Campursari

Ti Wikipédia, énsiklopédia bébas
Luncat ka: pituduh, sungsi

Campursari nyaéta salah sahiji istilah pikeun némbongkeun adu manis sora atawa nada tina waditra-waditra tradisional jeung instrumén-instrumén musik modéren ti Kulon, kalawan jalinan-jalinan nada anu harmonis, kawas rebab dikombinasikan jeung piano, biola dipidangkeun jeung kacapi, gitar kalawan suling (tarling). Ilaharna nyampurkeun gamelan pentatonis jeung diatonis. Musik ieu kawentar di Jawa Tengah oge Jakarta. Upami di daerah Sunda aya campursari gaya Bandung. Didi Kempot salah sahiji vokalis campursari di Solo, Doel Sumbang di Bandung.

Alat[édit | édit sumber]

Alat musik campursari mangrupa saparangkat gamelan jeung saparangkat orkes. Gamelanna biasana maké laras saléndro. Jenis instrumenna nyaéta kendang Sunda atawa kendang Jawa, goong, kempul, saron, kenong, demung, rebab atawa biola, bonang, sareng gambang. Instrumen orkésna, gitar bass, gitar melodi, tarompet, drum, bongo, kecrek, suling, jeung organ.

Lagu[édit | édit sumber]

Lagu-lagu campursari biasana model langgam. Lagu "Kalangkang" salah sahiji lagu campursari Sunda, lagu "Sewu Kuta" campursari Jawa. Lagu-lagu campursari biasa oge dihaleuangkeun dina pagelaran wayang.

Pintonan[édit | édit sumber]

Campursari biasana dipintonkeun di luhur panggung anu ditanggap dina hajatan, hajat ngawinkeun, kariaan sunatan, perayaan, kampanye, jeung lain sajabana.

Campursari dumasar wewengkon[édit | édit sumber]

Campur sari di Sunda[édit | édit sumber]

Harti séjén ti campur sari nyaéta adu manisna waditra-waditra Sunda tina sagala rupa kelompok, contona kelompok gamelan jeung kelompok kacapi, rebana jeung rebab, degung jeung angklung, jste. Panembang campur sari Sunda diantarana:

Campur sari di Jawa[édit | édit sumber]

Campursari di Jawa mangrupa salasahiji pintonan midangkeun lagu Jawa nu mangrupa campuran gamelan Jawa jeung alat musik modéren. Panembang campur sari nu kasohor di Jawa diantarana:

Rujukan[édit | édit sumber]

  • Ensiklopedi Sunda: Alam, Manusa, Budaya (Rosidi, dkk: 2000)


Nuvola apps juk.png