Adam Malik
| H. Adam Malik Batubara | |
|---|---|
| |
| Wakil Présidén Indonésia ka-3 | |
| Masa jabatan 23 Maret 1978 – 11 Maret 1983 | |
| Présidén | Suharto |
| Saméméhna | Hamengkubuwono IX |
| Sanggeusna | Umar Wirahadikusumah |
| Ketua Déwan Pangwakil Rahayat ka-7 | |
| Masa jabatan 1977 – 1978 | |
| Présidén | Suharto |
| Saméméhna | Idham Chalid |
| Sanggeusna | Daryatmo |
| Menteri Luar Negeri Républik Indonésia ka-11 | |
| Masa jabatan 28 Maret 1966 – 23 Maret 1978 | |
| Présidén | Sukarno Suharto |
| Saméméhna | Subandrio |
| Sanggeusna | Mochtar Kusumaatmadja |
| Menteri Perdagangan Républik Indonésia ka-15 | |
| Masa jabatan 13 Nopémber 1963 – 27 Agustus 1964 | |
| Présidén | Sukarno |
| Saméméhna | Suharto |
| Sanggeusna | Achmad Yusuf |
| Wakil Ketua III Komite Nasional Indonésia Pusat | |
| Masa jabatan 29 Agustus 1945 – Pébruari 1950 | |
| Présidén | Sukarno |
| Ketua KNIP | Kasman Singodimedjo |
| Katerangan lian | |
| Gumelar | 22 Juli 1917 Pematangsiantar, Sumatera Utara, Hindia Belanda
|
| Pupus | 5 Séptémber 1984 (yuswa 67) Bandung, Jawa Barat, Indonesia
|
| Kabangsaan | Indonésia
|
| Partéy pulitik | Golongan Karya |
| Pameget/istri | Nelly Malik |
| Murangkalih | Otto Malik Ilham Malik Antarini Malik |
| Ageman | Islam |
| Tanda tangan | 
|
Adam Malik Batubara (leuwih dipikawanoh ku ngaran leutikna Adam Malik; gumelar di Pematangsiantar, Sumatera Kalér, 22 Juli 1917 – tilar dunya di Bandung, Jawa Kulon, 5 Séptémber 1984 dina umur 67 taun)[1][2] nyaéta urut Menteri Indonésia anu pernah ngajabat di sababaraha Departemén, di antarana jadi Menteri Luar Negeri.[1] Adam Malik ogé pernah diangkat jadi Wakil Présidén Indonésia anu katilu.[1] Adam Malik ditetepkeun minangka salah saurang Pahlawan Nasional Indonésia dina tanggal 6 Nopémber 1998 dumasar kana SK Présidén nomer 107/TK/1998.[3]
Kahirupan Rumaja
[édit | édit sumber]Nalika umurna karak welasan taun, Adam pernah dibui ku pulisi Dinas Intél Pulitik di Sipirok taun 1934 jeung dihukum dua bulan penjara ku sabab ngalanggar larangan pakumpulan.[2] Dina umur 17 taun anjeunna geus jadi pupuhu Partindo di Pematangsiantar pikeun aktip merjoangkeun kamerdikaan bangsa.[2]
Dina umur 20 taun, Adam jadi salah saurang pangbaladah ngadegna kantor berita Antara anu kantorna di Jalan Pinangsia 38, Jakarta Kota.[2] Ku modal hiji méja tulis kolot, hiji mesin tik kolot, jeung hiji mesin ronéo kolot ngédarkeun berita ka sawatara surat kabar nasional. Saméméhna, anjeunna geus mindeng nulis di koran Pelita Andalas jeung Majalah Partindo.[2]
Di zaman Jepang, Adam aktif ngagerilya barengan gerakan pamuda dina merjoangkeun kamerdikaan.[2] Ngawakilan kelompok pamuda, Adam minangka pamingpin Komite Van Aksi, kapilih jadi Pupuhu III Komite Nasional Indonésia Pusat (KNIP) périodeu 1945-1947 anu tugasna nyiapkeun susunan pamaréntahan. Lian ti éta, Adam Malik nyaéta pangadeg tur anggota Partéy Rahayat, pangadeg Partéy Murba, jeung anggota parlemen.[2]
Karir di Pamaréntahan
[édit | édit sumber]Taun 50-an katompérnakeun, Adam Malik aktif di pamaréntahan jadu duta besar luar biasa jeung ngawasa sagemblengna pikeun Uni Soviet jeung Polandia.[2] ku sabab kamampuan diplomasina, anjeunna jadi pupuhu Delegasi Indonésia dina parundingan Indonésia-Walanda, pikeun masrahkeun Irian Kulon. Sanggeus kitu anjeunna ngajabat minangka Menteri Koordinator Pelaksana Ekonomi Terpimpin taun 1965.[2]
Nalika kajadian gantina rezim pamaréntahan Orde Lila, dina taun 1966 Adam ngundurkeun diri tina Partéy Murba.[2] Opat taun saterusna anjeunna ngahiji jeung Golongan Karya (Golkar).[2] Ti taun 1966-1977 anjeunna ngajabat minangka Wakil Perdana Menteri II/Menteri Luar Negeri (ad interim), jeung Menteri Luar Negeri.[2] Minangka Menteri Luar Negeri dina pamaréntahan Orde Anyar, Adam Malik jadi wakil dina sawatara parundingan jeung nagara-nagara lian kawengku rescheduling (ngajadwal deui) hutang Indonésia dina mangsa Orde Lila.[2]
Babarengan Menteri Luar Negeri nagara-nagara Asia, Adam Malik jadi salah saurang inohong pikeun ngadegna ASEAN taun 1967.[2] Anjeunna dipercaya jadi Pupuhu Sidang Majelis Umum PBB ka-26 di New York.[2] Taun 1977, anjeunna kapilih jadi Pupuhu DPR/MPR.[2] Tilu bulan saterusna, dina Sidang Umum MPR dina bulan Maret taun 1978 kapilih jadi Wakil Présidén Indonésia anu katilu.[2]
Rujukan
[édit | édit sumber]- ↑ a b c profil. merdeka.com. 2014. Profil Adam Malik. Merdeka: Profil Index.
- ↑ a b c d e f g h i j k l m n o p q pnri.go.id. 2014. Detail Kabinet Menteri. Jakarta: PNRI[tumbu nonaktif].
- ↑ Kementerian Sosial Republik Indonesia, 2014. Daftar Nama Pahlawan Nasional Republik Indonesia Archived 2016-08-11 di Wayback Machine, disorang 30 Désémber 2014.