Lompat ke isi

Jog-jog

Nambah tutumbu
Ti Wikipédia Sunda, énsiklopédi bébas
Jog-jog (Merbah Cerukcuk)
Manuk jog-jog ti Bali
Status konservasi
Klasifikasi ilmiah
Karajaan:
Animalia
Filum:
Chordata
Kelas:
Aves
Ordo:
Passeriformes
Kulawarga:
Pycnonotidae
Génus:
Pycnonotus
Spésiés:
P. goiavier
Ngaran binomial
Pycnonotus goiavier
(Scopoli, 1886)

Jog-jog (Pycnonotus goiaviei); basa Inggrisna Yellow-vented Bulbul nyaéta hiji manuk nu asalna tina kulawarga Pycnonotidae, urang Jawa nyebutna terucuk atawa cerocokan. [1] Aya ogé nu nyebut kana ieu manuk téh braba, merbah, celucuk, cica. [1] Pangawakanna leutik sapantar jeung manuk cangkurileung, panjang tina buntut nepi ka pamatuk kurang leuwih 20 cm. [2] Hirup tur nyiar hakaneun dina tatangkalan, pating araclog sarta récét disarada patembalan utamana mangsa arék meuting/nyayang. [3]

Kahakanan manuk jog-jog kayaning bungbuahan nulaleutik sarta gegeremet kayaning sireum, jangkrik, papatong, jeung sajabana, luyu jeung pangawakanna nu memang leutik.[2] Malahan aya hiji paribasa nu ilahar pikeun némbongkeun hiji kaayaan anu kurang merenah atawa mikahayang nu pamohalan kacumponan, cenah “kawas jog-jog neureuy buah loa” éta kulantara buah loa mah ukuranna méh sagedé awakna tangtuna pamohalan pisan bisa kateureuy. [4]

Manuk jog-jog kawilang lindeuk sarta teu kaasup manuk galak ka manuk séjén, mangsa ditunda sarta diingu dina kandang nu lega ieu manuk bisa waé dihijikeun jeung manuk séjén kayaning piit, jalak hideung, jalak hawuk, jalak surén, cangkurileung, cangkurwok, jeung sajabana kalawan moal matak paraséa.[5] Iéu manuk henteu kaasup kana manuk langka, malahan numutkeun catetan nu aya jumlah ieu manuk téh disawang terus nambahan. [6] Ieu manuk baranahan bisa di alam liar anapon dina penangkaran (ngahaja direkahkeun sangkan baranahan).[6] Sagigireun di nagara urang, ieu manuk loba ogé kapanggih hirup di nagara séjén kayaning di Thailand, Malaysia, Vietnam, Pilipina, jeung Timor leste.[7]

Ciri mandiri

[édit | édit sumber]

Kelir bulu nu aya dina harigu, sarta babudeureuna hawuk semu bodas.[8] Sedengkeun bulu nua aya dina punduk nepika buntut kelirna coklat, bulu nu aya dina puhu buntut beulah handap kelirna konéng, palebah panonna dikuriling ku bulu hideung, manjang nepia pamatuk, Kelir pamatuk reujeung cékérna hideung, manuk jaluna palebah huluna mibanda bulu panjang kawas jambul. [8]. Usum begér ilaharna bulan Oktober nepi ka Desember, sayangna dijieun tina rarapén/jukut atawa kalakay/daun nu gararing, dibebenah sangkan nyelogon gedéna kurang leuwih sagedé cangkir,[9]

  • Daérah sebaran tempat hirupna
    Daérah sebaran tempat hirupna
  • nyéngclé dina dahan
    nyéngclé dina dahan
  • Endogna
    Endogna
  • Anakna masih kénéh gumoél
    Anakna masih kénéh gumoél
  • Nyiar hakaneun
    Nyiar hakaneun
  • Sajodo
    Sajodo

Baca ogé

[édit | édit sumber]
  • Coates, B.J. and K.D. Bishop. 2000. Panduan lapangan Burung-burung di Kawasan Wallacea. BirdLife IP & Dove Publication. Bogor. ISBN 979-95794-2-2
  • King, B., M. Woodcock, and E.C. Dickinson. 1975. A Field Guide to The Birds of South-East Asia. Collins. London. ISBN 0-00-219206-3
  • MacKinnon, J. 1993. Panduan lapangan pengenalan Burung-burung di Jawa dan Bali. Gadjah Mada University Press. Jogyakarta. ISBN 979-420-150-2
  • MacKinnon, J., K. Phillipps, and B. van Balen. 2000. Burung-burung di Sumatera, Jawa, Bali dan Kalimantan. LIPI dan BirdLife IP. Bogor. ISBN 979-579-013-7

Tutumbu kaluar

[édit | édit sumber]

(en) Pycnonotus goiavier pada IUCN Red List Database, diakses pada 01/8/2006

(en) Pycnonotus goiavier pada ITIS Database, diakses pada 01/8/2006

(en) Yellow-vented Bulbul page Archived 2016-04-26 di Wayback Machine

Dicuat tina

[édit | édit sumber]
  1. ↑ a b Jenis burung yang umum di Indonesia. Djambatan. 2007-08-01. ISBN 9789794281048. 
  2. ↑ a b Murai Batu. PT Niaga Swadaya. 1997-08-01. ISBN 9789790024267. 
  3. ↑ Fatimah Djajasudarma (2008-08-01). Nilai budaya dalam ungkapan dan peribahasa Sunda. Pusat Pembinaan dan Pengembangan Bahasa, Departemen Pendidikan dan Kebudayaan. ISBN 9789794597880. 
  4. ↑ Kamus ungkapan dan peribahasa Sunda. Universitas Michigan=accessdate=2018-02-02: Pustaka Setia. 1997-08-01. 
  5. ↑ Murai Batu. Redaksi AgroMedia. 1997-08-01. ISBN 9789799542151. 
  6. ↑ a b "Pycnonotus goiavier". The IUCN Red List of Threatened Species. ISSN 2307-8235. Diakses tanggal 2018-08-20. 
  7. ↑ "Yellow-vented Bulbul • Pycnonotus goiavier". xeno-canto. 2005-01-01. Diakses tanggal 2018-01-01. 
  8. ↑ a b "Yellow-vented Bulbul Pycnonotus goiavier". IBC Bird. 2016-11-01. Diakses tanggal 2008-01-01. 
  9. ↑ "Yellow-vented Bulbul (Pycnonotus goiavier)". Alive the hand book bird of word. 1997-08-01. Diakses tanggal 2018-01-08. 
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.
Dicomot ti "https://su.wikipedia.org/w/index.php?title=Jog-jog&oldid=650746"