Kendang

Ti Wikipédia, énsiklopédia bébas
Luncat ka: pituduh, sungsi
SambaSunda Quintett in Cologne (0253).jpg

Kendang (Basa Indonésia: gendang) ngarupakeun alat musik membranopon anu dijieun tina kai jeung kulit. Luyu jeung ukurana, aya kendang gede, kendang leutik, katipung, jeung katibung.

Bahanna[édit | sunting sumber]

Bahan anu sae kangge ngadamel gendang biasana tina kai nangka. Nanging aya oge anu ngangge tangkal buah, waru, atawa kalapa. Kaina dicopongan sareng dipasihan seuweu di bagian bem anu leuwih gede ukuranna dibanding bagian kempyang. Tutup gendang biasana ngangge kulit sapi, nanging aya oge anu ngangge kulit embe atawa kulit munding. Kurawet atawa tali gendang biasana oge ngangge kulit, nanging aya oge anu ngangge tambang atawa kawat. Gendang sunda kurawetnna leuwih loba palengpangna benten sareng gendang Jawa. Bahan kangge nyangga gendang atawa kincir didamel tina kai atawa beusi. Kurawet kangge samparan tina kaen anu lemes. Gendang biasana dicet hideung atawa beureum, disirlak coklat, atawa dipernis.

Ukuran[édit | sunting sumber]

Panjang gendang kira-kira 60-70 cm. Ageung diameterna di bagian bem kira-kira 20 cm, tengahna 25 cm, sareng bagian kempyangna 15 cm. Nanging tiasa oge didamel leuwih ageung tina eta ukuran atawa leuwih alit. Gendang anu leuwih ageung tina gendang Jaipong biasana diangge bass atawa bedugna. Sedengkeun anu leuwih alit sareng pondok diangge katipung anu dijejerken caket bagian bem. Katipung anu caket kempyang diangge panepak.

Namina[édit | sunting sumber]

Sedengkeun nurut namina aya gendang Jaipong, gendang Degung, gendang batangan, katipung, panepak, sareng katibung anu diangge dina gendrum. Biasana saparangkat gendang jumlahna hiji gendang sareng dua katipung. Nanging aya oge parangkat gendang anu lewih loba jumlahna sareng lengkap nadana. Contona gendang Jaipongan, biasana gendangna dua sareng katipungna genep.

Nabeuhna[édit | sunting sumber]

Cara nabeuh gendang biasana ngangge panabeuh atawa dampal panangan kenca dina bagian bem, katipung, katibung, sareng gendang jidur. Dampal panangan katuhu kangge nabeuh bagian kempyangna sareng panepak. Tatabeuh gendang biasana didamel tina kai siga tatabeuh bedug tapi leuwih alit sareng tungtungna ngangge karet buleud. Tapi aya oge anu ngadamel gagang tatabeuhna tina cempurit atawa fiber. Cara nabeuh gendang ngangge tatabeuh biasana dina tepak gendang Jaipongan, wayang golek, sareng utamina kangge tepak gendrum.

Wikimedia Commons logo
Wikimedia Commons mibanda média séjénna ngeunaan


Nuvola apps juk.png