Rarangkén -ar-

Topik Kecap Rundayan dina Basa Sunda
Rarangkén hareup: N-, di-, ka-, pa-, pi-, barang-, silih-, ti- ba- ting- pada- si- sang- per- Rarangkén tengah: -ar-, -um-, -in-, Rarangkén tukang: -an, -eun, -keun, -na, Rarangkén barung: ka--an, pa--an, pang--keun, pi--eun, pika--eun, sa--eun,

Rarangkén -ar- mangrupa salah sahiji rarangkén tengah (en:infix) pikeun ngawangun kecap-kecap rundayan dina Basa Sunda. Sacara umum rarangkén -ar- nambahan harti 'loba' kana anu dituduhkeun ku kecap dasarna.

Salian ngarobah harti, rarangkén -ar- ngalaman parobahan sora (alomorf) jeung posisi jadi rarangkén hareup, gumantung kana sababaraha hal.

Rarangkén -ar-: parobahan sora (en:alomorf)

Robah jadi	nalika wangun dasarna...	Conto:
-al-	dimimitian ku l-	lieur + -ar- --> lalieur leuleus + -ar- --> laleuleus
	ditungtungan ku -r	bageur + -ar- --> balageur pinter + -ar- --> palinter
	mibanda konsonan gabung (kluster) anu aya sora r, saperti: br, tr, cr, kr, pr, jr, jeung dr.	kecrék + -ar- --> kalecrék gombrang + -ar- --> galombrang
ar-	dimimitian ku vokal	asup + -ar- --> arasup ulin + -ar- --> arulin
ra-	ngan saengang sarta dimimitian ku konsonan	cleng + -ar- --> racleng beng + -ar- ---> rabeng

Rarangkén -ar-: warna jeung harti kecap nu diwangunna

Warna kecap	Harti	Conto
barang	"loba ..." (upama wangun dasarna kecap barang)	barudak
pagawéan aktif	"loba nu ngalakukeun ..." (upama wangun dasarna kecap pagawéan)	daratang, baralik, arulin, dalahar, sararé, nyariwit, nyarium, nalaksir
sipat	"loba / terus-terusan dina kaayaan ..." (upama wangun dasarna kecap sipat)	nyareri, laleuleus, rarieut, baruruk, garoréng, garedé, parait