Lumpia basah

Ti Wikipédia Sunda, énsiklopédi bébas
Loncat ke navigasi Loncat ke pencarian

Lumpia basah mangrupa salah sahiji kadaharan khas ti Indonésia nu asalna ti Tiongkok.[1][2] Di taun 90-an jajanan lumpia basah ilahar di Semarang jeung Bandung. Sanajan dipiwanoh ti Semarang, Bandung ogé miboga lumpia nu teu éléh rasana.[1] Lumpia basah téh nyaéta lumpia nu geus diropéa ti kuéh lumpiah nu biasana digoréng.[1] Kiwari lumpia basah miboga rupa-rupa variasi.[1] Béda ti lumpia nu biasana, lumpia basah biasana dijieun tina campuran togé, endog sarta samara séjénna.[1] Lumpia basah téh bisaa kapanggih disisi jalan, biasana nu jualana maké gorobag surung.[1]

Sajarah[édit | édit sumber]

Lumpia mangrupa salah sahiji jajanan nu asalna ti Tiongkok atawa China.[2] Kadaharan ieu sumebar ka sababaraha nagara dibawa ku urang Tiongkok nu dagang ka nagara-nagara séjén.[2] ku sabab éta rasa sarta bentukna béda-béda diunggal nagara.[2]

Dina basa Tiongkok kadaharan ieu disebut lun pia atawa pokpia. Sadenngkeun di basa Korea disebut chungwon.[2] Di Indonésia sorangan ilahar dipiwanoh lumpia.[2]

Cara nyieun[édit | édit sumber]

Pikeun nyieun lumpia basah, aya sawatara bahan nu kudu disadiakeun, di antarana kayaning togé, endog, bawang bodas, pikeun bahan palengkepna nyaéta gula beureum, gula bodas, céngék, tipung aci, uyah, minyak kalapa.[1][3] Mimitina goréngkeun endog dina katél tuluy campurkeun bawang bodas nu geus disiksikan lemes, tuluy abuskeun togé, sanggeus kitu tambahan cai saeutik.[1][3] Siapkeun kulit lumpia nu geus dibalur ku olahan tipung aci nu diliiyurkeun jeung gula beureum.[3] Lumpia basah siap dipidangkeun.[3]

Rujukan[édit | édit sumber]

  1. a b c d e f g h "Resep Lumpia Basah, Jajanan 90-an Khas Bandung dan Semarang". bintang.com. http://www.bintang.com/style/read/2879886/resep-lumpia-basah-jajanan-90-an-khas-bandung-dan-semarang. Diakses pada 2017-11-13 
  2. a b c d e f "Resep & Cara Membuat Lumpia Basah Khas Bandung" (dalam bahasa id-ID). Bacaterus. 2015-07-27. https://bacaterus.com/cara-membuat-lumpia-basah/amp/. Diakses pada 2017-11-13 
  3. a b c d "Resep Lumpia basah bandung oleh Nina Widya Sari". Cookpad (dalam Indonesian). Diakses tanggal 2017-11-13. 
Nulis.jpg