Cihcir
| Cihcir | |
|---|---|
| |
| Cihcir nu can aya jangjangan di Parakansalak | |
| Klasifikasi ilmiah | |
| Karajaan: | |
| Filum: | |
| Kelas: | |
| Ordo: | |
| Kulawarga: | |
| Subfamili: | |
| Tribus: | |
| Génus: | Scudderia Stål, 1873
|
| Sinonim | |
| |
Cihcir nyaéta sato anu kagolong kana insékta atawa gegeremet. Ieu cihcir kaasup kana ordo Orthoptera, nu matak ieu insékta téh saliwat mah mirip jeung simeut, jangkrik, tonggérét jeung insékta saordo lianna.[1] Ari familina mah kaasup kana tettigoniidae atawa mun ku urang kulon mah dipikawanoh ngaranna téh minangka katydids atawa bush crickets, dina ieu famili geus dipikawanoh kana 6.400 spésiésna.[1] Ieu cihcir saenyana kaasup kana génus scudderia, nyaéta katydids dina subfamili phaneropterinae.[1]
Dina hirup kumbuhna urang Sunda, ieu insékta cihcir téh geus ruket pisan patalina jeung kahirupan. Lantaran sora cihcir anu disadana ti peuting téh bisa kapanggih kalawan gampang pisan di sakuliah tempat di wewengkon pasundan. Ari margalantaranana mah kapan wewengkon pasundan téh dilingkung ku gunung, ieu nu nyumebabkeun gampangna cihcir kumembangbiak di wewengkon pasundan, da resep cicingna di pileuweungan.
Ari saliwat mah sora cihcir téh kawas tonggérét, tapina da tonggérét mah disadana ti beurang, tara ti peuting, jaba teu sarua deuih sorana gé. Ogé deuih ieu sora cihcir téh saliwat mah sok saru jeung sora jangkrik, ngan béda dina jinis sorana. Ari cihcir disadana ti peuting dina usum halodo, arang langka cihcir disada di peutingan dina usum ngijih mah. Dalah kitu, cihcir mah linghas lamun rék diala atawa ditéwakna, teu gampang pikeun manggihan jirim ieu cihcir, mimindengna mah kadéngé sorana wungkul. Ari sora cihcir pikeun urang Sunda ieu geus jadi kila-kila, cenah mun aya sora cihcir di imah éta tandaning rék aya karuhun datang.
Spésiés
[édit | édit sumber]- Scudderia beckeri Piza, 1967
- Scudderia bivittata Piza, 1976
- Scudderia chelata Piza, 1980
- Scudderia cuneata Morse, 1901
- Scudderia curvicauda (De Geer, 1773)
- Scudderia dentata Brunner von Wattenwyl, 1878
- Scudderia fasciata Beutenmüller, 1894
- Scudderia furcata Brunner von Wattenwyl, 1878
- Scudderia intermedia Márquez Mayaudón, 1958
- Scudderia mexicana (Saussure, 1861)
- Scudderia pallens (Fabricius, 1787)
- Scudderia paraensis Piza, 1980
- Scudderia paronae Griffini, 1896
- Scudderia pistillata Brunner von Wattenwyl, 1878 – broadwinged bush katydid
- Scudderia salesopolensis Piza, 1980
- Scudderia septentrionalis (Serville, 1838)
- Scudderia surinama Piza, 1980
- Scudderia texensis Saussure & Pictet, 1897
- Scudderia trombetana Piza, 1980
- Scudderia ungulata Scudder, 1898
- Scudderia williamsi Piza, 1974
Rujukan
[édit | édit sumber]- ↑ a b c "Genus Scudderia - Bush Katydids". BugGuide. Diakses tanggal 5/25/2017.
|
Artikel ngeunaan biologi ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |