Donal Éntog
Donald Éntog atawa Donald Duck nyaéta salah sahiji tokoh animasi anu dipikaresep nepi ka ayeuna anu wangunna téh éntog[1]. Karakterna lucu jeung kalakuanana anu sok katerap ku sial sering nyieun panongton seuri[1]. Tapi donald bébék ogé digambarkeun salaku sosok emang anu nyaah jeung bageur ka alo-alona[1].
Sajarah Kamekaran Donald Éntog[édit | édit sumber]
Tokoh animasi Donald Éntog kaasup tokoh animasi anu usiana geus bisa kaitung kolot[1].Tokoh kartun ieu mimiti aya taun 1934[1]. Ayana Donald bébék anu miboga karaktér lucu jadi salah sahiji daya irut tokoh kartun ieu dipikaresep ku masarakat jeung jadi dipikawanoh ku masarakat saalam dunya. Donald Éntog mangrupa jieunan Walt Disney[1]. Donald Éntog mangrupa tuluyan tina seri Mickey Mouse anu geus dipikawanoh saméméhna[1].
Karakter Donald Duck[édit | édit sumber]
Dina rupa-rupa film animasina Donald Éntog kadang-kadang digambarkeun salaku tokoh anu pedit, sok tau jeung sial waé[1]. Tapi aya ogé dina sababaraha épisode séjénna anu digambarkeun salaku tokoh anu soméah, bageur, jeung nyaah ka tilu urang alo-alona nyaéta Kwek, Kwak, Kwik[1]. Sora jeung seurina Donald Éntog nu khas ngabalukarkeun tokoh ieu babari diinget[1]. Manéhna boga sesebutan Bébék malang ti mamangna Gober anu beunghar tapi pedit[1]. Donald bébék digambarkeun salaku anu maké baju kelasi atawa pamayang anu warnana biru ngora jeung maké topi pamayang anu khas[1].
Komik Donald Bébék[édit | édit sumber]
Nalika kartun Donald Éntog aya dina mangsa kaemasanana di Amerika Serikat jeung di sakuliah dunya, komik-komik Donal boh anu mingguan atawa anu bulanan sarua kabawa ku sabab dampak popularitasna anu paling hadé di nagara-nagara Éropah utamana di Norwegia jeung Finlandia, tapi ogé Denmark, Jerman, Italia,Walanda, jeung Swedia[2]. Lolobana éta komik diproduksi ku pausahaan Disney cabang Italia di Italia jeung ku pausahaan Disney Egmont di Denmark, Norwegia, Finlandia jeung Swedia[2]. Numutkeun data ngeunaan komik Disney di sakuliah dunya, komik-komik Amerika, Italia jeung Denmark disebarkeun ka sababaraha nagara[2]. Méh di antara kabéh nagara nu rék disebutkeun ieu publikasi ngeunaan komik ieu masih kénéh tuluy-tinuluy di antarana di: Australia, Amerika Serikat, Arab Saudi, Austria, Belgia, Walanda, Brazil, Bulgaria, Ceko, Denmark (Kepuloan Faroe), Estonia, Finlandia, Guyana, Hungaria, India, Indonesia, Inggris, Islandia, Israel, Italia, Jerman, Kolombia, Latvia, Lithuania, Meksiko, Mesir, Norwegia, Perancis, Polandia, Portugis, Romania, Russia, Slovenia, Spain, Swedia, Thailand, Republik Rakyat Cina, Turki, Yunani,jeung urut Yugoslavia[2].
Referensi[édit | édit sumber]
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |