Rarangkén ka-

Topik Kecap Rundayan dina Basa Sunda
Rarangkén hareup: N-, di-, ka-, pa-, pi-, barang-, silih-, ti- ba- ting- pada- si- sang- per- Rarangkén tengah: -ar-, -um-, -in-, Rarangkén tukang: -an, -eun, -keun, -na, Rarangkén barung: ka--an, pa--an, pang--keun, pi--eun, pika--eun, sa--eun,

Rarangkén ka- mangrupa salah sahiji rarangkén hareup (en:afix) pikeun ngawangun kecap-kecap rundayan dina Basa Sunda. Sacara umum rarangkén ka- ngawangun wanda kecap barang, pagawéan pasif, sipat, jeung bilangan.

Rarangkén ka- teu ngalaman parobahan sora (en:alomorf) kawas rarangkén N- atawa -na.

Rarangkén ka-: warna jeung harti kecap nu diwangunna

Warna kecap	Harti	Conto
pagawéan pasif	“kakeunaan ku pagawéan di- ...”	kajojo, kagiridig
pagawéan pasif	“bisa di- ... -keun”	karasa, kagambar, kabayang
pagawéan pasif	“bisa di- ... ”	kabawa, kaangkut, kasawang, kairong
pagawéan pasif	“teu dihaja di- ... “	kagéléng, katincak, katoél, katubruk, kapacul
barang	“hal anu patali jeung ...”	kanyaho, kabisa, kamampuh, kasakit
barang	“hal anu dipi- ...”	kabogoh, kahayang, kaasih, kanyaah
sipat	“kakeunaan ku ...”	kapélét, kagendam, kaduyung
wilangan	“tahapan atawa bagian ...”	kahiji, kadua, katilu, kasapuluh