Gulé

Gulai
Gulé hayam
Bagéan	Deungeun sangu
Tempat asal	Jawa Kulonawa
Suhu pidangan	Panas atawa haneut
Bahan utama	Mangrupa campuran bungbu ( konéng, katuncar, pedes, laja, jahé, cabé beureum, bawang beureum, bawang bodas, adas, pala, séréh, kayu manis jeung jinten nu dilemeskeun, dicampur, tuluy diolahkeun kana cipati) jeung sarupaning daging, jeroan, lauk, atawa sayuran
Cookbook:Gulai  Gulai

Gulé mangrupa kaolahan nu bahan bakuna daging hayam, sarupaning lalaukan, embé, sapi, jeroan, atawa sayuran kayaning kétéwél, tongtolang jeung daun sampeu, nu diolahkeun jeung kuah bungbu nu rasana gurih. Ciri has gulé nyaéta bungbuna nu euyeun samara kayaning konéng, katuncar, pedes, laja, jahé, cabé, bawang beureum, bawang bodas, adas, pala, séréh, kayu manis jeung jinten nu dilemeskeun, digalokeun, tuluy diasakan jeung cipati. Ieu kaolahan mibanda ciri mandiri, warnana konéng lantaran pangaruh sari konéng. Ieu kaolahan dianggap minangka wanda lian tina kari, jeung sacara internasional sok disebut minangka kari ala Indonésia, sok sanajan dina seni kulinér Indonésia mah kari béda deui jinisna.

Varéasi lokal

Gulé mangrupa salah sahiji jinis kaolahan nu sumebar di sakuliah Nusantara, utamana di Jawa jeung Sumatra sarta Semenanjung Malaya. Ieu kaolahan asalna ti Sumatra minangka hasil pangaruh jeung larapan seni masak India nu euyeub ku samara jeung bungbu jiga kari. Gulé nyaéta salah sahiji bungbu kaolahan dasar nu pangkakoncarana dina kaolahan Minangkabau, kuah gulé nu warnana konéng ieu ngajadikeun bungbu jeung méré citarasa pikeun mangrupa-rupa kaolahan nu disuguhkeun di réstoran Padang. Kuah atwa bungbu gulé biasana mah kintel dina kaolahan Minangkabau, Malayu, jeung Acéh, ngan di Jawa mah kuah gulé leuwih éncér jadi kawas sop nu disuguhkeun panas-panas anu eusina daging atawa jeroan embé.

Ari gulé biasana disuguhkeun jeung sangu panas, ngan sawatara resép jiga gulé embé mah bisa disuguhkeun jeung roti canai.

Ieu di handap varéasi gulé dumasar bahanna:

Hayam

• Gulé hayam
• Gulé haté hampela
• Gulé endog

Daging

• Gulé embé
• Gulé sapi

Jeroan

• Gulé haté
• Gulé limpa
• Gulé gajih
• Gulé usus
• Gulé babat
• Gulé tulang rangu
• Gulé otak
• Gulé sumsum

Lauk darat jeung lauk laut

• Gulé lauk emas
• Gulé kakap
• Gulé hulu kakap
• Gulé endog lauk
• Gulé cumi

Sayuran

• Gulé cubadak (tongtolang)
• Gulé kacang panjang
• Gulé daun hui
• Gulé daun pakis
• Gulé jariang atawa gulé jéngkol