Chikungunya
Chikungunya nyaéta salah sahiji panyakit anu dibalukarkeun ku virus genus Alphavirus jeung Famili Togaviridae. Ieu virus sumebar ka manusa ngaliwatan reungit Aedes Aegypti atawa Aedes Albopictus. Dua reungit anu nyababkeun chikungunya téh bisa ogé népakeun panyakit demam berdarah. Ku kituna, anu keuna ku chikungunya bisa ogé keuna demam berdarah dina waktu anu sarua. Chikungunya asalna tina basa Swahili anu ngagambarkeun nyeri atawa flu tulang nepi ka anu ngalaman panyakitna bongkok bakat ku nyeri sendi atawa tulang.[1] Lian ti éta, aya anu nyebutkeun ogé yén chikungunya téh asalna tina basa Makonde anu hartina melengkung ka luhur alatan nyeri sendi.[2] Reungit anu nyababkeun ieu panyakit biasana ngégél beurang waktu manusa keur ngalakukeun aktivitas. [3] Manusa anu kakeunaan ieu panyakit biasana anu cicing di daérah tropis, sanitasi lingkungan goréng, lansia, cicing di tempat wabah, orok anu kakara brol jeung anu kakeunaan panyakit kronik.[1] Nepi ka ayeuna vaksin panyakit chikungunya can kapanggih. Ku kituna, tarékah anu panghadéna ngabasmi véktor anu ngalantarankeun panyakitna.[4]
Kasus
[édit | édit sumber]Virus Chikungunya mimiti kapanggih waktu keur ayana wabah dina taun 1952 di wilayah Newala, Tanzania. Tuluy ieu panyakit sumebar di daérah Afrika, Asia, Eropa, jeung di perairan India dan Pasifik. Di Indonesia mimiti kapanggih di Samarinda dina taun 1973. Dina awal taun 2001, kejadian luar biasa (KLB) demam Chikungunya lumangsung di Muara Enim, Sumatera jeung Aceh.[3] Data Kementerian Kesehatan Republik Indonesia nyebutkeun yén 5.042 kasus chikungunya di Indonesia salila taun 2019. Tina éta kasus, aya 1.044 kasus kajadian di provinsi Jawa Barat, disusul Lampung 829 kasus jeung Gorontalo 534 kasus. Ngan, nepi ka ayeuna can aya kasus tilar dunya alatan chikungunya.[5]
Gejala
[édit | édit sumber]
Gejala anu kaalaman ku nu kakeunaan panyakit chikungunya biasana karasa sanggeus 3 nepi ka 10 poé sanggeus digégél ku reungit anu nyababkeunana. Gejala umumna kawas kieu.
- Nyeri sendi utamana bagian sendi dina tuur, pigeulang leungeun, ramo suku, leungeun, sarta tulang palebah tukang.
- Muriang kira-kira dina suhu 39-40 derajat Celcius.
- Kulit totol-totol bareureum jiga demam berdarah.
- Sebel, kejang, nyeri sirah jeung diaré.
- Lumpuh dina mangsa keur diubaran.[3]
Ngungkulan
[édit | édit sumber]
Aya sababaraha cara keur ngungkulan ieu panyakit.
- Ngagunakeun obat DEET (N, N-Diethyl-meta-toluamide).[1]
- Melak lavender di sabudeureun imah.[1]
- Ngayaan aromaterapi minyak lemon atawa eucalyptus keur ngusir reungit.[1]
Bédana chikungunya jeung demam berdarah
[édit | édit sumber]- Chikungunya mah disababkeun ku virus Togaviridae alphavirus. Ari demam berdarah mah disababkeun ku Flaviviridae flavivirus.[6]
- Chikungunya mah mangsa inkubasina 3 poé. Sedeng demam berdarah mah antara 4-7 poé.[6]
- Demam berdarah mah bakal ngalaman nurunna trombosit nepi ka 100.000. Ari Chikungunya mah henteu ngalaman nurunna trombosit.[6]
- Gejala anu utama dia panyakit chikungunya mah nyeri sendi, ari dina demam berdarah mah teu kaalaman gejala kawas kitu.[6]
Rujukan
[édit | édit sumber]- ↑ a b c d e Anggraini, Dyah Novita. "Flu Tulang - Penyebab, Gejala, Pengobatan". www.klikdokter.com. Diakses tanggal 2022-08-26. Archived 2022-08-26 di Wayback Machine
- ↑ Sitoresmi, Ayu Rifka. "Chikungunya adalah Flu Tulang, Kenali Gejala dan Penyebabnya". liputan6.com (dalam Indonesian). Diakses tanggal 2022-08-29.
- ↑ a b c Swari, Risky Candra. "Flu Tulang Alias Chikungunya: Gejala, Penyebab, dan Obatnya". Hello Sehat (dalam id-ID). Diakses tanggal 2022-08-26.
- ↑ Dosan, Ricky. "Chikungunya - patofisiologi, diagnosis, penatalaksanaan". Alomedika. Diakses tanggal 2022-08-29.
- ↑ Pittara. "Chikungunya". Alodokter. Diakses tanggal 2022-08-29.
- ↑ a b c d Ni Kadek, Widiastuti. "Demam Berdarah dan Chikungunya, Apa Bedanya?". Dinas Kesehatan Provinsi Bali (dalam en-US). Diakses tanggal 2022-08-29. Archived 2022-08-29 di Wayback Machine