Agum Gumelar

Ti Wikipédia, énsiklopédia bébas
Luncat ka: pituduh, sungsi
Agum Gumelar

Agum Gumelar nya éta mantan Menteri Perhubungan dina Kabinet Gotong Royong (2001-2004).[1] Lahir di Tasikmalaya, Jawa Barat dina tanggal 17 Desember 1945.[1] Saméméh jadi Menteri Perhubungan, Agung kungsi jadi Menteri Koordinator Politik, Sosial dan Keamanan Kabinet Persatuan Nasional (2001), Menteri Perhubungan dan Telekomunikasi Kabinet Persatuan Nasional (1999-2003).[1] Lulusan taun 1969 ti Akademi Militer Nasional Magelang ieu ogé kungsi jadi Ketua Umum PSSI ti taun 1999-2003.[1]
Agung nyuprih élmu ti SD nepi ka SMA di Bandung, sanggeus lulus kungsi kuliah di Fakultas Kedokteran Universitas Padjadjaran salila sataun.[2] Tuluy asup ka Akademi Militer Nasional (AMN) di Magelang taun 1968.[2] Agum ogé lulusan ti Sekolah Staf dan Komando TNI Angkatan Darat (Seskoad) taun 1985, Sesko ABRI taun 1991, sarta kungsi meunangkeun gelar Master of Science (MSc) dina widang manajemen ti American University dina taun 1998.[2]
Sapanjang karirna di dunya militér, Agum kungsi jadi Staf Kopkamtib dan Bakin (1973-1976). Agum milu dina operasi panumpesan barontakna PGRS/Paraku di Kalimantan Barat, Operasi Seroja di Timor Timur, jeung Operasi Penumpasan GPK di Acéh sarta Irian Jaya.[2]
Salian ti éta, Agung kungsi nyangking kalungguhan jadi Wakil Asinten Kopassus (1987-1988), Asisten Intelijen Kopassus (1988-1990), Asisten Intelijen I Kasdam Jaya (1991-1992), Komandan Korem 043/Garuda Hitam Lampung (1992-1993), Direktur A Badan Intelijen dan Strategis (Bais) ABRI (1993-1994), Komandan Kopassus ka-13 (1993-1994), Kepala Staf Kodam I Bukit Barisan (1994-1996), staf ahli Panglima ABRI bidang Polkam (1996), Panglima Kodam VII Wirabuana (Agustus 1996-1998), jeung Gubernur Lemhannas (1998). Agum pangsiun tanggal 10 November 2000 kalawan pangkat pamungkasna nya éta jenderal kehormatan. [2]
Dina Pilkada Gubernur Jawa Barat taun 2008, Agum maju nyalonkeun diri jeung Nu'man Abdul Hakim (Wakil Gubernur Jawa Barat 2003 – 2008).[1] Dina Pilpres 2004, Agum dicalonkeun ku PPP salaku calon wakil presiden sarta Hamzah Haz salaku calon presiden, di puteran kahiji, éta pasangan meunang 3,01% tina total jumlah sora.[2] Agum ogé nyalonkeun diri dina Pilkada DKI 2007.[2] Agum kungsi nyangking kalungguhan jadi Honorary Chairman Media Nusantara Citra.[2] Taun 2011, Agum Gumelar dipercaya ku FIFA jadi Ketua Komite Normalisiasi.[2]



Referensi[édit | sunting sumber]

  1. a b c d e Agum Gumelar (Diakses tanggal 12 Nopember 2011) (id)
  2. a b c d e f g h i Profil Agum Gumelar (Diakses tanggal 12 Nopember 2011) (id)


Replace this image male.svg