Ceremé

Ti Wikipédia, énsiklopédia bébas
Luncat ka: pituduh, sungsi
Ceremé
Tangkal ceremé jeung buahna
Klasifikasi ilmiah
Kingdom: Plantae
Division: Magnoliophyta
Class: Magnoliopsida
Order: Malpighiales
Family: Phyllanthaceae
Tribe: Phyllantheae
Subtribe: Flueggeinae
Genus: Phyllanthus
Species: P. acidus
Ngaran binomial
Phyllanthus acidus
(L.) Skeels.
Sinonim

Phyllanthus distichus Müll.Arg.
Cicca acida Merr.
Cicca disticha L.
Averrhoa acida L.

Ceremé nyaéta ngaran sarupaning tatangkalan anu rasa buahna haseum. Buah anu haseum ieu dipikawanoh ogé kalawan ngaran-ngaran séjén kawas ceremoi (Acéh), chermai (Malaysia), karmay (Ilokano, Filipina), mayom (Thailand) sarta nu séjén-séjén. Dina basa Inggris ieu tangkal dingaranan Otaheite gooseberry, Malay gooseberry jeung sawatara sebutan anu séjén. Ngaran ilmiahna nyaéta Phyllanthus acidus.

Gambaran[édit | sunting sumber]

Buah di tangkalna

Tangkal leutik kalayan jangkungna nepi ka 9 m, boga dahan nu pondok sarta renggang.

Mangpaat[édit | sunting sumber]

Lukisan ceremé nurutkeun Blanco

Buah ceremé mindeng didahar atah dicampur gula, uyah atawa dirujak. Ceremé ogé mindeng dijieun manisan, dikulub atawa dijieun inuman panyeger. Daun ngorana dipaké lalab.

Kuluban akar ceremé dipaké pikeun ngurangan kasakit bengék sarta ngubaran panyakit kulit. Bahan panyamak ogé dihasilkeun tina kulit akarna.

Tangkal ceremé mindeng dipelak minangka pangiuhan atawa hiasan pakarangan jeung taman. Tangkal ieu bisa tumuwuh di wewengkon tropis sarta subtropis, mikaresep tempat anu beueus nepi ka luhurna kira 1.000 m luhur beungeut laut. Ceremé bisa dibudidayakeun ngaliwatan melak siki atawa cara sték.

Sumebarna[édit | sunting sumber]

Ceremé dianggab asalna ti Madagaskar. Kiwari ceremé geus sumebar ka réa wewengkon tropis kawas di Asia Tenggara (Viétnam kidul, Laos, Indonésia sarta Malaysia bagian kalér), kapuloan-kapuloan Mauritius, Reunion sarta Rodrigues di Samudra India, sarta di Guam, Hawaii jeung sawatara kapuloan séjén di Samudra Pasifik.

Dina taun 1793, pepelakan ieu dibawa ka Jamaika ti Timor; sarta saprak harita sumebar ka sakumna kapuloan Karibia, dituluykeun saterusna ka Amérika Tengah sarta Kidul.

Tangkal nu sadulur[édit | sunting sumber]

Ceremé dulur deukeut tangkal malaka (Phyllanthus emblica) sarta meniran (P. niruri); duanana nyaéta tutuwuhan anu dijieun ubar.

Rujukan[édit | sunting sumber]

  • Verheij, E.W.M. sarta R.E. Coronel (eds.). 1997. Asal Daya Nabati Asia Tenggara 2: Buah-buahan anu bisa dimakan. PROSEA – Gramedia. Jakarta. ISBN 979-511-672-2.