Achmad Tirtosudiro
| Achmad Tirtosudiro | |
|---|---|
| |
| Ketua Dewan Pertimbangan Agung Republik Indonesia ka-11 | |
| Masa jabatan 20 Oktober 1999 – 31 Juli 2003 | |
| Présidén | Abdurrahman Wahid Mégawati Sukarnoputri |
| Saméméhna | Arnold Achmad Baramuli |
| Sanggeusna | teu aya (lembaga DPA dihapuskeun) |
| Katerangan lian | |
| Gumelar | 8 April 1922 Plered, Purwakarta, Hindia Walanda
|
| Pupus | 9 Maret 2011 (yuswa 88) Jakarta, Indonesia
|
| Kawarganagaraan | Indonesia |
| Pameget/istri | Suresmi Natalegawa |
| Murangkalih | Irama Sofia
Andi Djuwandi
|
| Pangabdian militér | |
| Kasatiaan |  Jepang (1944-1945)  Indonesia
|
| Layanan/cabang |  TNI Angkatan Darat
|
| Lila ngabdi | 1944-1973 |
| Réngking |  Letnan Jenderal
|
| Unit | Infanteri |
| Anugrah | Bintang Mahaputera Utama; Bintang Maha Putra Adipradana |
Letnan Jenderal TNI (Purn.) Achmad Tirtosudiro, nami keur alit Muhamad Irsyad atawa Mamit (gumelar di Purwakarta 8 April 1922[1], tilar dunya di Jakarta 9 Maret 2011).[2] Bapana Tirtosudiro saurang pagawé Djawatan Karéta Api (DKA) asalna ti Kutoarjo, Jawa Tengah. Indungna Siti Aminah, putra H. Thoha anu ngadegkeun Pasantrén Legok, Pléréd, Purwakarta.[3] Achmad kungsi jadi wartawan, diaping ku Otto Iskandardinata dina danget ngelola surat kabar Sipatahoenan.[3] Anjeunna ogéjadi salah sahiji anu ngadegkeun Universitas Paramadina.[4]
Atikan[édit | édit sumber]
Achmad Tirtosudiro nyuprih élmu ti Hollandsch-Inlandsche School atawa HIS di Cirebon, Cimahi, Bandung, jeung HIS Arjuna di Bogor taun 1928-1935. Anjeunna ogé lulusan ti MUKO Bogor (1939), AMS (Algemeen Midelbare School) Yogyakarta di taun 1941. Anjeunna kungsi ngiringan atikan dasar militér nu diayakeun ku Jepang nyaéta Chuo Seinen Kunrensho di taun 1943-1944 jeung Tyuo Kyo Shu Sho di taun 1944-1945. Achmad Tirtosudiro ogé kungsi diajar di Universitas Gadjah Mada jurusan hukum, nanging henteu rengsé. Tahun 1955, anjeunna sakola militér ka Amérika Serikat di Kota Fort Leavenworth Nagara Bagian Kansas. [3][5]
Organisasi[édit | édit sumber]
Achmad Tirtosuryo nyaéta salah sahiji inohong anu ngadegkeun Himpunan Mahasiswa Islam (HMI)[1] jeung Ikatan Cendekiawan Muslim (ICMI).[6] Anjeunna ogé ngalugguhan pupuhu Ikatan Cendekiawan Muslim Indonésia (ICMI) periode 1997-2000, ngaganti Bacharuddin Jusuf Habibie anu harita nyalonkeun jadi wakil presidén Indonésia.[6] Dina waktu kuliah di Universitas Gadjah Mada, Achmad kungsi jadi Ketua Umum Pengurus Besar Himpunan Mahasiswa Islam (1948), Komandan Kompi Bandung TRI-KA (1947-1948), Kepala Bagian Yogya-Korps Karta Mahasiswa (1947-1948), jeung Ketua Umum Perhimpunan Pemuda Mahasiswa Indonésia (1948).[2]
Karir[édit | édit sumber]
Achmad Tirtosudiro naratas karir salaku inohong militér di awal kamerdikaan di Indonesia. Sateuacanna, anjeunna kungsi jadi Pagawé Menengah Tk.II Djawatan Keréta Api (DKA) Bandung. Di taun 1944, anjeunna jadi Komandan Tentara RI-Karéta. Saparantos kamerdikaan, anjeunna ngalugguhan jabatan pamaréntahan, di antarana Duta Besar Republik Indonésia kanggo nagara Arab Saudi, Republik Arab, Yaman sareng Oman tahun 1982-1985, pupuhu munggaran Badan Urusan Logistik/BULOG (1955), Dirjén Pariwisata R.I. (1977-1982), anggota MPR Républik Indonésia utusan golongan (1997-1998), Rektor Universitas Islam Bandung (UNISBA) 1986-1996, sareng pupuhu pamungkas Dewan Pertimbangan Agung Républik Indonésia (DPA-RI) periode 1999-2003, sateuacan DPA-RI dihapuskeun ku amandemen UUD 1945.[2][6]
Pangajén[édit | édit sumber]
Pangajén anu didugikeun ka Achmad Tirtosudiro, di antarana: Bintang Gerilya, Bintang Kartika Eka Paksi, Medal For Military of II class (Jugoslavia); Groskreuz des Verdienstes (Republik Federasi Jérman), Bintang Maha Putera Utama, sareng Bintang Maha Putera Adipradana.[2] Taun 1971, Achmad Tirtosudiro diangkat jadi Letnan Jenderal TNI Angkatan Darat sabab meunang pangajén ti Presidén Républik Indonésia.[1]
Sajarah Karir[édit | édit sumber]
- Pegawai Menengah Tk.II Bandung Djawatan Karéta Api (1942-1946)
- Komandan Kompi Bandung (1945-1947)
- Kepala Bagian Korps karta Mahasiswa Yogyakarta (1947-1948)
- Hakim Perwira Bandung (1952)
- Kepala Staf Kolognas (1966)
- Kepala Badan Urusan Logistik/BULOG (1966)
- Anggota MPR (1972)
- Duta Besar Républik Indonésia di Bonn Jérman Kulon (1973-1976)
- Dirjén Pariwisata (1977-1982)
- Duta Besar Indonésia di Arab Saudi, Républik Arab Yaman, Oman (1982-1985)
- Rektor Universitas Islam Bandung/UNISBA (1986-1996)
- Pupuhu Badan Musyawarah Perguruan Tinggi Islam Swasta Indonésia/BKS-PTIS (1988-1996)
- Pupuhu Umum Badan Kerja sama Perguruan Tinggi Islam Swasta Indonésia/BKS-PTIS (1988-1996)
- Anggota MPR Républik Indonésia Utusan Golongan (1997 -1998)
- Wakil Ketua DPA/Ketua Komisi Politik (1998-1999)
- Ketua Dewan Penaséhat ICMI.
- Wakil Ketua IIFTIHAR (The International Islamic Forum For Science Technology and Human Resources Development) mewakili Republik Indonesia.
- Ketua Harian Ikatan Cendekia Muslim Indonésia (1997-2002)
- Ketua Dewan Pertimbangan Agung Républik Indonésia/DPA-RI (1999-2003)[7]
Rujukan[édit | édit sumber]
- ↑ a b c "Tokoh HMI Ahmad Tirtosudiro Meninggal Dunia". Tempo. Diakses tanggal 17 September 2021.[tumbu nonaktif]
- ↑ a b c d "Achmad Tirtosudiro". Balai Pelestarian Nilai Budaya Jawa Barat (dalam en-US). Diakses tanggal 2021-09-13. Archived 2021-09-13 di Wayback Machine
- ↑ a b c Rosidi, Ajip (2003-12-01). Apa Siapa Orang Sunda (dalam Indonesian). Dunia Pustaka Jaya. ISBN 978-979-419-980-0.
- ↑ ngadegkeun-univ-paramadina-ahmad-tirtosudiro-meninggal.html "Pendiri Univ. Paramadina Ahmad Tirtosudiro Meninggal Dunia". Universitas Paramadina. Diakses tanggal 17 September 2021.
- ↑ "Pengabdian Sepanjang Hayat". Tokoh Indonesia. Diakses tanggal 17 September 2021.
- ↑ a b c "Ketua DPA Terakhir". Tokoh Indonesia. Diakses tanggal 17 September 2021.
- ↑ "Achmad Tirtosudiro". Merdeka.com. Diakses tanggal 17 September 2019.
 |
Artikel ngeunaan biografi inohong sunda ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |