Manyogana

Ti Wikipédia, énsiklopédia bébas
Luncat ka: pituduh, sungsi

Man'yōgana (万葉仮名) nyaeta bentuk kana heubeul dina Basa Jepang nu make karakter Basa Cina jeung ngagambarkeun tulisan Basa Jepang. Teu pati kapuluruh sacara jentre ti mimiti iraha dipakena, diperkirakeun mimiti dipake dina awal abad kagenep. Ngaran man'yōgana asalna tina Man'yōshū (万葉集, Antologi Myriad Leaves), hiji antologi sajak Basa Jepang waktu periode Nara ditulis dina man'yōgana.

Man'yōgana leuwih loba make kanji keur nilai fonetikna tinimbang hartina. Sababaraha kanji dipake keur nembongkeun sora nu sarua, sarta dina praktekna nu nulis bakal ngahijikeun kanji nu ampir sarua. Kanji nu remen dipake dina man'yōgana ahirna robah jadi hiragana jeung katakana. Hiragana diwangun tina parobahan man'yōgana nu ditulis bagean luhur cursive, dina gaya sōsho; katakana dumasar kana bagean-bagean man'yōgana, sarta mimiti dirobah ku pendeta Buddha dina bentuk steno. Dina sababaraha hurup, hiji karakter man'yōgana keur hiji suku kata nu ilahar dina hiragana, sarta beda jeung dina katakana; contona, hiragana る asalna tina man'yōgana 留, katakana ル asalna tina man'yōgana 流. Panalutingtikan man'yōgana nembongkeun yen sora teu ditembongkeung ku hiragana jeung katakana, kaasup dalapan sora vokal, saperti nu dipake ayeuna nyaeta ngan lima hurup vokal.

Gabungan tina sababaraha kanji keur hiji suku kata dipake dina hentaigana (変体仮名), susunan kana sejen tina hiragana. Hentaigana resmi teu dipake dina taun 1900.

Man'yōgana masih dipake keur sababaraha tempat di Jepang kiwari, utama di Kyushu. Fenomena nu ampir sarua jeung man'yōgana, disebut ateji (当て字), masih aya, numana kecap (kaasup injeuman) dieja make kanji: contona, 倶楽部 (kurabu, kleub).

Kasaruaan Katakana jeung man'yōgana (bagean man'yōgana nu jadi katakana diwarnaan beureum)
Parobahan hiragana tina man'yōgana


Tipe Manyogana[édit | sunting sumber]

Dina man'yōgana, kanji dipetakeun kana sora ku sababaraha cara, kadangkala langsung, kadangkala teu langsung.

  • Dumasar kana cara maca/onyomi (Shakuon kana 借音仮名)
    • Hiji karakter keur hiji mora
      • Dipake kabeh: 以 (い), 呂 (ろ), 波 (は)
      • Dipake sabagean: 安 (あ), 楽 (ら), 天 (て)
    • Hiji karakter keur dua mora: 信 (しな), 覧 (らむ), 相 (さが)
  • Dumasar kana harti/kunyomi (Shakkun kana 借訓仮名)
    • Hiji karakter keur hiji mora
      • Dipake kabeh: 女 (め), 毛 (け), 蚊 (か)
      • Dipake sabagean: 石 (し), 跡 (と), 市 (ち)
    • Hiji karakter keur dua mora: 蟻 (あり), 巻 (まく), 鴨 (かも)
    • Dua karakter keur hiji mora: 嗚呼 (あ), 五十 (い), 可愛 (え)

Tumbu kaluar[édit | sunting sumber]