Agus Salim
| H. Agus Salim | |
|---|---|
| |
| Haji Agus Salim | |
| Pasangan | Zainatun Nahar Almatsier |
| Katurunan | |
| 10 putra nu 2 maot | |
| Rama | Sutan Muhammad Salim |
| Ibu | Siti Zaénab |
| Gumelar | 8 Oktober 1884 Agam, Sumatera Kulon, Hindia Walanda
|
| Maot | 4 Nopémber 1954 (yuswa 70) Jakarta, Indonésia
|
| Makam | Jakarta, Indonésia
|
Agus Salim (nami paparin bapana Mashudul Haq (hartina "ngabela nu haq"); gumelar di Agam, Sumatera Kulon, 8 Oktober 1884 – maot di Jakarta, Indonesia, 4 Nopémber 1954 dina umur 70 taun) nyaéta pajoang kamerdikaan Indonésia.[1] Haji Agus Salim ditetepkeun minangka salah sahiji Pahlawan Nasional Indonésia ku SK Présidén nomor 657 Taun 1961 dina ping 27 Désémber 1961.[2]
Hirup-hurip jeung Kulawarga
[édit | édit sumber]Agus Salim mangrupa putra cikal ti pasangan Sutan Salim Gelar Sutan Muhammad Salim jeung Siti Zaénab.[1] Ari bapana nyaéta Sutan Salim téa hiji jaksa kapala (hoofd jaksa) ogé jadi anggahota Mahkamah Agung mangsa harita. ku sabab kadudukan bapana anu luhur, Agus Salim bisa sakola di HBS (Hogere Burger School).[1] Agus Salim dipikawanoh calakan nepika kacutat jadi lulusan panghadéna di sakolana. Kawantéranna kaasup luar biasa dina pangawasaan basa.[1] Henteu ngan saukur basa daérah, Minang basa Indonésia jeung basa Walanda, Agus Salim ogé ngawasaan basa deungeun séjénna: basa Perancis, Inggris, Jérman, Jepang, Turki jeung Arab kalayan faséh.[1] Kahébatanna dina widang basa ieu jadi bekel pikeun icikibungna dina dunya pulitik Indonésia.[1]
Mimitina mah Agus Salim téh boga cita-cita hayang jadi dokter.[1] Hanjakal kulawargana henteu boga biaya pikeun marengkeun cita-citana éta.[1] Sabenerna mah anjeunnana téh meunang limpahan béasiswa ti Radén Ajeng Kartini nu mana béasiswa éta téh anu ditolak ku R.A. Kartini ku sabab rék dikawin.[1] R.A. Kartini nyarankeun ka pamaréntah Hindia Walanda pikeun mikeun béasiswa ditarima ku manéhna téh sangkan dilimpahkeun ka Agus Salim.[1] Tapi teuing kunaon Agus Salim henteu ngamangpaatkeun kasempetan éta pikeun marengkeun cita-citana.[1] Anjeunna kalahkah milih langsung digawé ka pamaréntah Hindia Walanda.[1] Margalantaran pangabisana anu hébring dina widang basa, pamaréntah Hindia Walanda nugaskeun anjeunna ka Jiddah pikeun jadi pangalihbasa di kantor konsulat Walanda.[1] Di nagari Arab, Agus Salim guguru ka Imam Masjidil Haram, syékh Ahmad Khatib anu sihoréng nyaéta uwana sorangan.[1] Kacutat salila 5 taun (1906-1911) Agus Salim dumuk di Jiddah.[1]
Sabalikna ti Jiddah taun 1911, Anjeunna nikah sinareng Zainatun Nahar Almatsier.[3] Pertikahanna lumangsung ping 12 Agustus 1912. Tina pertikahanna ieu Agus Salim dipaparin 10 putra nu 2 di antarana tilar dunya.[3]
Atikan
[édit | édit sumber]Atikan dadasar nu dirandapan ku Agus Salim di Europeesche Lagere School (ELS) sakola husus barudak Éropah, saterusna dilajengkeun ka Hoogere Burger School (HBS) di Batavia.[4] Anjeunna hahasil minangka lulusan panghadéna sa-Hindia Walanda mangsa harita. Kapedulianna kana widang atikan, anjeunna ngadegkeun sakola HIS (Hollandsche Inlandsche Scholl).[1]
Karir
[édit | édit sumber]Widang Orhanisasi
[édit | édit sumber]Dina taun 1915, Agus Salim ilubiung kana Sarékat Islam (SI) dina mangsa kapamingpinan H.O.S. Cokroaminoto.[5] Dina sajorélat, maranéhanana nyobat dalit jeung digawé bareng pikeun jaga Indonésia ka hareupna.[5] Agus Salim dipercaya ngagantikeun Cokroaminoto di Volksraad. di dieu, anjeunna mindeng ngomong bubukaan, heuras, jeung nangtang.[5] Mingkin ka dieu perjuangan Sarékat Islam beuki robah, Agus Salim udzur tina Volksraad.[5] Anjeunna salajengna aktip di JIB (Jong Islamieten Bond) ogé digawé minangka jurnalis.[5]
Tarékah Pra-Kamerdikaan
[édit | édit sumber]Jabatan dina Kabinét
[édit | édit sumber]- Menteri Ngora Luar Negeri dina kabinét Sjahrir II mangsa digawé 12 Maret 1946 – 2 Oktober 1946[4]
- Wakil Menteri Luar Negeri dina kabinet Sjahrir III mangsa digawé 2 Oktober 1946 – 27 Juni 1947[4]
- Menteri Luar Negeri dina kabinet Amir Sjarifuddin I mangsa digawé 3 Juli 1947 – 11 Nopémber 1947[4]
- Menteri Luar Negeri dina kabinet Amir Sjarifuddin II mangsa digawé 11 Nopémber 1947 – 29 Januari 1948[4]
- Menteri Luar Negeri dina kabinet Hatta I mangsa digawé 29 Januari 1948 – 4 Agustus 1949[4]
- Menteri Luar Negeri dina kabinet Hatta II mangsa digawé 4 Agustus 1949 – 20 Desember 1949.[4]
Widang Jurnalistik
[édit | édit sumber]Saenyana Agus Salim téh ngaleukeunan dunya jurnalistik ti taun 1915 di Harian Neratja miangka Redaktur II.[5] Sanggeus kitu diangkat jadi Pupuhu Redaksi.[5] Kagiatanna dina widang jurnalistik tumerus lumangsung nika antukna jadi Pamingpin Harian Hindia Baroe di Jakarta.[5] Saterusna ngadegkeun surat kabar Fadjar Asia.[5] Salajengna anjeunna ngajabar minangka Rédaktur Harian Moestika di Yogyakarta jeung muka kantor Advies en Informatie Buréau Penerangan Oemoem (AIPO).[5]
Karya Tulis
[édit | édit sumber]- Riwayat Kedatangan Islam di Indonesia
- Dari Hal Ilmu Quran
- Muhammad voor en na de Hijrah
- Gods Laatste Boodschap
- Jejak Langkah Haji Agus Salim (Kukumpulan karya Agus Salim nu dikompilasi ku kolegana, Oktober 1954)
Karya Tarjamahan
[édit | édit sumber]- Menjinakkan Perempuan Garang (ti The Taming of the Shrew karya Shakespeare)
- Cerita Mowgli Anak Didikan Rimba (ti The Jungle Book karya Rudyard Kipling)
- Sejarah Dunia (karya E. Molt)
Pungkasan Hirup
[édit | édit sumber]Dina taun 1953, Agus Salim indit ka Amérika Sarikat pikeun marengan uleman ti Cornel University di Ithaca nu mana anjeunna miboga peran minangka guru agung luar biasa dina mata kuliah “Pergerakan dan Cita Islam Indonesia”.[6] Dina taun 1953 katompérnakeun Agus Salim balik ka Indonésia.[6] Rencanana bakal ngabdi satemenna di widang atikan, minangka guru agung widang dakwah di PTAIN Yogyakarta.[6] Dina taun hareupna 1954 anjeunna milangkala anu ka-70 dina ping 8 Oktober, harita Agus Salim tas mimiti sagala karasa, kasakit teu euih-euih jeung kudu loba istirahat.[6] Antukna selang sabulan, nyatana ping 4 Nopémber 1954 Agus Salim tilar dunya.[6]
Potrét Kahirupan
[édit | édit sumber]-
Nalika diuk bareng jeung sohibna Sukarno taun 1949. -
-
Sukarno ngadu'a dipayuneun mayit H. Agus Salim (5 Nopémber 1954) -
Pasaran ngakut mayit H. Agus Salim nu kari ngurebkeun (5 Nopémber 1954) -
Poto Agus Salim dina Perangko taun 1962.
Rujukan
[édit | édit sumber]- ↑ a b c d e f g h i j k l m n o p Komandoko, Gamal. 2007. Kisah 124 pahlawan & pejuang Nusantara. Yogyakarta: Pustaka Widyatama.
- ↑ Kementerian Sosial Republik Indonesia, 2014. Daftar Nama Pahlawan Nasional Republik Indonesia Archived 2016-10-21 di Wayback Machine, disorang 20 Désémber 2014.
- ↑ a b Sularto, St. 2004. Haji Agus Salim (1884-1954): tentang perang, jihad, dan pluralisme. Yogyakarta: Gramedia Pustaka Utama.
- ↑ a b c d e f g h i www.tuangguru.com. 2012. Biografi Singkat H. Agus Salim. Indonesia: Tuang Guru Archived 2014-08-11 di Wayback Machine.
- ↑ a b c d e f g h i j www.pahlawanindonesia.com. 2014. Biografi Pahlawan Haji Agus Salim. Indonesia: Pahlawan Indonesia.
- ↑ a b c d e Rasyid, Abdurrahman. 2014. Peranan Agus Salim Menjelang dan Sesudah Kemerdekaan Indonésia (1942-1954). Jakarta.