Anatomi

Ti Wikipédia, énsiklopédia bébas
Luncat ka: pituduh, sungsi
Gambar anatomis otot manusa na Encyclopédie.

Anatomi (tina basa Yunani anatome, tina ana-temnein, nyiksik), nyaéta cabang biologi nu ngurus struktur jeung organisasi mahluk hirup; sahingga aya anatomi sato (zootomi) jeung anatomi tangkal (fitonomi). Cabang utama anatomi nyaéta anatomi komparatif jeung anatomi manusa.

Anatomi sato bisa ngawengku ulikan struktur sato-sato nu béda mun disebut anatomi komparatif atawa morfologi sato. Mun diwates ukur hiji sato, disebutna anatomi husus.

Tina jihat mangpaat, ulikan ngeunaan manusa ngarupakeun bagéan nu pangpentingna dina anatomi husus, sarta anatomi manusa ieu bisa ditilik tina jihat nu béda-béda ogé. Tina jihat médis, ieu ngawengku pangaweruh ngeunaan wujud sabenerna, posisi, ukuran, jeung hubungan antara rupa-rupa struktur awak manusa dina kasehatan. Sarta pikeun ulikan ieu kaluar istilah anatomi deskriptif atawa topografis, najan mindeng oge disebut salaku antropotomi.

Sangkan meunangkeun pangaweruh nu tepat sacara rinci ngeunaan awak manusa, butuh waktu panenget mangtaun-taun nu pinuh kasabaran nu ngan bisa dipigawé ku saeutik jalma. Kacida ruwetna awak manusa mah sahingga ngan ukur saeutikan anatomis manusa profésional nu bisa ngawasa sakabéh detilna sacara gembleng, tur kalolobaanana jadi spésialis dina bagéan-bagéan husus, kayaning utek, jeroan, jeung lian-liana; bari jeung maranéhna loba nu ngarti ogé kana bagéan liana. Anatomi topografis kudu diulik ku unggal jalma éta ku cara sababaraha kali ngabedah katut mariksa awak manusa paéh.

Tina jihat morfologis, anatomi manusa ngarupakeun ulikan nu ilmiah tur matak pogot, sabab tujuanna nu hayang nyingkabkeun sasakala struktur tangtungan jelema, tur ngabutuhkeun hiji pangaweruh tina gabungan mangrupa-rupa élmu émbriologi atawa biologi kamekaran, filogeni, katut histologi.

Artikel nu patali[édit | sunting sumber]

Tumbu kaluar[édit | sunting sumber]

Subwidang umum dina biologi
Anatomi | Astrobiologi | Biokimia | Bioinformatik | Botani | Biologi sél | Ékologi | Biologi évolusionér | Genetik | Genomik | Biologi laut | Biologi manusa | Mikrobiologi | Biologi molekular | Asal-usul hirup | Paléontologi | Parasitologi | Fisiologi | Taksonomi | Zologi