Fuganto Widjaja
| Fuganto Widjaja | |
|---|---|
| Gumelar | 29 Oktober 1981 Makassar, Sulawesi Kidul, Indonésia |
| Kawarganagaraan | Indonésia |
| Alma mater | Universitas Cambridge Universitas Cornell |
| Pagawéan | Tukang bisnis |
| Dipikawanoh salaku/lantaran | Anu nyiptakeun mérek cai mineral Pristine CEO Golden Energy And Resources (GEAR) Komisaris Sinar Mas Financial Services |
| Kulawarga | Éka Tjipta Widjaja (aki) Oei Hong Leong (emang) |
Fuganto Widjaja (gumelar di Makassar, 29 Oktober 1981, yuswa 38 taun) nyaéta hiji pangusaha asal Indonésia. Manéhna nyaéta incu ti anu ngadegkeun Sinarmas Group, Éka Tjipta Widjaja.[1]
Kasang tukang
[édit | édit sumber]Fuganto Widjaja mangrupa anak ti Indra Widjaja, diréktur PT Sinarmas Multiartha.[2] Fuganto jeung kulawargana mangrupa konglomrat anu ngadegkeun sarta ngokolakeun Sinarmas Group, anu dimimitian ku akina, Éka Tjipta Widjaja.[3]
Manéhna ngahontal gelar Ilmu Komputer jeung Ékonomi ti Cornell University New York di taun 2003 sarta lulus ti Cambridge Univesity London di taun 2004.[3]
Fuganto Widjaja ngawariskeun sipat bisnis ti aki jeung bapana. Akina, Éka Tjipta Widjaja, nyaéta imigran asal Tiongkok anu datang ka Makassar nalika jaman Hindia Walanda ti keur leutik. Manéhna mimitina dagang kuéh ti warung ka warung, tuluy nyobaan babaraha usaha, nepi ka ngadegkeun pausahaan anu kiwari dipikawanoh minangka Sinar Mas.[2][4]
Karir
[édit | édit sumber]Manéhna ngamimitian karirna jadi analis risét di bank invéstasi UBS di Singapura.[5] Di taun 2006, nalika manéhna mimiti gabung jeung Sinar Mas Group, manéhna dipercaya pikeun ngawangun pabrik cai mineral. Tuluy manéhna meunang tanggungjawab anu leuwih gedé di Sinarmas Group, nyaéta dipercaya pikeun mingpin PT Golden Energy Mines Tbk (baheula ngaranna PT Bumi Kencana Eka Sakti) minangka komisaris ti taun 2016 nepi ka kiwari.[1][6][7][8]
PT Golden Energy Mines Tbk beroperasi di widang pertambangan jeung padagangan. Pausahaan ieu miboga 12 anak pausahaan, 10 di antarana mangrupa pausahaan anu beroperasi di panambangan batu bara termal. Tambang éta lokasina aya di Sumatra Kidul, Jambi, Kalimantan Kidul, sarta Kalimantan Tengah. Ieu pausahaan téh fokus utamana nyaéta pertambangan batubara. Ieu saham pausahaan téh 94,2 persén dicepeng ku Sinarmas Group.[7][9]
Di taun 2015, nalika Sinar Mas Group nyokot alih PT Berau Coal Energy Tbk, Fuganto ditunjuk jadi présidén diréktur sarta Gandi Sulistiyanto Soeherman jadi komisaris présidén anu anyar.[7][10][8]
Fuganto Widjaja nyieun cakupan Sinarmas Group ngalegaan. Sinarmas jaman baheula idéntik ku agribisnis, kai, keretas, jeung bubuk kertas. Sedengkeun, Sinarmas Group kiwari ngarambah ka séktor énergi, infrastruktur, télékomunikasi, kaséhatan, jeung atikan.[11] Manéhna mikahayang yén Sinarmas ulah ngan ngandelkeun agribisnis wungkul, tapi kudu bisa ogé kana infrastruktur, téhnologi, jeung nu séjénna, saperti pausahaan-pausahaan maju di Tiongkok, Jepang, jeung Koréa.[4][12]
Manéhna yakin yén Sinarmas bisa ngarojong targét pamaréntah pikeun ningkatkeun pasokan listrik jadi 35.000 mégawatt dina waktu 5 taun, ku cara mastikeun pasokan batu bara angger stabil sarta ngakuisisi réa asét pertambangan.[5][13]
Kalungguhan
[édit | édit sumber]Ieu di handap mangrupa kalungguhan anu ayeuna dicepeng ku Fuganto Widjaja.[10]
| Ngaran pausahaan | Kalungguhan | Ti mimiti | Nepi ka |
|---|---|---|---|
| PT Sinarmas Multiartha (Property & Casualty Insurance) | Komisionér | 2015 | Kiwari |
| Golden Energy and Resources Limited (Batu bara) | Group Chief Executive Officer & Executive Director | 2015 | Kiwari |
| PT Berau Coal Energy Tbk (Batu bara) | Présidén Diréktur | 2015 | Kiwari |
| PT Golden Energy Mines Tbk (Batu bara) | Komisionér | 2016 | Kiwari |
| PT Super Wahana Tehno | Diréktur | - | Kiwari |
| PT Kuansing Inti Makmur | Présidén Komisionér | - | Kiwari |
| PT Roundhill Capital Indonesia | Diréktur | - | Kiwari |
| PT Berau Coal | Présidén Diréktur | - | Kiwari |
| PT Borneo Indobara | Komisionér | 2011 | Kiwari |
Tingali ogé
[édit | édit sumber]Rujukan
[édit | édit sumber]- ↑ a b Mediatama, Grahanusa. "Fuganto Widjaja: Mengawali dari titik nol". kontan.co.id (dalam Indonesian). Diakses tanggal 2020-02-25.
- ↑ a b Indonesia, Tokoh. "Taipan Pendiri Sinar Mas Grup | TOKOH INDONESIA | TokohIndonesia.com | Tokoh.id" (dalam en-US). Diakses tanggal 2020-02-25.
- ↑ a b "Fuganto Widjaja | Golden Energy Mines Tbk PT | Indonesia". biography.omicsonline.org. Diakses tanggal 2020-02-25.
- ↑ a b "Subscribe to read | Financial Times". www.ft.com. Diakses tanggal 2020-02-26.
- ↑ a b hermes. "Indonesia's young heirs stick their necks out". The Straits Times. Diakses tanggal 2020-02-26.
- ↑ "Dewan Komisaris – Golden Energy Mines" (dalam id-ID). Diakses tanggal 2020-02-25.
- ↑ a b c "The Rise of the Third Generation | GlobeAsia.com". Globe Asia. Diakses tanggal 2020-02-25. Archived 2019-07-19 di Wayback Machine
- ↑ a b Yudha, Kriswangsa Bagus Kusuma; S.Th. "Sinar Mas Group Berduka, Inilah Para Pewaris Kekayaan Senilai Rp205 triliun". Finansialku Perencana Keuangan Independen (dalam id-ID). Diakses tanggal 2020-02-26.
- ↑ Lim, Kenneth. "Golden Energy secures nod to raise coal production at Indonesian concession". The Business Times. Diakses tanggal 2020-02-26.
- ↑ a b MarketScreener. "Fuganto Widjaja - Biography". www.marketscreener.com. Diakses tanggal 2020-02-25.
- ↑ "Fuganto Widjaja, Tangan Dingin Generasi Ketiga Sinarmas | Ekonomi". Bisnis.com. Diakses tanggal 2020-02-25.
- ↑ "Paid Program: Encouraging Development". Mitsui (dalam en-US). Diakses tanggal 2020-02-26.
- ↑ "Kiprah Grup Sinar Mas dalam Bisnis Batu Bara | Ekonomi". Bisnis.com. Diakses tanggal 2020-02-26.