Buah (manuk)

Ti Wikipédia Sunda, énsiklopédi bébas
Loncat ke navigasi Loncat ke pencarian
Buah (Kekep Babi)
Status konservasi
Klasifikasi ilmiah
Karajaan: Animalia
Filum: Chordata
Kelas: Aves
Order: Passeriformes
Kulawarga: Artamidae
Génus: Artamus
Spésiés: A. leucorynchus
Ngaran binomial
Artamus leucorynchus
Linnaeus, 1771

Buah; Manuk Buah; basa Indonésia Kekep babi (basa Latin : Artamus leucorhynhus) nyaéta spesies manuk nu asalna tina kulawarga Artamidae, genus Artamus.[1][2] Kagolongkeun kana manuk nu sok ngakan gegeremet (serangga) kayaning simeut, kukupu, légé, jeung sajabana.[2] Kabiasan hirupna aya di sabudeureun sawah, kebon, tegal, sisi leuweung jeung huma.[2]

Ciri mandiri[édit | édit sumber]

Pangawakan kawilang leutik, panjang tina buntut nepi ka pamatukna kurang leuwih 18 cm, kelir buluna hawuk jeung bodas.[3] Bulu dina hulu, gado, tonggong jeung buntut, kelirna semu hawuk, ari bulu palebah tungir sarta harigu kelirna bodas.[3] Cékérna ogé hawuk, sok katempo eunteup sarta cindeten dina tanggal nu garing, kabel nu ngagateng, tihang lisrik, jeung sajabana.[3]

Pamatukna gedé mibanda kelir semu bulao, tungtung buntutna masagi, mun pareng keur hiber jang-jangna katempo segitilu.[3] Ngendog dina bulan April nepi ka Agustus, Kelir endogna gading (cream), totol-totol ku kelir kopi, sakali ngendog bijil 2-3 endog.[3]

Sayangna diperenahkeun dina cagak tangkal sakapeung ogé kapanggih nyayang dina tihang listrik atawa telepon, nu dijeun tina regang gararing, jukut, akar-akar laleutik, sarta naon baé nu bisa dipaké.[3]

Galeri[édit | édit sumber]


Nulis.jpg



Dicutat tina[édit | édit sumber]

  1. Nirwono, Joga; Iwan ismaun, Endra Saleh (2019), Trans Jawa: Merajut Keberagaman Lansekap, Gramedia pustaka utama, ISBN 9786020621203 
  2. a b c Ayat, Asep; Ani Mardiastuti (2011), Burung-burung Agroforest di Sumatera, World Agroforestry Centre, ISBN 9789793198606 
  3. a b c d e f Rury, Eprilurahman; Hastin Ambar Asti, Suwarno Hadisusanto, Donan Satria Yudha, Trijoko, Ratna Sari Ramadani, FX. Sugiyo Pranoto, Iman Akbar Muhtianda (2018), KEKAYAAN FAUNA GIANYAR, BALI: Udang, Ikan, Amfibi, Reptil, Burung dan Mamalia, UGM PRESS, ISBN 9786023862726