Kabupatén Magelang

Pikeun artikel kota nu ngaranna sarua, tempo Kota Magelang.

Kabupatén Magelang

Lambang Kabupatén Magelang
{{{foto}}} {{{caption}}}
Peta lokasi Kabupatén Magelang
Motto	-
Propinsi	Jawa Tengah
Ibukota	Mungkid
Lega Wilayah	1.085,73 km²
Kordinat	-
Pangeusi  · Jumlah  · Kapadetan	1.144.000 (2003) 1.054 jiwa/km²
Administratif  · Kacamatan  · Désa/kal	21 -
Dasar hukum	UU No. 13/1950
Tanggal	-
Bupati	-
{{{kapala daerah1}}}	{{{nami kapala daerah1}}}
Kode aréa	0293
DAU	Rp. 329.065.000.000
Ramatloka: -

Kabupatén Magelang nyaéta salah sahiji kabupatén di Propinsi Jawa Tengah. Ibu kotana nyaéta Mungkid. Kabupatén ieu wawatesan jeung Kabupatén Temanggung di béh kalér, Kabupatén Semarang jeung Kabupatén Boyolali di beulah wétan, Daérah Istimvwa Yogyakarta di beulah kidul, sarta Kabupatén Wonosobo jeung Kabupatén Purworejo di beulah kulon.

Candi Borobudur, hiji mahakarya paninggalan Dinasti Sailéndra nu ayeuna jadi kareueus Indonésia, aya di wilayah Kabupatén Magelang.

Géografi

Magelang aya di léngkob sajumlah pagunungan. Beulah wétan (wawatesan jeung Kabupatén Boyolali aya Gunung Merbabu (3.141 méter) jeung Gunung Merapi (2.911 m). Beulah kulon (wawatesan jeung Kabupatén Temanggung sarta Kabupatén Wonosobo) aya Gunung Sumbing (3.371 m). Di beulah kulon kidul aya Bukit Menoréh. Di beulah tengah ngalir Kali Progo sarta anak walungannana nuju ka kidul.

Babagéan administratif

Kabupatén Magelang kawengku ku 21 kacamatan, nu kabagi deui kana sajumlah désa jeung kalurahan. Pusat pamaréntahan aya di Kacamatan Magelang.

Transportasi

Magelang aya di jalur stratégis nu ngahubungkeun dua ibu kota propinsi: Semarang - Yogyakarta. Mungkid, ibu kota kabupatén ieu, aya kurang leuwih 10 km kiduleun Kota Magelang. Mungkid baheulana mangrupa kota kacamatan nu satuluyna dikembangkeun jadi ibu kota anyar kabupatén ieu, ngagantikeun Kota Magelang. Secang mangrupa pasimpangan jalan nagara Semarang-Yogyakarta jeung jalan propinsi nu nuju ka Banyumas.

Magelang baheulana diliwatan ku jalur kareta api nu ngahubungkeun Semarang-Yogyakarta, malahan mangrupa salah sahiji jalur kareta api pangkahotna di Indonésia. Tapi ti saprak bituna Gunung Merapi, jalur ieu ruksak tur teu dipigunakeun deui.

Pariwisata

• Candi Borobudur, mangrupa obyék wisata andelan propinsi Jawa Tengah, nu ayeuna meunang perlindungan ti UNESCO. Sejaba ti Borobudur, aya sajumlah candi Buda di antarana Candi Mendut jeung Candi Pawon.
• Lian ti Candi, Magelang ogé mibanda obyék wisata alam nu kacida éndahna, di antarana wewengkon wisata Kopéng, Gardu Pandang Ketep, Curug Silawé, jeung curug Sekar Langit. Sajaba ti éta, Kali Progo jeung Kali Elo ogé sering digunakeun keur wisata arung jeram.

Rupa-rupa

• Kadaharan has Magelang di antarana getuk Trio, wajit Salaman, wajik Ny. Week, peuyeum ketan Muntilan, jeung salak nglumut Magelang'.

Tumbu Luar

• Ramatloka Resmi