Soto Kediri
Soto Kediri nyaéta kadaharan wujudna soto anu mibanda ciri mandiri ti Kota Kediri, Jawa Timur.[1] Eusina jeung bahan dasarna méh sarua jeung soto Kudus atawa soto séjéna, pédah baé kuahna dijieun tina cipati tur rasana leuwih gurih.[2] Taya lian daging hayam, bihun, engkol jeung bungbu-bungbu.[3] [4] Aya ogé nu ngabédakeun soto Kediri jeung soto séjéna, taya lian ti bungbuna.[2] Kayaning bawang beureum jeung bawang bodas, muncang, pedes, uyah, jahé jeung sajabana.[3][5]Baheula Soto ieu loba dijual di daérah terminal Tamanan, Mojoroto, Kota Kediri, ku alatan dijual di ieu daérah ti saprak taun 1969, ieu soto katelah ogé soto tamanan.[2] Kiwari soto kediri geus loba dijual di luar daérah asalna, tur kaasup tina bagéan budaya kulinér Indonesia.[2][3]
Bahan-bahan
[édit | édit sumber]Bungbu nu diréndos
[édit | édit sumber]- Bawang beureum 10 siki
- Bawang bodas 4 siki
- Muncang 3 siki disangray
- Jahé 4 sabuku, dibeuleum
- Konéng 4 sabuku dibeuleum
- Cikur sa buku
- Pedes saséndok
- Uyah saperluna
- Laja 2 buku, dipékprék
- Séréh
- Daun salam 3 lambar
- Daun jeruk lémo 5 lambar
Bahan tambahan
[édit | édit sumber]- Bihun 50 gr, tinyuh ku cai panas tuluy tuhurkeun
- Endog 4 siki dikulub
- Bawang daun, siksikan
- Salédri, siksikan
- Bawang goréng
Cara nyieun
[édit | édit sumber]- Kulub heula hayam, jait tuluy tuhurkueun, teukteukan dagingna sagedé-gedé tungtung curuk
- Goréng bungbu beunang ngaréndos nepi ka seungit
- Abruskeun bungbu beunang ngagoréng kana cai panguluban hayam, kocékeun nepika rata bari digolakeun
- Soto geus siap atawa sayagi, wadahan bihun kana mangkok tuluy tinyuh ku kuah soto.[5]
Tutumbu kaluar
[édit | édit sumber]- Resep membuat soto Jepara
- Resep cara membuat soto Jepara yang enak Archived 2016-09-15 di Wayback Machine
- Resep soto Jepara Archived 2016-09-16 di Wayback Machine
Tinggali ogé
[édit | édit sumber]Dicutat tina
[édit | édit sumber]- ↑ A., Yuyun (2008). Panduan Wirausaha Soto Nusantara. Jakarta: Agro Media. pp. 18–20. ISBN 9789790061873.
- ↑ a b c d Sutomo, Budi (2010). Kumpulan Resep Soto & Sup Mak Nyuss. Jakarta: DeMedia. pp. 18–20. ISBN 9789790820111.
- ↑ a b c "Soto khas jepara". Masakandapurku. 2016-01-01. Diakses tanggal 2017-10-14.
- ↑ "Resep Cara Membuat Soto Jepara Khas Jawa Tengah Yang Enak". Masakandapurku. 2017-01-01. Diakses tanggal 2017-11-04. Archived 2016-09-15 di Wayback Machine
- ↑ a b Dewi Asih, Arum, (2015). Koleksi Resep Soto & Sup Nusantara. Jakarta: Kawan Pustaka. ISBN 9789797575878.
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |