Wikipedia:Keur lumangsung/Jawa Kulon/Juli 2007

Warta

25 Juli 2007 (Rebo) Bupati Garut Agus Supriadi ditetepkeun jadi tersangka dina kasus dugaan korupsi APBD 2004-2007. (PR) Dina perkara dikaniaya nepi ka maotna tukang ojég ku praja IPDN, pihak Polres Sumedang ngembarkeun, yen tina katerangan saksi-saksi praja IPDN nu aya dina jero lift, euweuh katerangan ka pulisi nu nyebutkeun yen geus kajadian ayana pelécéhan séksual. (PR) Dalapan urang tahanan Polres Kabupatén Bekasi usaha pikeun kabur tina selna nu aya di lantai 3. Saurang hasil ditewak deui, sedengkeun tujuh urang lianna luput tina udagan aparat. (PR)  23 Juli 2007 (Senén) Opat urang siswa SMP jeung madrasah tsanawiah Kacamatan Warungkiara, Kabupatén Sukabumi, titeuleum nalika keur ngarojay di Walungan Cicatih. Dua di antarana leungit sedengkeun dua lianna katulungan ku warga. (PR)  22 Juli 2007 (Minggu) Aksi démo 50 urang mahasiswa KAMMI nu nungtut diberantasna korupsi buntutna paciweuh, 3 mahasiswa taratu sarta saurang wartawan kabalédog ku botol (detik)  19 Juli 2007 (Kemis) Bangberokan nu warnana beureum ngaramekeun Féstival Ujungberung, nyusud sisi jalan nu pinuh ku panongton. (PR)  18 Juli 2007 (Rebo) Saurang tiwas sarta lima urang lianna tatu parna balukar tina tabrakan beruntun antara beus Medal Jaya jurusan Sukabumi-Dépok nomer pulisi F 7769 SB, angkutan kota (angkot) D02 nopul B 1044 UM, mobil APV nopul B 8119 UG, sarta dua sapéda motor (PR)  17 Juli 2007 (Salasa) Kompleks pakantoran Pemkab Garut, ti isuk mula, dicicingan ku massa nu nungtut Bupati Garut Agus Supriadi pikeun mundur tina jabatannana paling telat dina waktu dua poe. (PR)