UNICEF

Ti Wikipédia Sunda, énsiklopédi bébas
Loncat ke navigasi Loncat ke pencarian
Nalika mimiti ngadeg, logo UNICEF masih kénéh ngagunakeun logo organisasi PBB (Pasarikatan Bangsa-Bansa)[1]. Di taun 1953, PBB ngabéwarakeun yén UNICEF mangrupakeun organisasi anu ngadeg sacara mandiri, sarta miboga program anu weuteuh. Kiwari, logo UNICEF mung ninggalikeun tulisan unicef anu ngagunakeun aksara leutik. Lian ti éta, aya gambar indung jeung budak di gigireunana[1].

UNICEF téh wancahan tina  United Nations Children's Fund[2]. Lamun ditarjamahkeun kana basa Sunda, UNICEF téh hartina waragad keur barudak ti Pasarikatan Bangsa-Bangsa (PBB)[2]. Dibandingkeun jeung program kamanusaan anu lain, waragad keur barudak téh mangrupa program anu panglobana. UNICEF ngadeg ping 11 Désémber 1946, kasang tukangna pikeun mantuan barudak di nagara Éropa, Tiongkok, jeung Timur Tengah anu kamusibahan lantaran perang[2]. Nalika mimiti ngadeg, udagan UNICEF pikeun mantuan barudak anu kamusibahan lantaran kaayaan nagarana darurat. Tapi, di taun 1953, éta udagan téh diropéa jadi leuwih lega pikeun mantuan sakabéh barudak anu cicing di nagara anu keur mekar[2].

UNICEF mititi datang ka Indonésia taun 1948[3], pikeun mantuan kasus kalaparan di Lombok[3]. Sataun ti éta kajadian, Indonésia sapuk pikeun gawé bareng jeung UNICEF sacara resmi[3]. Program mimitina nyaéta ngawangun dapur susu di Yogyakarta[3] (harita Yogyakarta mangrupakeun pusat pamaréntahan Indonesia)[3]. Di taun 1969, pamaréntah Indonesia mikeun program rencana pangwangunan mimitina pikeun lima taun[3].

Kagiatan[édit | édit sumber]

Di Indonésia, UNICEF miboga pancén dina widang kaséhatan barudak, atikan, gizi, cai jeung sanitasi, sarta kawijakan sosial anu aya patalina jeung barudak[2]. Aya sababaraha program gawé UNICEF di Indonésia, di antarana:

Struktur Organisasi[édit | édit sumber]

Sakabéh nagara anu kagabung jadi anggota UNICEF, kudu ngalaporkeun ngeunaan kaayaan barudak di nagarana séwang-séwangan[4]. Ieu laporan téh digunakeun ku UNICEF pikeun ngaévaluasi pasualan-pasualan anu keur disanghareupan[4]. Ku kituna, diperlukeun struktur organisasi anu puguh, sangkan sakabéh program anu direncanakeun laksana saluyu jeung udagan[4]. Kantor pusat UNICEF ayana di New York jeung di Tokyo[5]. Lain ti éta aya sababaraha kantor cabang di nagara anggota séwang-séwangan[5].

Badan Éksékutif[édit | édit sumber]

Badan éksékutif atawa the ececutif board mangrupakeun bagian tina UNICEF anu miboga pancén pikeun ngarojong pamaréntah jeung ngawas organisasi luyu jeung kaédah kawijakan majelis umum di PBB[4]. Lian ti éta, badan éksékutif ogé miboga pancén pikeun nyapukan kawijakan, program nagara, jeung anggaran[4]. Badan éksékutif diwangun ku 36 anggota, anu ngawakilan lima kelompok regional di nagara anggota PBB[4]. Nagara anggota dipilih langgung ku Déwan Ékonomi jeung Sosial PBB[4].

Biro Umum[édit | édit sumber]

Biro umum miboga pancén pikeun jadi cukang lantaran antara sekretaris UNICEF jeung kelompok regional pikeun nguruskeun administrasi jeung fungsional[4]. Lima anggota ti badan éksékutif mangrupakeun anggota biro umum[4].

Direktur Éksékutif[édit | édit sumber]

Direktur éksékutif miboga pancén pikeun pikeun ngayakeun sawala jeung badan éksékutif UNICEF, ngalaksanakeun program gawé, sarta nyieun kaputusan anu cocog[4].

Daftar Référénsi[édit | édit sumber]

  1. a b "Berita Internasional: Intip Perubahan Logo UNICEF dari Awal Berdiri hingga Saat Ini Ulang Tahun ke-73". KhikWai.com (dalam en-US). Diakses tanggal 2021-04-23. 
  2. a b c d e f g h i j "Pertanyaan umum". www.unicef.org (dalam Indonesian). Diakses tanggal 2021-04-23. 
  3. a b c d e f Info, Kumau. "Peran Dan Upaya UNICEF Indonesia". Kumau Info (dalam id-ID). Diakses tanggal 2021-04-23. 
  4. a b c d e f g h i j Bisnis, Lentera. "Struktur Organisasi UNICEF". Lentera Bisnis (dalam id-ID). Diakses tanggal 2021-04-23. 
  5. a b UNICEF.