Mesin Rotomoulding

Ti Wikipédia, énsiklopédia bébas
Loncat ke navigasi Loncat ke pencarian
Sawangan Cara Gawé Rotarimolding. Product (Barang Jadi), Mold(Citakan/alat), Plastic (Plastik), Heating (Dipanaskeun), Product (Barang Jadi).

Mesin rotomoulding(rotasi molding) atawa citakan muter nyaéta hiji cara nyieun hiji barang anu bahana tina plastik kalawan baran anu dijieun téh utamana mikabutuh ayana lolongkrang/ruang di jerona, nyieunna ku jalan ngalééhkeun bahan plastik dina jero citakanna bari jeung diputer-puter, maksudna supaya éta plastik lééh téh mapay minuhan sisi citakan. Saenggeusna éta citakan dipinuhan ku bahan plastik anu lééh tadi tuluy waé éta citakan disemprot ku cai ngarah gancang tiis. Saenggeus tiis tuluy citakan dibuka, bakal katempo barang anu dijieun luyu jeung citakanna.[1].

Sajarah[édit | édit sumber]

Kasangtukang Rotomoulding/Rotasi Molding/Citakan muter. Baheula pisan bangsa Mesir geus manggihan ieu cara/tarékah nyieun citakan anu mutér bari dicor, maksudna pikeun nyieun barang kabutuhan anu bahanana tina keramik. Urang Swiss ogé ngaggunakeun ieu cara rotomoulding pikeun nyieun kuéh coklat anu mangrupa endog nu dina tengah-tengahna lowong. Di sababaraha tempat dina taun 1940 jeung 1950-an di Amerika Serikat, Ieu rotarimolding geus dimangpaatkeun ogé keur ngolah bahan plastik sok sanajan henteu pati kasohor pisan, ku lantaran dina prakna dianggap lila teuing. Dina sababaraha taun ka tukang saenggeusna aya panalungtikan tur ngabuahkeun, ngahasilkeun ngoméan kana cara prakna prosés produksi jeung kapanggihna bahan bubuk plastik anu mangrupa bahan dasarna, geus ngaronjatkeun kana kasampurnaan ieu sistem rotomolding. Dina ahir taun 1950-an, mangsana ieu prosés leuwih alus jeung gampang dipikawanoh ku balaréa. Mimiti loba pabrik ngalarapkeun ieu pamanggih. Hasil produksi anu umum dipikanyaho upamana corong karét (rubber cone) pikeun kabutuhan pananda di jalan gedé, kukumbul utamana keur di laut, wadah panyimpenan cai (torn) sababaraha ukuran, aya ogé wadah pikeun neundeun és jeung loba deui anu séjéna.[2] [3][4]

Undakan Gawe Jeung Katangtuan[édit | édit sumber]

  1. Nyiapkeun Citakan Dimimitian ku ngeusian citakan ku bubuk plastik polimér atawa résin kalawan jumlah anu geus ditangtukeun saméméhna. Bisa ogé dicampur bukuk pikeun ngarobah kelir bahanna, atawa kumaha paménta anu meuli. Umumna bubuk resin nyaéta polyethylene (PE), sanajan bisa waé maké bahan polyvinyl chloride (PVC) jeung nilon ogé bisa dipaké. Oven dipanaskeun bisa ku cara konvéksi, konduksi, (atawa dina sababaraha kaayaan bisa waé diradiasi) suhu anu dipaké antara 500 °F - 700 °F (260 °C - 370 °C), gumantung kana polimér anu dipaké. Bubuk geus asup kabéh kana jeroeun citakan ieu cetakan tuluy ditutup, dikonci, saterusna diasupkeun ka rohangan oven.
  2. Manaskeun bari digalokeun Salila dijeroun éta oven citakan diputer (nyaéta, diputer maké dua sumbu) sawaréh bahan polimér anu aya dijeroeun citakan tadi lééh ngalimpudan jeroeun citakan. Ieu puteran diatur lalaunan, kurang tina 20 puteran/menit; puteran ieu henteu séntrifugal/ngajauhan puseur puterana. Salila waktu ieu prosés puteran kacida pisan pentingna. upamana waé citakan ieu lila teuing aya dijeroeun oven tangtuna polimér bakal jadi regas atawa gampang peupeus. Tapi sabalikna lamun gancang teuing di jero oven, polimér henteu lééh kalawan sakuduna/ leeh sawaréh anu antukna napel dina barang produksina.
  3. Niiskeun Citakan Réngsé ngalééhkeun ieu polimér jeung cunduk kana waktuna, citakan dikaluarkeun tina oven pikeun ditiiskeun. Niiskeun ieu citakan biasana cukup ku angin anu ditiupkeun, aya ogé anu maké cai diémratkeun atawa gabungan kaduana. Polimér anu geus tiis téh tangtu leuwih kuat ngabentuk ceplés jiga citakana. Lilana niiskeun ieu citakan téh diukur ku puluhan menit. Kacida pentingna ieu waktu niiskeun kudu bener-bener aturanna ku sabab lamun gancang teuing, polimer anu aya di jeroeun citakan bakal hésé dikaluarkeun.[5][6]
Corong Jalan

Rupa-rupa hasil produksi[édit | édit sumber]

Ngaleupaskeun barang anu geus ditiiskeun tina citakana
  • Téngki paranti neundeun cai jeung bahan kimia nepi ka 50.000 léter
  • Barang paranti pikeun nyimpen barang kayaning palét, peti, kotak paragi niiskeun lauk
  • Kabutuhan hirup kumbuh kayaning wadah runtah, corong jalan,pananda pikeun ngabagi jalan jeung sajabana
  • Kukumbul utamana dina kapal laut jeung jaring lauk, utamana di laut
  • Kaperluan angkutan (otomotif) upamana waé téngki wadah solar, kotak pakakas, dashboard ''traktor''
  • Kabutuhan rumah tangga, korsi, pot kembang, kaulinan jeung réa-réa deui..

Tutumbu Kaluar[édit | édit sumber]

Tempo Ogé[édit | édit sumber]

Dicutat tina[édit | édit sumber]


Nulis.jpg