Lumpia
Lumpia atawa lun pia (Hanzi: 潤餅 / 润饼, POJ: lūn-piáⁿ, hanyu pinyin: rùn bǐng, Bahasa Inggris: long pia) nyaéta salah sahiji kadaharan tradisional Tionghoa. [1] Lumpia dipikawanoh ku urang Indonesia mangrupa lafal Basa Hokkian.[1] Lumpia dijieun tina lambaran ipis tipung gandum nu dijadikeun pamungkus eusina, kayaning Iwung, Endog, sayuran seger, daging, atawa kadaharan tina bahan laut. [1] Di Indonésia, lumpia dipikawanoh jadi jajanan tradisional has Semarang kalawan tata cara jeung bahanna disaluyukeun jeung kondisi masarakatna.[2]
Lumpia Semarang
[édit | édit sumber]Lumpia mimiti dipikawanoh di Semarang waktu aya pésta olahraga GANEFO nu diayakeun waktu jaman pamaréntahan Présidén Soekarno taun 1963-1966. [3] Di Semarang aya opat variasi tempat lumpian anu kawentar.[2]
- Kahiji, di Gang Lombok (Siem Swie Kiem).[4]
- Kadua, di Jalan Pemuda (almarhum Siem Swie Hie).[4]
- Katilu, di Jalan Mataram (almarhumah Siem Hwa Nio).[4]
- Kaopat, di kios lumpia Mbak Lien alias Siem Siok Lien.[4]
Sajarah
[édit | édit sumber]Lumpia mimiti aya dina abad ka 19 kalawan mangrupa akulturasi budaya antara Tiongkok – Jawa anu diadumaniskeun dina rasa. [2] Ieu sajarah téh dimimitian ku Tjoa Thay Joe anu babar di Fujian hayang dumuk di Semarang kalayan muka bisnis kadaharan has Tiong hoa atawa Tiongkok. [2] Tuluy, Tjoa Thay Joe panggih jeung Mbak Wasih, pituin urang Jawa anu dagang kadaharan amis gurih eusina kentang jeung daging. [2] Beuki dieu, duaan téh jatukrami tuluy ngahijikeun usahana nepi ka ngarobah rasa asli lumpia. [2] Eusi lumpiana dirobah jadi daging hayam jeung hurang kalayan teu ngaleungitkeun iwung nu jadi bahan utamana. [2] Kaonjoyanana téh hurang jeung endogna henteu hanyir, iwungna ogé amis, jeung kulit lumpiana ngerekes lamun digoréng. [2] Ieu jajanan téh biasana didagangkeun di Olympia Park, pasar malem Walanda. [2] Usahana beuki maju nepi ka bisa diteruskeun ku anakna, nyaéta Siem Gwan Sing jeung Siem Hwa Noi nu muka cabang di Mataram jeung Siem Swie Kiem anu nuluykeun usaha warisan bapana di Gang Lombok no. 11. [2] Kiwari Siem Siok Lien, anak Siem Swie Hie muka toko lumpia anu kawentar kalayan ngaran Lumpia Mba Lien di Pemuda jeung Pandanaran.[2]
Lumpia Gang Lombok
[édit | édit sumber]Lumpia Semarang anu kawentar jeung pangkolotna téh di Gang Lombok padeukeut pisan jeung Klenténg Tay Kak Sie Gang Lombok, salah sahiji kelenténg pangkolotna di Kota Semarang. [4] Ieu lumpia dijieun ku Tjoa Thay Yoe jeung Wasih, kiwari dituluykeun ku incuna, Siem Swie Kiem nu mangrupa generasi katilu Lumpia Gang Lombok. [4] Aya dua variasi lumpia nu dijual nyaéta lumpia basah jeung lumpia goréng. [4] Lumpia goréng dicampur jeung saladah, sambel has Semarang anu kentel jeung bawang nu seger kénéh. [4]Saupama Lumpiana dibungkus, wadah anu dipakéna nyaéta pipiti (anyaman awi) jeung sambelna dibungkus ku daun cau. [4] Sabésék téh eusina bisa kana 10 nepi ka 15 lumpia. [4]
Gizi
[édit | édit sumber]Ieu di handap dijétrékeun gizi lumpia.[5]
| Jumlah Per 100 g |
| Kalori (kcal) 153 |
| Jumlah Lemak 8 g | |
| Lemak jenuh 1,2 g | |
| Lemak teu jenuh ganda 4,6 g | |
| Lemak teu jenuh tunggal 1,8 g | |
| Lemak trans 0 g | |
| Koléstérol 1 mg | |
| Natrium 452 mg | |
| Kalium 412 mg | |
| Jumlah Karbohidrat 4,3 g | |
| Serat pangan 2,4 g | |
| Gula 0,8 g | |
| Protéin 16 g |
Vitamin
| Vitamin A | 0 IU | Vitamin C | 0 mg |
| Kalsium | 272 mg | Zat besi | 3,8 mg |
| Vitamin B6 | 0,5 mg | Vitamin B12 | 3,7 µg |
Rujukan
[édit | édit sumber]- ↑ a b c "Lumpia | Tionghoa Tradisi dan Budaya Tionghoa". www.tionghoa.info (dalam en-US). Diakses tanggal 2017-11-11.
- ↑ a b c d e f g h i j k "Sejarah Lumpia, Ada Cinta Dalam Setiap Potongnya | Seputar Semarang" (dalam bahasa en-US). Seputar Semarang. 2009-08-23. http://seputarsemarang.com/sejarah-lumpia-ada-cinta-dalam-setiap-potongnya/. Diakses pada 2017-11-10
- ↑ "Ini Bedanya Lunpia Semarang dan Lumpia Lainnya" (dalam bahasa en). detikfood. https://food.detik.com/info-kuliner/d-2838264/ini-bedanya-lunpia-semarang-dan-lumpia-lainnya. Diakses pada 2017-11-11
- ↑ a b c d e f g h i j "Lunpia Gang Lombok | Seputar Semarang" (dalam bahasa en-US). Seputar Semarang. 2011-05-03. http://seputarsemarang.com/lunpia-gang-lombok-10387. Diakses pada 2017-11-10
- ↑ "Isi Kandungan Gizi Lumpia - Komposisi Nutrisi Bahan Makanan". www.organisasi.org. Diakses tanggal 2017-11-10.