Yayat T. Soemitra

Ti Wikipédia Sunda, énsiklopédi bébas
Loncat ke navigasi Loncat ke pencarian
Drs. H. Yayat Turochmat Soemitra
GumelarYayat Turochmat Soemitra
Citakan:Tanggal lahir dan umur
Indonésia Padalarang, Bandung Barat, Bandung Barat, Jawa Barat, Indonesia
PadumukanJl. Raya Padalarang No.506, Kabupaten Bandung Barat.
KabangsaanIndonésia Indonesia
Nami panggilanKang Yayat
Alma materUniversitas Pendidikan Indonesia
Pagawéan
Organisasi
  • Ketua Pusat Gerakan Siswa Nasional Indonesia (1978-1980)
  • Ketua Angkatan Mahasiswa Baru tahun 1980
  • Ketua Himpunan Mahasiswa Jurusan (1981-1982)
  • Senat Mahasiswa Fakultas Ilmu Pendidikan IKIP Bandung (1983-1984)
  • Ketua Cabang GMNI Bandung pada tahun 1986-1988
  • Wakil Ketua Umum Presedium GMNI Pusat pada tahun 1992-1995
  • Pengurus DPN Ikatan Nasional Konsultan Indonesia (1998-2006)
  • Kompartemen Konsultansi KADIN Indonesia (1999-2004)
  • Dewan Pengurus Kelompok relawan Pengembangan Jasa Kontruksi Nasional (1998-2002)
  • Anggota Majelis Pertimbangan LPJKN (2007-2012)
  • Sekretaris Jenderal Ikatan Nasional Tenaga ahli Konsultan Indonesia (2005-2013)
Kota asal
  • Desa Mukapayung, Kecamatan Cililin, Kabupaten Bandung Barat.
SaméméhnaErnawan Natasaputra
Sanggeusnamasih mejabat
Partéy pulitikPDI Perjuangan
AgamaIslam
PasanganIr. Hj. Dwina Candraasih M.Sc
Sepuh
  • Soemitra
  • Hajjah Halimah
Kulawargi

Drs. Haji Yayat Turochmat Soemitra (gumelar di Bandung, Tatar Pasundan, 11 Juli 1960; umur 59 taun) nyaéta aktivis Sunda, pulitisi PDI Perjuangan, jeung konsultan nu ogé mangrupa Wakil Bupati Bandung Kulon ka-2 masa bakti 2013-2018.

Lalakon awal[édit | édit sumber]

Yayat mangrupa saurang pulitisi nu miboga kasang tukang minangka aktivis sabet keur palajar, mahasiswa, atawa mangsa ngorana, nepi ka kiwari masih kénéh ngalakonan peran jeung kader partéy. Yayat miboga patalian émosional jeung wewengkon Bandung Kulon bagéan kidul mah. Lantaran, anak munggaran ti genep sadulur ti papasangan Soemitra jeung Hajjah Halimah ti katurubab Éyang Anwasik éta téh kulawarga badagna mah nganjrek di wewengkon Désa Mukapayung, Kacamatan Cililin, Kabupatén Bandung Kulon. Yayat sorangan jeung garwana, Ir. Hj. Dwina Candraasih M.Sc, memet ku jujuluk Tina, lulusan Téknik Kimia, Institut Teknologi Bandung kiwari domisili teu jauh ti Bandung Kulon.

Sanajan digedékeun dina tradisi kulawarga nu Islami, Kang Yayat leuwih milih gabung jeung kelompok nasionalis, nu miyakin yén ajaran ieu Présidén Munggaran RI téh sajalan jeung ajaran Islam. Ieu hal nu ngajadikeun ruket jeung para ulama sarta aub dina ngadegkeun Baitul Muslimin Indonésia, organisasi nu leuwih nitikbeuratkeun kana gerakan da’wah.

Kasakumna atikan mangsa rumaja Yayat émangna ogé mangrupa gabungan ti atikan nu akademis jeung non akademis, di jero kelas jeung ogé di luar kelas. Ieu nu disebut minangka sakola kahirupan nu ngajadikeun hiji jalma tumuwuh jadi pribadi nu mandiri jeung sagemblengna. Ku kituna, teu bireuk deui mun kiwari Yayat ngébréhkeun yén atikan nu hadé téh atikan nu ngawangun manusa sagemblengna jeung sawatara cicirénna nyaéta ngawangun moral, ngarojong kréativitas jeung ngadidik karakter-karakter mandiri.

Karir[édit | édit sumber]

Saprak mangsa sakolana gé geus aktif dina organisasi minangka Ketua OSIS nepi ka Ketua Pusat Gerakan Siswa Nasional Indonésia (1978-1980). Jeung di bangku kuliah mah kapamingpinanna mingkin katémbong jeung jadi Ketua Angkatan Mahasiswa Baru taun 1980, Ketua Himpunan Mahasiswa Jurusan (1981-1982), jeung Sénat Mahasiswa Fakultas Ilmu Pendidikan IKIP Bandung (1983-1984). Di sagigireunana, Kang Yayat ogé aktif dina kagiatan Kapramukaan jeung Palang Mérah Rumaja, di antarana Jamboré Palang Mérah Rumaja (1976), Déwan Kerja Cabang Panegak Pandéga (1978-1979), Raimuna Nasional jeung Pakémahan Wira Karya Asia Pasific (1979), sarta panyelenggara Kémah Kerja Pramuka Mahasiswa (1984).

Kang Yayat téh Ketua Cabang GMNI Bandung taun 1986-1988 nu satuluyna jadi Wakil Ketua Umum Présedium GMNI Puseur dina taun 1992-1995. Mungkasan program sarjanana di Fakultas Ilmu Pendidikan IKIP Bandung taun 1998.

Disagigireunana, laun ngan saalakadar aktivis tapi mibanda kamampuh leuwih yéh Yayat téh saurang pangusaha profésional di widang konsultan jeung kiwari gé masih aktif ngajabat minangka salah sahiji konsultan nagara Islam jeung mingpin di pausahaan Nasional.

Profésionalismeuna dina digawé ngajadikeun Kang Yayat dipercaya pikeun mangku jabatan-jabatan penting di organisasi profési, kayaning, dua périodeu jadi Pangurus DPN Ikatan Nasional Konsultan Indonésia (1998-2006), Kompartemén Konsultansi KADIN Indonésia (1999-2004), Déwan Pangurus Kelompok rélawan Pangembangan Jasa Kontruksi Nasional (1998-2002), Anggota Majlis Pertimbangan LPJKN (2007-2012), jeung dua période jadi Sékretaris Jéndral Ikatan Nasional Tanaga ahli Konsultan Indonésia (2005-2013).

Kang Yayat loba aub dina rupa-rupa mengikuti palatihan kapamingpinan nu ngarojongna pikeun mangku jabatan minangka wakil sékretaris jénderal DPP KNPI (1993-1996) jeung Bendahara Umum DPP Pamuda Démokrat (2007-2012). Ku ieu dadasar ditambah sawatara pangalaman organisasi, ogé kasang tukang pakasabanna, Kang Yayat mimiti icikibung kana dunya pulitik praktis. Ditembeyan jadi Bendahara Kulawarga Besar Marhaénis Jawa Kulon (1999-2004), sarta jadi anggota Parté Démokrasi Indonésia Perjuangan dina taun 1999.

Minangka alumni GMNI nu jadi Pangurus Puseur Alumni GMNI (2010-2015), Kang yayat pernah jadi pangurus Departemén Pendidikan jeung Departemén Pamberdayaan masyarakat DPP PDI Perjuangan (2005-2010), jeung ti saprak taun 2010 nepi ka 2015 mah, Kang Yayat dipaparin pancén minangka Wakil Ketua DPD PDI Perjuangan Provinsi Jawa Kulon.

Minangka bentuk pangabdianna ka masyarakat, Kang Yayat ngadegkeun hiji kelompok rélawan Swadaya masyarakat (LSM) Cinta Tanah Air jeung Yayasan Cerah nu icikibung dina widang atikan. Lian ti kitu ogé dina raraga ngaréhabilitasi Aceh pasca Tsunami Kang Yayat aktif di Acéh kalawan jadi Diréktur Konsorsium Konsultan Indonésia (KKI) saprak taun 2005 nu tugasna minangka Konsultan Project Management pikeun ngakomodir bantuan Palang Mérah jeung Bulan Sabit Mérah Internasional bareng jeung PMI (Palang Mérah Indonésia).

Rujukan[édit | édit sumber]