Mélanoma nyaéta sahiji wanda kangkerkulit balukar tina gangguan sél anu ngahasilkeun mélanin (pigménwarna kulit) atawa mélanos. Lolobana mélanoma téh mangrupa karang anu jadi dina kulit boh nu anyar jadi atawa anu geus aya. Prosés mélanoma awalna tina karang anu jadi dina kulit tuluy sumebar beuki loba di sabudeureunana, beuki lila beuki jero neken kulit, tuluy kana pembuluh getih, kelenjargetah bening, ahirna kana bayah, haté jeung tulang. Keur lalaki mah mélanoma téh mindeng kapanggih dina dada jeung tonggong, ari awéwé mah biasana dina suku, beuheung jeung raray.[1]
Nodular mélanoma.Superficial spreading melanoma, ieu mélanoma umum kajadian di masarakat. Sél-sél kangker mimiti jaradi sabudeureun kulit salila sababaraha waktu, tuluy nyaliara deui kana lapisan kulit anu leuwih jero. [1]
Nodular melanoma, kangker kulit anu biasana muncul dina sirah atawa beuheung. Ieu mélanoma tumuwuh leuwih gancang tibatan wanda nu séjén. Biasana warna beureum semu kayas, hideung jeung warnana sarimbag jeung warna kulit manusa.[1]
Lentigo maligna melanoma, ieu kangker jarang kakeunaan ka manusa. Tapi sakalina kakeunaan kana bagian awak anu kolot jeung mindeng kapoé unggal beurang ku panonpoé. Mimitina mah jiga kokotor biasa dina kulit, beuki lila beuki ka jero asup kana lapisan kulit panghandapna.[1]
Acral lentiginous melanoma, ieu mélanoma jarang tumerap. Mélanomana jadi dina dampal leungeun, dampal suku jeung kuku. Biasana nyorang jalma anu kulitna hideung jeung euweuh patalina jeung paparan cahaya panonpoé.[1]
Mélanoma bisa disababkeun ku mutasigénétik jeung radiasi cahaya panonpoé. Ieu kangker ngalaman parobahan DNA anu ngahirupkeun onkogén (gén anu mantuan sél tumuwuh jeung meulah diri) atawa maéhan gén nu neken tumor. Lian ti éta, paparan cahaya panonpoé ogé bisa ngarusak DNA dina sél-sél kulit. Kadang-kadang ieu karuksakan mangaruhan gén keur ngadalikeun sél kulit dina tumuwuh jeung meulah dirina. Lamun ieu gén teu bisa ngalakukeun fungsina kalayan sampurna, sél anu kakeunaan bisa robah jadi sél kangker.[1]
Totol-totol dina kangker kulit mélanoma miboga sisi iregular atawa teu luyu jeung aturan, misalna bentukna liku-liku atawa wates anu teu rata.
C keur color atawa warna
Totol-totol mélanoma umumna miboga leuwih ti sawarna, saperti coklat, hideung, jeung beureum.
D keur diameter
Diameter totol-totol mélanoma sahenteuna miboga ukuran 6 mm.
E keur evolving atawa parobahan
Totol-totol mélanoma bakal ngurangan parobahan bentuk, ukuran, jeung warna. Beuki lila, karang abnormal mélanoma bisa nyababkeun getihan, nyeri atawa gateul.[2]
Stadium 0, mélanoma dina ieu stadium mah ukur aya dina lapisan kulit pangluarna.
Stadium 1, mélanoma aya dina lapisan kulit pangluarna, tapi ukuranana beuki kandel. Stadium 1 dibagi jadi dua tahap, stadium 1A jeung 1B. Dina stadium 1A, kulit ngalaman mélanoma anu weuteuh kénéh. Ari stadium 1B, mélanomana geus tatu teu weuteuh jiga stadium 1.
Stadium 2, ukuran mélanoma kira-kira 1 nepi ka 4 mm. Ngan kangker henteu sumebar kana lapisan kulit anu pangjerona atawa bagian kulit nu lian.
Stadium 3, mélanoma geus sumebar kana kelenjar getah bening atawa bagian kulit lianna.
Stadium 4, mélanoma geus sumebar kana organ séjén, kelenjar getah bening anu jauh tina mélanoma, atawa bagian kulit séjén anu cicingna jauh tina lokasi awal munculna.[2]