeun cahaya saperti cika-cika.[2] Lampyris noctiluca mibanda kelir semu coklat nepi ka rada hideung.[2]
- Mangsana datang usum kawin leunyay bikang paling caang cahayana kokolényaian sangkan jaluna kataji kituna téh bari naék kana jujukutan anu aya di éta tempat sangkan jaluna gampang manggihan atawa yampeurkeun.[2]
- Jaluna ogé sabenerna ngaluarkeun cahaya ngan henteu caang kawas anu bikang, nguriling hiber kurang leuwih luhurna saméter tina taneuh.[2]
Tempat Hirup
[édit | édit sumber]Leunyay jeung sabangsana loba kapanggih hirup di : Asia, China, Éropa, India, Rusia, Inggris, jeung Wales.[6] Mikaresep tegalan jemlek jeung daérah anu loba jukut tur negrak ku panon poé.[7]
Leunyay sarua jeung vertebrata, mibanda dua rupa organ endokrin anu pajauh bédana.[5] Kahiji taya lian jaringan kelenjar konvensional jeung sekresi hormon internal.[5] Ka duana organ endokrin anu diwangun ku neuron husus dina sistem saraf pusat sél neurosecretory.[5]Sél neurosecretory taya lian neuron husus anu sélna aya disaluareun awak.[5] Lampyris noctiluca déwasa bijil tina panyumputan mangsa peuting geus datang (nokturnal).[5] Mangsa beurang sapopoé caricing dina tempat anu jemlék nyumput dina handapeun kalakay atawa catang.[5] Larva ogé hirupna nokturnal tur jarang katempo, karesepna ngahakan kéong jeung sabangsana.[2]
Tempo Ogé
[édit | édit sumber]Dicutat tina
[édit | édit sumber]- ↑ Jonathan Rigg (1862). "Leunyay". Di -. A Dictionary of the Sunda Language of Java. Batavia: Lange & Co. p. 252.
- ↑ a b c d e f g h i "Lampyris noctiluca common glow-worm". animaldiversity. 2014-07-02. Diakses tanggal 2017-06-20.
- ↑ a b c d "Glow-worm - Lampyris noctiluca". naturespot.org.uk. 2011-07-02. Diakses tanggal 2017-06-20.
- ↑ Eisenbeis, Gerhard,; Wilfried Wichard (2012). Atlas on the Biology of Soil Arthropods. London: Springer Science & Business Media. ISBN 978-3-642-72634-7.
- ↑ a b c d e f g Hoffmann, K. H,; Wilfried Wichard (2012). Environmental Physiology and Biochemistry of Insects. London: Springer Science & Business Media. ISBN 3-540-90407-7.
- ↑ "NATURE WILDLIFE". bbc. 2017-4-28. Diakses tanggal 2017-6-20.
- ↑ D. Rotherham (ed.), Ian (2009). The Journal of Practical Ecology and Conservation. London: Wildtrack Publishing. ISBN 978-1-904098-59-1.
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
 |
Wikimedia Commons mibanda média séjénna nu patali jeung Leunyay. |
 |
Wikispecies mibanda émbaran ngeunaan: Lampyris noctiluca |