AsiaSat

Ti Wikipédia, énsiklopédia bébas
Jump to navigation Jump to search
Asia Satellite Telecommunications Co. Ltd.
Rupa Publik
Industri Satelit Komunikasi
Ngadeg 1988
Markas Bandéra Hong Kong Hong Kong
Jalmi penting Andrew Jordan (Présidén Diréktur & CEO)
Ramatloka www.asiasat.com

Asia Satellite Telecommunications Co. Ltd. (ilaharna disebut AsiaSat, SEHK: 1135) nyaéta pausahaan operator komérsial satelit komunikasi.[1] AsiaSat kantor puseurna di Hong Kong kalayan dua anu mibanda saham utama nyaéta CITIC jeung Carlyle Asia Partners IV, L.P. .[1] Kiwari AsiaSat mibanda 6 satelit di orbit sarta baris ngapungkeun AsiaSat 9 kira-kira panungtungan taun 2017.[1]

Sajarah[édit | édit sumber]

Hong Kong jam 9:30 peuting tanggal 7 April 1990, satelit AsiaSat munggaran (AsiaSat 1) suksés diapungkeun ku rokét Long March 3 ti Xichang, China.[2] Satelit ieu mimitina salaku Westar VI nu dirancang sarta diwangun ku Hughes Aircraft Company.[2] Westar VI diapungkeun taun 1984, tapi sanggeus dileupaskeun ka rohang jomantara ku pasawat ulang-alik, bagéan panyurung ahir pasawat ulang-alik gagal ngangkat satelit kana orbit géostasionér.[2] Sataun ti harita misi husus anteur-papag satelit nu teu kapaké dicokot sarta dibalikeun deui ka produsén.[2]

Satelit Westar VI kapanggih dina kaayaan masih kénéh alus sarta sagemblengna masih mampuh ngalakukeun sakabéh tugas komunikasi sakumaha anu geus dirancang, dibeuli ku AsiaSat sarta ngontrak Hughes pikeun ngaronjatkeun kamampuh ngawengku kawasan Asia.[2] Satelit Westar VI diganti ngaranna jadi AsiaSat 1.[2]

Tanggal 23 Januari 1989, kontrak pikeun ngapungkeun AsiaSat 1 ku rokét Long March 3 ditéken kalayan China Great Wall Industry Corporation.[2] Ngan ukur mangsa 14 bulan, China Great Wall Industry Corporation suksés neundeun satelit AsiaSat 1 kana orbit nu geus ditangtukeun.[2] Ngapungkeun satelit AsiaSat 1 mibanda implikasi sajarah sarta mangrupa salah sahiji proyék télékomunikasi pohara ambisius nu dipigawé ku pausahaan Hong Kong mangsa harita.[2]

Dina bulan Désémber 2013, AsiaSat nugaskeun AsiaSat 9 anu diwangun ku Space Systems/Loral,[3] awal niatna diapungkeun dina kuartal kadua taun 2017 pikeun ngagantikeun AsiaSat 4 di 122° Wétan.[3] Dina awal taun 2015, AsiaSat ngabéwarakeun panghasilanna turun salapan persén, sarta turun 27 persén dina kontrak, dumasar ka layanan régional komunikasi satelit di wilayah Asia nu dilayanannana.[3] Harita, AsiaSat mibanda opat satelit komunikasi nu geus operasi sarta anyar ngapungkeun dua satelit deui nyaéta AsiaSat 6 jeung AsiaSat 8 nu geus nambahan 22 persén kapasitas bandwidth tambahan.[3]

Sajarah ngapungkeun sarta rancana ka hareup[édit | édit sumber]

Ieu daptar satelit-sateli AsiaSat.

Satelit-sateli AsiaSat
Satelit Tanggal Diapungkeun
(UTC)
Rokét Tempat diapungkeun Kontraktor Longitud Stateus Catetan Kat.
AsiaSat 1 7 April 1990 Cina Long March 3 Cina Xichang LC-3 Cina CASC Teu aktip Diapungkeun minangka Westar 6 dina misi Pasawat Ulang-Alik STS-41B, ka lauar ti orbit, dicokot deui ku misi Pasawat Ulang-Alik STS-51A bulan Nopémber 1984, dijual ka AsiaSat.
AsiaSat 2 28 Nopémber 1995 Cina Long March 2E Cina Xichang LC-2 Cina CASC 100.5° Wétan Teu aktip
AsiaSat 3 24 Désémber 1997 Rusia Proton-K / DM-2M Kazakhstan Baikonur Site 81/23 Rusia Amérika Sarikat ILS 105.5° Wétan (atawa)
158° Kulon (1998)
62° Kulon (1999-2002)
Teu aktip Dipindahkeun ka Hughes Global Services
AsiaSat 3S 21 Maret 1999 Rusia Proton-K / DM-2M Kazakhstan Baikonur Site 81/23 Rusia Amérika Sarikat ILS 105.5° Wétan Keur aktip ngalayanan Ngaganti AsiaSat 1 bulan Méi 1999. [4]
AsiaSat 4 12 April 2003 Amérika Sarikat Atlas IIIB Amérika Sarikat Cape Canaveral LC-36B Rusia Amérika Sarikat ILS 122° Wétan Keur aktip ngalayan [5]
AsiaSat 5 11 Agustus 2009 Rusia Proton-M / Briz-M Kazakhstan Baikonur Site 200/39 Rusia Amérika Sarikat ILS 100.5° Wétan Keur aktip ngalayanan Pikeun ngaganti satelit AsiaSat 2 [6]
AsiaSat 6 7 Séptémber 2014 Amérika Sarikat Falcon 9 v1.1 Amérika Sarikat Cape Canaveral SLC-40 Amérika Sarikat SpaceX 120° Wétan Keur aktip ngalayanan [7]
AsiaSat 7 25 Nopémber 2011 Rusia Proton-M / Briz-M Dironjatkeun Kazakhstan Baikonur Site 200/39 Rusia Amérika Sarikat ILS 105.5° Wétan Keur aktip ngalayanan Pikeun ngaganti AsiaSat 3S di lokasi orbit 105.5° Wétan ahir taun 2014. [8]
AsiaSat 8 5 Agustus 2014 Amérika Sarikat Falcon 9 v1.1 Amérika Sarikat Cape Canaveral SLC-40 Amérika Sarikat SpaceX 105.5° Wétan Keur aktip ngalayanan Satellit AsiaSat kalayan frékuési Ku beam. [9]
AsiaSat 9 Oktober 2017[10] 122° Wétan Rancana Diwangun taun 20132015 rék diapungkeun taun 2017. Pikeun ngaganti AsiaSat 4 di 122° Wétan.

Rujukan[édit | édit sumber]

  1. a b c "aboutus". Asia Satellite Telecommunications Co. Ltd. Diakses tanggal 2017-05-14. 
  2. a b c d e f g h i "AsiaSat 1". Asia Satellite Telecommunications Co. Ltd. Diakses tanggal 2017-05-14. 
  3. a b c d de Selding, Peter B. (2015-03-27). "AsiaSat Results Reflect Troop Withdrawals, Capacity Glut". Space News. http://spacenews.com/asiasat-results-reflect-troop-withdraws-capacity-glut/. Diakses pada 29 Maret 2015 
  4. "AsiaSat 3S". AsiaSat. Diarsipkan dari versi asli tanggal 18 January 2014. Diakses tanggal 7 January 2014. 
  5. "AsiaSat 4". AsiaSat. Diarsipkan dari versi asli tanggal 7 December 2013. Diakses tanggal 7 January 2014. 
  6. "AsiaSat 5". AsiaSat. Diakses tanggal 7 January 2014. 
  7. "AsiaSat 6". AsiaSat. Diarsipkan dari versi asli tanggal 7 December 2013. Diakses tanggal 7 January 2014. 
  8. "AsiaSat 7". AsiaSat. Diarsipkan dari versi asli tanggal 7 December 2013. Diakses tanggal 7 January 2014. 
  9. "AsiaSat 8". AsiaSat. Diarsipkan dari versi asli tanggal 7 December 2013. Diakses tanggal 7 January 2014. 
  10. Pietrobon, Steven (25 Maret 2017). "Russian Launch Manifest". Diakses tanggal 2017-03-28. 

Tumbu kaluar[édit | édit sumber]