Waregu

Ti Wikipédia Sunda, énsiklopédi bébas
Loncat ke navigasi Loncat ke pencarian
Palem Waregu
Rhapis humilis
Klasifikasi ilmiah
Karajaan: Plantae
(unranked): Angiosperms
(unranked): Monocots
(unranked): Commelinids
Order: Arecales
Kulawarga: Arecaceae
Subfamily: Coryphoideae
Tribe: Corypheae
Génus: Rhapis
L.f. ex Aiton

Waregu; Palem waregu nyaéta tutuwuhan hias/papaés anu bisa hirup dipiara di luar jeung jero rohangan.[1] Waregu asalna tina kulawarga : palmae (arecaceae) di Malaysia disebutna wuruk.[2] Bisa hirup kalawan subur di daérah 50-500 mdpl, mikaresep taneuh anu ngeprul kalawan mibanda ph 5-7 kalembaban hawa 50-80% suhu tibeurang 22°-33 °C di mana peuting 15°-29 °C, hujan 2000 mm/taun jeung intensitas cahaya 15-30%.[1]

Sajarah[édit | édit sumber]

Waregu atawa palem waregu, basa latin : Raphis excelsa asup ka nagara Jepang dina abad ka 17 asalna ti Cina, mangsa harita tangkal waregu dipelak jeung direkahkeun di lingkungan istana jeung kebon-kebon milik para inohong.[3] Taun 1800 tangkal waregu mibanda harga anu luhur, iéu ngarojong patani di Jepang pikeun ngabudidayakeun tangkal waregu, utamana pikeun variétas : zulkonishiki, zuiko-lutino, chhiyodazuru, jeung kotobuki.[3] Kiwari waregu geus nyebar ka nagara-nagara sub-tropika mimitina ti Indocina jeung Thailand nepi ka nagara Indonésia[2]

Ciri mandiri[édit | édit sumber]

Tangkal waregu mah kawas kawung tangkal ngorana disimbutan ku injuk, ngarungkun, jangkungna bisa leuwih ti 2 méter, tangkalna buleud lemes, bubukuan kawas hoé kelirna héjo aya ogé nu semu konéng.[2][4] daunna kawas kipas kasebut palmat anu diwangun ku 6-11 anak daun paranjang sarta maréncos ka tungtungnakeun.[2][4] Kembangna ngarantuy kawas mayang bijil na tina puhu cupat daun deukeut tangkal kelirna semu konéng, buahna aya anu buleud aya ogé anu lonyod kelirna konéng semu beureum[2].

Kagunaan[édit | édit sumber]

Waregu dipercaya bisa nyageurkeun rupa-rupa kasakit kayaning bareuh, baréd, nyeri beuteung anu ngabalukarkeun miceun waé, ngubaran raheut, jeung sajabana.[2] Geus leuwih ti 100 taun palem waregu (Rhapis excelsa) jeung palem-palem séjénna nyaéta pepelakan hias di jéro rohangan, ongkoh deui tangkal waregu mah henteu ogoan dina palebah miarana.[5] Tangkal waregu ogé nyaéta panyaring polusi hawa anu hadé sagigireun mapaésan rohangan ogé nguntungkeun pikeun kaséhatan hawa sabudeureuna.[6]

Ngarekahkeun tangkal waregu[édit | édit sumber]

Waregu bisa direkahkeun ku cara vegetative jeung generative, hanjakal di urang mah tangkal waregu téh hésé kembangan jadi ngarekahkeun maké cara vegetative ku jalan nyapih anakna tina tangkal ingungna.[1]

Ngarekahkeun ku jalan generative[édit | édit sumber]

ku jalan melakeun siki buah waregu, ngan lila pisan waktuna sikina anu dipelakeun kakarék bijil sirung dina waktu 3 bulan di mana geus daunan perlu tilu taun lilana pikeun tangkal waregu hayang jadi jangkung saméter, binih waregu saméméhna dikeueum heula sapoé sapeuting dina cai fungisida jeung zat pertumbuhan séjénna tuluy disimpen ditempat anu poék salila 4-8 minggu, kakara dipindahkeun kana média tanam anu geus disayagikeun saméméhna tuluy ditunda dina tempat anu caang tapi kaiuhan nepi ka sirungan tur mibanda daun tilu lambar kakara dirintahkeun.[1]

Ngarekahkeun ku jalan végétatif[édit | édit sumber]

Saméméhna kudu nyadiakeun heula bibit tangkal waregu piindungeun anu séhat tur subur, puguh varietasna, kaayaana keur meujeuhna ngemploh jangkungna 30–80 cm tur mibanda sirung pianakeun anu geus nongtot sakurang-kurangna 2 siki, tangkal piindungeun ulah kolot teuing tapi kudu masih ngora sangkan loba sirung pianakeun anu engkéna baris dirintahkeun.[1]

Dicutat tina[édit | édit sumber]

  1. a b c d e "Perbanyakan benih Palem Waregu (Raphis excelsa)". Arif Meftah Hidayat. Diakses tanggal 2017-04-29. 
  2. a b c d e f "Tanaman hiasan: khasiat makanan & ubatan". Hean Chooi Ong. Diakses tanggal 2017-04-29. 
  3. a b "Trubus Variegata 628 Jenis Spektakuler 700 Foto". Niaga Swadaya, 2008. Diakses tanggal 2017-04-29. 
  4. a b "Taman hias ruangan: mengenal dan merawat". AS. Sudarmono. Diakses tanggal 2017-04-29. 
  5. "Terampil Berkreasi". PT Grafindo Media Pratama. Diakses tanggal 2017-04-29. 
  6. "Tanaman hias pun menguntungkan kesehatan". beritagar.id. Diakses tanggal 2017-04-2. 

Tutumbu kaluar[édit | édit sumber]

  1. (id)Waregu pikeun terapi
  2. (id)Pepelakan hias jero rohangan
  3. (id)Binangkit miara kembang
Wikimedia Commons logo
Wikimedia Commons mibanda média séjénna ngeunaan


Nulis.jpg